Դասադուլ՝ Գյումրու թիվ 25 դպրոցում. պատճառը՝ Տիգրան Ավինյանի որոշումն է

Ծնողների որոշմամբ, փետրվարի 2-ին Գյումրու Եղիշե Չարենցի անվան թիվ 25 դպրոցում դասադուլ է սկսվել: Այս մասին հայտնում է Արմենպրեսը: Դպրոցում դասեր չեն եղել նաև երեկ՝ արդեն ուսուցչական անձնակազմի որոշմամբ:

Բողոքը վերաբերում է դպրոցի տնօրենի նշանակմանը. այստեղ տնօրենի թափուր տեղի մրցույթն անցկացվել էր 2020 թվականի սեպտեմբերի 15-ին։ Մրցույթին մասնակցել էր 7 հավակնորդ։ Կրկնակի քվեարկությամբ կառավարման խորհրդին չէր հաջողվել ընտրել տնօրեն․ չնայած 2 թեկնածուներից և ոչ մեկը չէր հավաքել պահանջված 5 ձայնը, նույն դպրոցի ուսուցիչ Մերուժան Մինասյանի օգտին գրանցվել էր 4, իսկ մյուս թեկնածուն` Իրինա Բաղդասարյանը հավաքել էր 2 ձայն: Ու քանի որ նրանցից ոչ մեկը չէր հավաքել հինգ ձայն,  ըստ գործող կարգի,  նշանակումը կատարել է փոխվարչապետը՝ հիմք ընդունելով իր աշխատակազմի կողմից 2 թեկնածուների հետ  անցկացրած հեռավար հարցազրույցը։ Ծնողներն ու դպրոցի անձնակազմը նամակ են  հղել փոխվարչապետին՝ խնդրելով տնօրենի նշանակման ժամանակ հաշվի առնել իրենց կարծիքը, սակայն նախապատվությունը տրվել է Իրինա Բաղդասարյանին, ինչն էլ հարուցել է դպրոցի անձնակազմի ու ծնողների զայրույթը։

 «Այս ողջ ընթացքում մեր խնդրանքն ու կարծիքը հաշվի չի առնվել, մենք էլ գտնում ենք, որ մեր խնդիրը կարող ենք միայն դասադուլի միջոցով լուծել, դա մեր՝ ծնողներիս որոշումն է։ Մեր դպրոցն ուներ իր թեկնածուին՝ պարոն Մինասյանին, նա շատ հարգալից է, նրան հարգում են ե՛ւ ծնողները, ե՛ւ աշակերտները, ե՛ւ ուսուցիչները, կուզենայինք տնօրեն տեսնել պարոն Մինասյանին»,- ասում է ծնողներից մեկը՝ հավելելով, որ   խախտումներ են եղել նաև տնօրենի նշանակման ժամկետների հետ կապված: «Պետական հանրակրթական ուսումնական հաստատության տնօրենի ընտրության (նշանակման) կարգի» համաձայն` ներկայացված փաստաթղթերի հիման վրա, 5 աշխատանքային օրվա ընթացքում, հաստատության` մարզային ենթակայության դեպքում Հայաստանի Հանրապետության փոխվարչապետը լիազոր մարմնի ղեկավարին գրությամբ առաջարկում է հավակնորդներից որևէ մեկի թեկնածությունը օրենքով սահմանված կարգով աշխատանքային պայմանագիր կնքելու համար, սակայն, նշված դեպքում խախտվել է, եւ փոխվարչապետը հավակնորդի թեկնածության մասին հայտնել է ոչ թե 5 օր անց, այլ երկու ամիս անց։

Ծնողները վստահեցնում են՝ երեխաները դպրոց չեն գնա այնքան ժամանակ, քանի դեռ փոխվարչապետ Տիգրան Ավինյանը չի վերանայել իր որոշումը:

Այս թեմայով Ապօրինի կառուցված և քաղաքաշինական նորմերին չհամապատասխանող որևէ գազաբենզալցակայան Երևանում չպետք է լինի. Տիգրան Ավինյան ՔՊ վարչության նիստերում ընդդիմադիր շարժման մասին քննարկումներ չեն եղել. Ավինյան (տեսանյութ) Երևանում ընթանում է բալետային փառատոնը, որը մեր առօրյան փոխելու հավակնոտ մի ծրագիր է․ Ավինյան Ցավով հետևում եմ Լոռու մարզում ստեղծված իրավիճակին, Երևանը պատրաստ է օգնել․ Ավինյան Էս տարի ինչի՞ց ա ասֆալտի հետ կապված էսքան խնդիրներ առաջացել. Ավինյան (տեսանյութ) Ոնց հասկանում եմ՝ Նոր Հաճնում ջրագողություն ա տեղի ունենում ինդուստիալ չափերի. Ավինյան (տեսանյութ) Բյուրականի Թումանյանի անվան դպրոցում դասադուլ է. պատճառը մարզպետի՝ տնօրենին ազատելու որոշումն է (տեսանյութ) Մեր և ՎԶԵԲ-ի հետ բանակցությունների արդյունքում որոշվեց տարեկան ժողովը ընդունել Երևանում․ Ավինյան ԵՊՀ-ում շատ օգտակար դասադուլ է (տեսանյութ) Ինձ ոչ մեկ չի կարող ցուցում տալ, որ դասադուլ արգելեմ, ուսանողներն ազատ են. Ռուբեն Մելքոնյան