Դուբայ-Երևան չվերթով փորձ է արվել ՀՀ ներմուծել առանց հայտարարագրման ադամանդանման քարեր և բրենդային հագուստ. ՊԵԿ

ՀՀ ՊԵԿ Արևմտյան մաքսատուն-վարչությունում օրերս հայտնաբերվել է մաքսային կանոնների խախտման նոր դեպք։

ՊԵԿ-ից հայտնում են, որ Դուբայ-Երևան չվերթով ժամանած ՀՀ քաղաքացին ՊԵԿ Արևմտյան մաքսատուն-վարչության ուղևորների մաքսային հսկողության բաժնում հատել է «Կանաչ ուղի» մուտքի գիծը, որը համարվում է մաքսային հայտարարագրման ենթակա ապրանքների բացակայության մասին ֆիզիկական անձի կողմից արված հայտարարություն։

Մաքսային հայտարարագրման ենթակա ապրանքների տեղափոխման վերաբերյալ հիմնավոր կասկածներ ունենալով` «Կանաչ ուղի» մաքսային հսկողության գոտու ելքի գիծը հատելուց հետո, Արևմտյան մաքսատուն-վարչության մաքսային ծառայողները ՀՀ քաղաքացուն ուղեկցել են «Կարմիր ուղի» մաքսային հսկողության գոտի: Վերջինս  ենթարկվել է մաքսային հսկողության: Արդյունքում հայտնաբերվել են 655 գրամ ադամանդանման քարեր` դասավորված պոլիէթիլենային 10 տարբեր փաթեթում` յուրաքանչյուրի վրա կարատի և հատի նշագրմամբ: Հսկողության արդյունքում հայտնաբերվել են նաև «Pierre Cardin» ապրանքատեսակի 20 կգ կանացի և տղամարդու հագուստ`  կոշկեղեն, շապիկներ, պայուսակներ, սպորտային կոստյում և գուլպաներ։

Կազմվել է մաքսային կանոնների խախտման վերաբերյալ արձանագրություն՝ Մաքսային կարգավորման մասին ՀՀ օրենքի 316-րդ հոդվածով և վարչական վարույթի փաստաթղթերը ներկայացվել են ՀՀ ՊԵԿ Իրավաբանական վարչություն` հետագա ընթացքն ապահովելու համար:

Այս թեմայով Սյունը հասել է Երևան, դեմարկացիա ենք անում ԱԺ-ն. ակցիա` Բաղրամյան պողոտայում (տեսանյութ) Երևան-Մեղրի ավտոճանապարհից դեպի Գնդեվանք տանող ճանապարհին տեղի է ունեցել փլուզում Աղետալի վիճակում ենք, հաջորդ քայլը անդունդից ընկնելն է լինելու. սա ասում եմ առանց դրամատիզացնելու (տեսանյութ) Երևան-Արմավիր-ՀՀ սահման ճանապարհի երեք հատվածներում հիմնանորոգման աշխատանքներ են Ինչպես է առանց մրցույթի սեփականաշնորհվել Ջրաշխարհի տարածքն ու հարակից լանջը․ Հետք Աշխարհահռչակ ջութակահար Հադելիխը «Երևան» պատանեկան սիմֆոնիկ նվագախմբի հետ ելույթ է ունեցել Խորհրդակցությունների համար Մոսկվա կանչված ՌԴ դեսպանը վերադարձել է Երևան Հանրահավաքն ավարտվեց. Բագրատ Սրբազանի առաջնորդությամբ մեկնարկել է երթ. ուղիղ Չենք կարող հույս ունենալ, որ պարզապես կհեռանան. ընդամենը 4 օր` առանց դադարի պետք է լինենք փողոցում. Սրբազան (տեսանյութ) Երևան-Մոսկվա ավիատոմսերի արժեքը՝ հունիսի 9-ից 11-ը