Արսեն Թորոսյանն արդարացնում է անսկզբունքայնությունն ու երկակի ստանդարտները (տեսանյութ)

Օրերս բավական ուշագրավ բանավեճ էր տեղի ունեցել ԱԺ երկու պատգամավորների՝ Արսեն Թորոսյանի և Արծվիկ Մինասյանի միջև, որի ընթացքում ՔՊ-ական պատգամավորը հանդես է եկել  ռեզոնանսային հայտարարությամբ, որը, սակայն, լավագույնս է ի ցույց դնում կառավարող քաղաքական թիմի գաղափարական սնանկությունը: Դիցուք՝ Արսեն Թորոսյանն այն կարծիքին է, որ  համոզմունքը կարելի է փոխել՝ կախված ժամանակից, հանգամանքներից եւ այլն։

Արսեն Թորոսյանն, ըստ էության, ոչ ավել, ոչ պակաս արդարացնում է անսկզբունքայնությունը, սեփական գաղափարներին դավաճանելը: Մինչդեռ սրանք հենց այն կարևորագույն հատկանիշներն են, որոնցով օժտված են քաղաքական գործիչները քաղաքակիրթ երկրներում: Ավելին՝ այս հատկանիշները հանդիսանում են այս կամ այն գործչի քաղաքական հասունության լավագույն ինդիկատորը: Ստացվում է, որ Արսեն Թորոսյանի համար դրանք բնավ էլ կարևոր հատկանիշներ չեն: Թերևս ինքը՝ Թորոսյանը, ով ժամանակին, հիշեցնենք, ՀԱԿ անդամ էր, իր կողմից բարձրաձայնած թեզի լավագույն ապացույցն է: Սակայն, պարզից էլ պարզ է, որ այսպես մտածում է ոչ միայն վերջինս, այլ իր քաղաքական թիմի ներկայացուցիչների մի ստվար հատված: Եվ իսկապես, կարելի է հայտարարել, որ Արցախը Հայաստան է և վերջ, իսկ պատերազմը պարտվելուց և խայտառակ կապիտուլյացիա ստորագրելուց հետո արդարանալ, թե Արցախը հայկական պահելու շանսեր երբեք էլ չեն եղել: Կարելի է հայտարարել, որ գալիս ես իշխանության ռազմավարական դաշնակիցների հետ հարաբերությունները խորացնելու և զարգացնելու տեսլականով, իսկ այնուհետև կտրուկ փոխել արտաքին քաղաքական վեկտորը՝ սեփական ժողովրդի շահերի հաշվին: Կարելի է հայտարարել, որ կարմիր գծերի վճարը քաղաքացիների պարզ թալան է, իսկ այնուհետև այդ վճարն ավելացնել 13 անգամ: 

Գաղափարների դավաճանությունը, քաղաքական ճամբարափոխությունը և անսկզբունքայնությունը, իհարկե, նորություն չեն քաղաքականության մեջ, սակայն Արսեն Թորոսյանը, ինչպես և իր բազմաթիվ թիմակիցներ, մոռանում են պարզ մի ճշմարտություն՝ հանրությունը միշտ էլ իր ճիշտ գնահատականն է տալիս՝ նման քաղաքական գործիչներին թողնելով նրանց պատմության լուսանցքում:

Այս թեմայով Արսեն Գրիգորյանի ոտքը ոչ թե կոտրվել է, այլ նա սալջարդ է ստացել. ՆԳՆ Արտագաղթի խնդրի լուծումը նեգաղթն է. Արսեն Գրիգորյան (տեսանյութ) Ձեռքս էր վնասվել քաշքշուքի ժամանակ, բայց արդեն գրեթե անցել է. Արսեն Գրիգորյան Կիրանցի մոտ ոստիկանական գործողություններից վնասվածք է ստացել երգիչ Արսեն Գրիգորյանը Հետ ենք գնում, ագրեսիա հո չենք կիրառելու, մենք մշակույթի մարդ ենք. Արսեն Գրիգորյան (տեսանյութ) Եկանք, որ Լենա տատիկին շնորհավորենք, ոստիկանները մեր առջև ճանապարհը փակեցին. Արսեն Գրիգորյան (տեսանյութ) Ժողովրդի կողմից իշխանության ձևավորման մի մեխանիզմ կա. Արսեն Թորոսյանը՝ Բագրատ Սրբազանին Վաղը խմբերով, մշակույթի գործիչներով գնալու ենք Կիրանց. Արսեն Գրիգորյան Մենք հաղթեցինք եզրափակիչներից մեկը, ևս երեքը դեռ կա. Արսեն Բեգլարյան Մեզ կարող են սպանել, բայց հաղթել չեն կարող, ծնկի չենք գալու, հայի մեջ հավատն արթնացել է․ Մրո (տեսանյութ)