10 միֆեր՝ Արևմուտքից սպասվող օգնության մասին

Գաղտնիք չէ, որ Հայաստանի իշխանություններն՝ ի դեմս Նիկոլ Փաշինյանի և նրա թիմակիցների, սկսել են իրագործել ՀՀ արտաքին քաղաքական վեկտորի շրջադարձը դեպի Արևմուտք: Այս ընթացքում չի եղել նաև քարոզչական թեզերի պակաս, որոնք իշխանությունները փորձել են տարածել՝ հանրության մոտ ստեղծելով տպավորություն, որ միայն Արևմուտքի հետ սերտ համագործակցության արդյունքում Հայաստանն ի վիճակի կլինի հաղթահարել անվտանգային և տնտեսական մարտահրավերները: Իրականում այդ թեզերը ոչ այլ ինչ էին, քան սովորական միֆեր, որոնք էլ մենք այսօր կցրենք: Եվ այսպես՝

1․ Իշխանական թիմի ներկայացուցիչները, մեկը մյուսին հերթ չզիջելով, հայտարարում էին, որ Նենսի Փելոսիի այցը Հայաստան նշանակում էր, որ ԱՄՆ–ն մեր կողմից է և ԱՄՆ-ն մեզ օգնելու է: Այդ այցից անցել է շուրջ մեկ տարի և սխալ կլինի ասել, որ ԱՄՆ մարտավարությունը ՀՀ–ի հետ հարաբերություններում որևէ փոփոխության է արժանացել: 

2․ Մակրոնի հայտարարությունները և հայերին սատարելու մասին նրա հայերեն հուզիչ գրառումները նշանակում են, որ Ֆրանսիան մեզ կօգնի։ (Մակրոնը հայտարարել է, որ պատժամիջոցներ չեն լինելու, անտեսել է Արցախի էթնիկ զտումները և երբեք չի այցելել Հայաստան՝ ի տարբերություն Ուկրաինայի, Ուզբեկստանի, Ղազախստանի և այլն):

3. Քանի որ մենք դեմոկրատական ​​երկիր ենք, ժողովրդավարական Արեւմուտքը մեզ կօգնի։ Ի հեճուկս այս թեզի՝ Արևմուտքն Ալիևին հայտարարեց վստահելի գործընկեր, ավելին՝ ԵՄ հետ էներգետիկ նոր պայմանագիրը նոր թափ է հաղորդելու Արևմուտք-Ադրբեջան հարաբերություններին: ԱՄՆ ուղեղային կենտրոններից ամենահեղինակավորներից մեկը՝ Foreign policy in Focus կենտրոնը ծավալուն հոդված էր նվիրել՝ նկարագրելով Վաշինգտոնի որդեգրած ռազմավարությունը Բաքվի հետ հարաբերություններում: Հոդվածում, մասնավորապես, նշվում է, որ տարածաշրջանում ԱՄՆ-ի պլանավորման հիմքում Ադրբեջանն է:

4․ Արեւմուտքը մեզ կօգնի, եթե մենք դադարենք լինել ՌԴ դաշնակիցը և դուրս գանք ՀԱՊԿ-ից, այդ դեպքում մեզ կարող են ընդունել նաև ՆԱՏՕ: Մինչդեռ ընդամենը շաբաթներ առաջ ՆԱՏՕ պաշտոնական ներկայացուցիչը հայտարարեց, որ ՆԱՏՕ–ում Հայաստանի հաշվին կազմակերպության ընդլայնման հնարավորությունը չեն դիտարկում։

5 Արևմուտքը մեզ կօգնի այնպես, ինչպես Ուկրաինային։ Արևմուտքը շատ ավելի լուրջ օգնություն ցույց տվեց Ուկրաինային, 250 միլիարդ դոլար և ամենաժամանակակից սպառազինություն, բայց հիմա նա լքում է Ուկրաինան՝ մենակ թողնելով նրան թշնամու հետ՝ ասելով, որ փողերը վերջացել են:

6. ԵՄ–ի հետ կապերի սերտացումը կհանգեցնի ՀՀ քաղաքացիների համար վիզային ռեժիմի ազատականացմանը: Սակայն, օրեր առաջ եվրոպական խորհրդարանում հայտարարեցին, որ այս մասով դեռևս ընդամենը քննարկումներ են ընթանում և չկա ոչ մի կոնսենսուս: Դժվար է անգամ պատկերացնել, թե որքան ժամանակ կպահանջվի, որպեսզի ՀՀ քաղաքացիները հնարավորություն ստանան այցելել ԵՄ երկրներ առանց վիզայի, եթե անգամ Ռումինիայի և Բուլզարիայի քաղաքացիներն էին 12 տարի լավագույն ապագայի սպասման մեջ գտնվել: 

7. Արևմուտքը պատրաստ է շատ ավելի մեծ ֆինանսական ներդրումներ անել Հայաստանում, եթե մենք նվազեցնենք տնտեսական կախվածությունը ՌԴ-ից: Մինչդեռ, մինչ այս պահը ԵՄ–ի կողմից դեռ 2019-ին խոստացված 2,6 միլիարդ դոլարից որևէ տեղեկություն չկա, փոխադարձ առևտուրն էլ ԵՄ–ի հետ հասել է պատմական մինիմումի:

8. Եվրոպացի դիտորդները մեզ կօգնեն՝ իրենց ներկայությամբ ապահովելով մեր անվտանգությունը։ Եվրադիտորդները չօգնեցին ոչ բուն Հայաստանի վրա Սոթքում և այլ տարածքներում հարձակման, ոչ էլ Արցախի էթնիկ զտումների ժամանակ։

9. Արևմուտքը պատժամիջոցներ կկիրառի, եթե Հայաստանի վրա հարձակում լինի կամ Արցախում էթնիկ զտումներ լինեն: Մինչդեռ հենց Գերմանիայի ԱԳՆ ղեկավարը, պատասխանելով հարցին, թե ԵՄ-ն որքանո՞վ կարող է ավելի խորը դիտարկել Հայաստանի հետ հարաբերությունը, շատ պարզ պատասխան հնչեց, որ ԵՄ-ն դա դիտարկում է ոչ թե Հայաստանի հետ առանձին, այլ Հայաստանի ու Ադրբեջանի հետ, ու այդ հարաբերությունից է կախված, թե ինչպիսին կլինի հետագա մերձեցումը ԵՄ-ի հետ: Իսկ Ֆրանսիայի նախագահ Մակրոնը հայտարարել է, որ Բաքվի դեմ պատժամիջոցները կարող են խաթարել խաղաղության գործընթացը:

10. Ֆրանսիան մեզ ռազմական օգնություն ցուցաբերեց։ Իրականում, Ֆրանսիան Հայաստանին ուղարկեց մարտական ​​մեքենաներ, որոնցից հենց իրենք են հրաժարվել 23 տարի առաջ, որոնցից հրաժարվել էր Ուկրաինան, որոնք չեն կարող անձնակազմին պաշտպանել հրթիռներից կամ անօդաչու թռչող սարքերից, և որոնք արտահանվում են աֆրիկյան ամենաաղքատ երկրներ՝ խաղաղապահ և հետախուզական առաքելությունների համար։

Ինչպես տեսնում ենք՝ վերը նշված միֆերի մի մասը արևմտյան պաշտոնյաներն են հերքել, մյուս մասի իրականացման համար էլ որևէ անհրաժեշտ նախապայման այս պահին չկա: 

Այս թեմայով Աննախադեպ ռեպրեսիաների քարտ-բլանշ Արևմուտքից՝ Նիկոլ Փաշինյանին Բոլթոն-Փաշինյան-Մուր ծրագիրն՝ ընդդեմ Իրանի Արևմուտքի՝ նոր պատերազմի քարտ-բլանշը Բաքվին ԵՄ ջրցան մեքենաներն՝ ընդդեմ թուրքական «Bayraktar»-ի. Արևմուտքի «հուժկու» աջակցությունը ՌԴ Պետդումայում հայտարարել են՝ «Արևմուտքը Երևանին մղում է ուկրաինական ճանապարհով» Ապրիլի 5-ի հանդիպումը բերելու է Արևմուտք-ՌԴ առճակատման ուժեղացմանը մեր տարածաշրջանում. Սարգսյան Եվրոպացի պաշտոնյան բացահայտեց Արևմուտքի հերթական երկերեսանի խաղն ու կեղծավորությունը Արևմուտքը միջամտում է ՀՀ ներքին գործերին՝ սլաքներն ուղղելով Մոսկվայի կողմը Արևմուտքի երկակի ստանդարտները՝ գերության մեջ գտնվող հայ քաղբանտարկյալներին ազատ արձակելու հարցում Արևմուտքը Հայաստանին մղում է տնտեսական «ինքնասպանության»