Ղրիմի հարցը փակված է, այն Ռուսաստանի անբաժանելի մասն է. Լավրով

«Ղրիմի և Սևաստոպոլի սեփականության հարցը փակված է, թերակղզին, ըստ նրա բնակիչների կամքի, Ռուսաստանի անբաժանելի մասն է»,- այս մասին մարտի 16-ին Ղրիմի հանրաքվեի կապակցությամբ իր ուղերձում ասել է Ռ ԱԳ նախարար Սերգեյ Լավրովը, գրում է Regnum-ը։ 

«2014 թվականի մարտին Ղրիմի բնակիչները գիտակցաբար որոշեցին իրենց ապագան՝ որոշելով վերամիավորվել Ռուսաստանի հետ և դրանով իսկ իրացնել ինքնորոշման իրենց իրավունքը՝ ամրագրված ՄԱԿ-ի կանոնադրությամբ և միջազգային իրավունքի սկզբունքների հռչակագրում։ Այս որոշումը հնարավորություն է տվել պաշտպանել Ղրիմի կյանքը, պատիվն ու արժանապատվությունը Կիևում ռուսաֆոբ ռեժիմի ոտնձգություններից։

Մենք բոլորս լավ ենք հիշում այդ տագնապալի, սարսափելի գարունը, երբ արյունալի հեղաշրջման արդյունքում՝ Կիևում իշխանությունը զավթեցին նեոնացիստները։ Մենք հիշում ենք նաև տխրահռչակ «բարեկամության գնացքները», որոնք սարքավորվել են Բանդերայի գաղափարական հետևորդների կողմից՝ ճնշելու թերակղզու բնակիչներին, ովքեր չէին ցանկանում դավաճանել իրենց արժեքները, մշակույթը, պատմությունը և իրենց նախնիների դարավոր ավանդույթները»,- ասել է Լավրովը։ 

«Կիևի նեոնացիստների հետագա գործողությունները՝ պատժամիջոցները, էլեկտրահաղորդման գծերի խափանումը, տրանսպորտը, էներգետիկական և ջրային շրջափակումները միայն ամրապնդեցին հանրապետության բնակիչների վստահությունը իրենց ընտրության ճշմարտացիության նկատմամբ»,- ասել է Լավրովը։

ՌԴ ԱԳ նախարարը հայտարարել է, որ վերջին տարիներին Ղրիմը կարողացել է հաղթահարել Ուկրաինայից «ժառանգած» բազմաթիվ խնդիրներ և իրականացնել բազմաթիվ լայնածավալ սոցիալական և ենթակառուցվածքային նախագծեր։

«Ղրիմում խստորեն պահպանվում են բոլոր քաղաքացիների իրավունքները՝ առանց բացառության, անկախ ազգությունից և լեզվից, և հանրապետության բնակիչները կարող են ապագային նայել վստահությամբ և լավատեսությամբ»,-հավելել է Լավրովը։

Այս թեմայով Սրբազանը կարևոր «մեսիջ» ունի, որ այս հարցը պետք է լուծել հիմա, սա չպետք է թողնենք սերունդների վրա (տեսանյութ) ՆԱՏՕ-ն Ռուսաստանի հետ պատերազմի է պատրաստվում. Հունգարիայի ԱԳ նախարար Հայաստանն իրավունք ունի փնտրելու այլ գործընկերներ, բայց տեսանելի ապագայում Ռուսաստանի հետ համագործակցությունն այլընտրանք չունի. Զատուլին Մեզ փորձում են հասկացնել, որ ԱՄՆ-ն և ՆԱՏՕ-ն պատրաստ են ամեն ինչի. Լավրով Մակրոնը կոչ է արել թույլ տալ Կիևին հարձակվել Ռուսաստանի վրա ՆԱՏՕ-ն փորձում է վերցնել Մոլդովան. Լավրով Ռուսաստանի հայերի միության հայտարարությունը՝ Սարդարապատում տեղի ունեցած միջադեպի կապակցությամբ Եթե հարկ լինի` Կիրանցում նոր դպրոց կկառուցենք, ծնողների հետ կքննարկենք անվտանգության հարցը․ Փաշինյան (տեսանյութ) Այս փուլում արտահերթ ընտրության հարցը չենք քննարկում. Բագրատ Սրբազան (տեսանյութ) Եվրոպական երկրները չեն պատերազմում Ռուսաստանի դեմ. Էմանուել Մակրոն