Չկայացած միջոցառման համար փոխհատուցում չեն ստացել. դիմել են ԱԱԾ

«Սպառողների աջակցման կենտրոն» հասարակական կազմակերպության նախագահ Աշոտ Միրզոյանը ԼՈՒՐԵՐ.com-ին հայտնեց, որ իրենց բազմաթիվ մարդիկ են դիմում, ովքեր գնել են «Ջրային կրկես» միջոցառման տոմսեր, սակայն միջոցառումները չեղարկվել են, իսկ քաղաքացիները փոխհատուցում չեն ստացել:

«Մարդիկ տոմսեր են գնել, սակայն միջոցառումները չեղարկվել են: Մեր հ/կ-ին բազմաթիվ մարդիկ են դիմել, որոշեցինք օգնել նրանց, դիմեցինք ոստիկանություն: Մի քանի օր առաջ ոստիկանությունից տեղեկացրին, որ դիմումը ստացել են և համապատասխան ընթացակարգով գործին ընթացք է տրվել: Սակայն հստակ գործընթաց դեռ չենք նկատել, ուստի կդիմենք համապատասխան այլ մարմիններին: Օգտագործելու ենք իրավական բոլոր լծակները՝ հարցին լուծում տալու համար»,- նշեց նա:

Միրզոյանը հայտնեց, որ քաղաքացիները դեռ շարունակում են դիմել իրենց և այս պահին մոտ 100 դիմում են ստացել, տուժողների թիվն օրեցօր ավելանում է: 

«Շատ հավանական է, որ դիմենք ԱԱԾ, եթե ոստիկանությունը շարունակի դանդաղել: Եղել են դեպքեր, որ մի ընտանիք 100 հազար դրամ է ծախսել: Գնել են թանկ տոմսեր՝ ընտանիքի բոլոր անդամների համար: Կան դեպքեր, որ 40 կամ 80 հազար են վճարել տոմսերի համար: Ընդհանուր առմամբ՝ տոմսերի գինը 4000 - 20 հազար դրամ է»,- ասաց նա:

Միրզոյանը հայտնեց, որ տուժած քաղաքացիներին աջակցելու գործընթացը կշարունակվի այնքան, մինչև խնդրին չտրվի իրավական լուծում. «Տեղի ունեցածը հանցագործություն է մարդկանց հանդեպ: Ըստ էության, սա դուրս է  սպառողների իրավունքների սահմանից, քանի որ սպառողները 14 օրվա ընթացքում դիմել են կազմակերպիչներին, սակայն հարցը չի լուծվել: Նկատենք, որ այս ամենը տեղի է ունեցել մինչև կորոնավիրուսով պայմանավորված իրավիճակը»:

Նա նաև տեղեկացրեց, որ մինչև այժմ կազմակերպիչները որևէ հայտարարությամբ հանդես չեն եկել. «Այս ամենը  մենք որակում ենք որպես ես խաբեբայություն, խարդախություն»: 

Այս թեմայով Կառավարությունը կստեղծի Սպորտի կառավարման կենտրոն «Ստեղծեցին» համաշխարհային առեւտրի կենտրոն՝ թղթի վրա. «Ժողովուրդ» Ոստիկանական բեռնատարները Կենտրոն նոր ուժեր են տեղափոխում (տեսանյութ) Շատ բնական է արցախցիների մասնակցությունը այս շարժմանը. նրանք այս ամենի միջով անցել են. Աշոտ Ղուլյան (տեսանյութ) Կենտրոն վարչական շրջանը նոր ղեկավար ունի Բագրատ Սրբազանը երթի ժամանակ ցույց տվեց մեր հաղթանակած թագավոր Աշոտ Երկաթի խաչը Կենտրոն վարչական շրջանի նորանշանակ ղեկավարն «իրական և տեսանելի փոփոխություններ» է խոստանում Պետրոս Պետոյանը նշանակվել է Կենտրոն վարչական շրջանի ղեկավար Համաշխարհային առևտրի կենտրոն կկառուցվի. Գևորգ Պապոյանը և Էդուարդ Մարությանը պայմանագիր են ստորագրել Գործ ունենք ՀՀ արտաքին քաղաքական սխալ հաշվարկների հետ՝ Արցախի հարցը փակված չէ. Աշոտ Ղուլյան (տեսանյութ)