Հայաբնակ թաղամասերում գրեթե բոլոր տների 95%-ը քանդվել է․ բեյրութահայ Մացակ Փոլադյան (լուսանկար)

Լիբանանի մայրաքաղաք Բեյրութի նավահանգստում տեղի ունեցած ուժգին պայթյունի հետևանքով ամենատուժած հայկական թաղամասը Հաճն է և Խալիլ Պետեվի շրջանը, որոնք պայթյունից ընդամենը 200-300 մետր հեռավորության վրա են գտնվում։ Այս մասին ԼՈՒՐԵՐ․com-ին հայտնեց Բեյրութի բնակիչ, հասարակական, քաղաքական գործիչ Մացակ Փոլադյանը՝ նշելով, որ այստեղի հայերը տուժել են թե՛ նյութապես, թե՛ բարոյապես։

Ըստ նրա՝ պայթյունն այնքան ուժեղ է եղել, որ կոտրել է մի քանի կիլոմետրի վրա գտնվող շինությունների ապակիներն ու դռները․ «Հայաբնակ թաղամասերում գրեթե բոլոր տների 95%-ը քանդվել է և ժողովուրդը նյութապես հնարավորություն չունի, որ վերականգնի վնասները և կարողանա քնել իրենց տանը։ Թեթև մարմնական վնասվածքներ ստացած հայերի թիվը այս թաղամասերից յուրաքանչյուրում մոտավորապես 20 է, որոնց մի մասը կարողացել է բուժօգնություն ստանալ, իսկ մյուս մասը չի կարողացել՝ Բեյրութի հիվանդանոցների գերծանրաբեռնվածության պատճառով»,- նշեց Փոլադյանը՝ նշելով, որ ընդհանուր առմամբ, վիճակը շատ քաոսային է, քանի որ կորոնավիրուսի հետևանքով Լիբանանի տնտեսական վիճակն արդեն իսկ շատ վատ էր։ 

Նրա խոսքով՝ քիմիական նյութը, որից առաջացել է պայթյունը, շատ վտանգավոր է և այն տարիներ շարունակ գտնվել է նավահանգստում․ «2016 թվականին այդ նավն անցել է Ռուսաստանից և հանգրվանել լիբանանյան ջրերի մեջ, քանի որ Լիբանանի պետությունը թույլ չի տվել, որ այն ներս մտնի։ Երկու վարկած կա՝ կա՛մ իսրայելական ինչ-որ օդանավ է հարվածել և պայթյուն առաջացրել, կա՛մ որևէ մի երկրի գործակալ է արել, կա՛մ էլ՝ սա պատահականություն էր, որն այդքան էլ հավանական չեմ համարում»,- նշեց նա։ 

Հիշեցնենք, որ օգոստոսի 4-ի երեկոյան Բեյրութի նավահանգստում հզոր պայթյուն է տեղի ունեցել: Ինչպես ավելի ուշ հաղորդել են Լիբանանի անվտանգության ուժերը, պայթյունի պատճառ դարձած ամոնիումի նիտրատը տարիներ առաջ առգրավվել էր նավերից մեկից՝ որպես մաքսանենգ բեռ: Այս բոլոր տարիների ընթացքում պայթուցիկները պահեստավորված են եղել նավահանգստի պահեստում՝ սպասելով դրանց ոչնչացմանը: Ամոնիումի նիտրատը կամ ամյակային սելիտրան օգտագործվում է որպես պայթուցիկ նյութերի բաղադրիչ և ազոտական ​​պարարտանյութ:

Սոնա Հարությունյան

Այս թեմայով Բորելը ժամանել է Լիբանան Նեթանյահուն Լիբանանին սպառնացել է Գազայի ճակատագրով Լիբանանում ՄԱԿ-ի խաղաղապահները գնդակոծվել են իսրայելական զորքերի կողմից Լիբանանը հայտնում է իսրայելական հրետակոծության պատճառով հսկայական կորուստների մասին Լիբանանը Իսրայելին կոչ է արել երկու օրով դադարեցնել կրակը Բեյրութում ցուցարարները փորձել են ներխուժել ԱՄՆ դեսպանատուն Մահափորձ է կատարվել Լիբանանի պաշտպանության նախարարի վրա Նիկոլ Փաշինյանը Զարեհ Սինանյանին գործուղում է Լիբանան և Սիրիա Լիբանանի հայերը բողոքի ակցիա են իրականացրել՝ դատապարտելով Ադրբեջանի ահաբեկչական քաղաքականությունը Լիբանանի մարմնակազմավորման չեմպիոնը Դպրեվանքի աշակերտ է. Արամ Ա կաթողիկոսն ընդունել է Խաչիկ Արժինեանին