Հայաստանը Լեռնային Ղարաբաղում երկարաժամկետ խաղաղության հույս ունի․ Վաղարշակ Հարությունյան

Երևանն ակնկալում է, որ Ռուսաստանի Դաշնության հետ համատեղ ջանքերի շնորհիվ Լեռնային Ղարաբաղում երկարաժամկետ խաղաղություն կապահովվի, РИА Новости-ին տված հարցազրույցում ասել է ՀՀ պաշտպանության նախարար Վաղարշակ Հարությունյանը:
Նրա խոսքերով՝ հայկական կողմը ելնում է նրանից, որ «առաջին հերթին պետք է ապահովվի Արցախի բնակչության անվտանգությունը»։ «Իհարկե շատ բան կա անելու մարտական ​​պատրաստության վերականգնման և արդիականացման տեսանկյունից, բայց ինչ էլ որ լինի, այն պետք է արվի: Երկրորդ, Հայաստանը շարունակում է մնալ Արցախի ժողովրդի անվտանգության երաշխավորը, և մենք երբեք չենք հրաժարվի այս պատմական առաքելությունից», - ասել է նախարարը: «Եվ երրորդը, հավանաբար, ամենակարևորը։ Իհարկե, Ռուսաստանի ռազմական ներկայությունը տարածաշրջանում էական էր, որի շնորհիվ նախ հնարավոր էր հասնել հրադադարի, իսկ հետագայում՝ պարզապես կանխել հումանիտար աղետը: Հույս ունեմ, որ Ռուսաստանի Դաշնության հետ համատեղ ջանքերի շնորհիվ՝ մենք կկարողանանք տարածաշրջանում երկարաժամկետ խաղաղություն հաստատել», - ասել է Վաղարշակ Հարությունյանը:

По теме Формула развития Армении с новой командой и с инновационными подходами. Артак Товмасян Артак Товмасян. Господа, пришло время пробуждения, объединитесь, действуйте ради государства!