Տաջիկստանի նախագահը կոչ է արել երկու տարվա պարենային պաշար կուտակել

Տաջիկստանի նախագահ Էմոմալի Ռահմոնը կոչ է արել բնակչությանը երկու տարվա մթերք կուտակել և պատրաստ լինել պաշտպանելու պետության անկախությունը, գրում է business-gazeta֊ն։

«Այս տարին մարդկության համար ամենադժվարն է լինելու բոլոր՝ առաջին հերթին պարենային անվտանգության ապահովման առումով»,֊ասել է Ռահմոնը սուրբ Ռամադան ամսվա մեկնարկի կապակցությամբ իր շնորհավորական ուղերձում։

«Այն պայմաններում, երբ աշխարհում քաղաքական, ռազմական, տնտեսական և սոցիալական իրավիճակը ծայրահեղ լարված է, ճգնաժամային, բարդ ու վտանգավոր, լրջորեն կասկածի տակ է դրվում առանձին երկրների անկախության ու ազատության, պետականության կառուցվածքի հարցը։ Մենք միշտ պետք է պատրաստ լինենք պաշտպանելու մեր կյանքի անգին օրհնությունը՝ պետական ​​անկախությունը»,- առաջնորդի խոսքերը մեջբերում է «Խովար» ազգային լրատվական գործակալությունը։

Ռահմոնն ընդգծել է, որ անհրաժեշտ է փայփայել գարնան ամեն օրը, ժամանակին ցանել բերք ու «լուծել յուրաքանչյուր ընտանիքում երկու տարվա սննդի պաշարների հարցը»։ Այսօր արդեն անհրաժեշտ է ձեռնարկել բոլոր միջոցները, որպեսզի երկրի բնակիչները հատկապես գալիք աշուն-ձմեռ ժամանակահատվածում չտուժեն սննդի պակասից կամ դրա գների բարձրացումից», ֊ասել է նա։

«Յուրաքանչյուր ընտանիք պետք է մտածի, թե ինչպես ապահովի իր ապրուստը, հնարավորինս շատ արտադրի և երկու տարվա համար անհրաժեշտ մթերքներով զինվի»,- եզրափակել է Տաջիկստանի նախագահը։

Այս թեմայով Տաջիկստանի ԱԳՆ–ն բողոքի նոտա է հղել ՌԴ դեսպանին Տաջիկստանի ԱԳՆ–ն քաղաքացիներին խորհուրդ է տվել չմեկնել Ռուսաստան Տաջիկստանը կարող է վիզային ռեժիմ սահմանել Թուրքիայի համար Տաջիկստանում ահաբեկչական գործողություններ ծրագրած անձինք են ձերբակալվել Տաջիկստանի նախագահը կոչ է արել ավելի շատ ուշադրություն դարձնել երեխաների դաստիարակությանը Ղրղզստանի դեսպանը կանչվել է Տաջիկստանի ԱԳՆ՝ տարածքային պահանջների պատճառով Տաջիկստանում 6,8 մագնիտուդ ուժգնությամբ երկրաշարժ է գրանցվել Տաջիկստանը և Ղրղզստանը խաղաղության հաստատման մասին արձանագրություն են ստորագրել Ղրղզստանը ԱԹՍ է օգտագործում Տաջիկստանի վրա հարձակվելու համար Տաջիկստանն ուժեր և միջոցներ է կուտակում սահմանին գտնվող հակամարտության վայրում. Ղրղզստանի սահմանային ծառայություն