Գիտնականները հասկացել են, թե ինչու են քաղցած մկները սննդի փոխարեն նախընտրում սեքսը

Քյոլնի համալսարանի գիտնականները պարզել են, որ լեպտինը ստիպում է չափավոր քաղցած մկներին նախընտրել սեքսը՝ սննդի փոխարեն: Գիտնականների արդյունքները հրապարակվել են Cell Metabolism ամսագրում։

Լեպտինը հորմոն է, որը որը մասնակցում է հագեցվածության զգացողության ձևավորմանը: Եթե ​​այն ազդել է քաղցած կրծողների ուղեղի վրա, ապա դրանք դադարեցրել են ուտելու վարքագծի ցանկացած ձև։ Փոխարենը՝ հորմոնը հրահրել է սոցիալական ակտիվություն։

Աշխատանքի շրջանակներում թիմը խթանել է մկան նեյրոնները հիպոթալամուսում: Նրանք կենտրոնացել են նեյրոնների վրա, որոնք պատասխանատու են լեպտինի և նեյրոտենզինի համար՝ երկու հորմոններ, որոնք կապված են քաղցի և ծարավի հետ: Հեղինակները պարզել են, որ այս նեյրոնները նաև ներգրավված են սոցիալական վարքագծի վերահսկման մեջ և մկներին օգնում են հավասարակշռել իրենց սննդային և սոցիալական կարիքները:

«Մենք կարող ենք առաջնահերթություն տալ մեկին՝ կա՛մ ուտելու վարքագծին, կա՛մ սեռական վարքագծին: Մեր ուղեղը պետք է ինչ-որ կերպ պարզի, թե որն է մեր ամենահրատապ կարիքը: Լեպտինի նեյրոնների-ընկալիչների ակտիվացումը ստիպում է մկներին առաջնահերթություն տալ սոցիալական փոխգործակցությանը՝ չնայած սուր քաղցին կամ ծարավին: Դա կենսաբանական իմաստ ունի․ պետք է կարողանալ անտեսել քաղցը կամ ծարավը, որպեսզի զուգավորվելու հնարավորություն ունենաս,- բացատրել են հեղինակները:

Տեսնելու համար, թե ինչպես են փոխվել մկների առաջնահերթությունները՝ ելնելով դրանց քաղցի մակարդակից, թիմը համեմատել է տարբեր խմբերի մկների վարքագիծը (առաջին խումբն ուներ սննդի անսահմանափակ հասանելիություն, երկրորդը ամբողջ գիշեր չէր ուտում, իսկ երրորդը չէր կերել հինգ օր): Հետազոտողները այնուհետև օգտագործել են լուսային և քիմիական ազդանշաններ՝ ընտրողաբար խթանելու նեյրոնները՝ թույլ տալով նրանց դիտարկել մկների վարքագծի փոփոխությունները:

Ինչպես պարզվել է, գրգռումը քիչ ազդեցություն է ունեցել կուշտ ու սոված կրծողների վարքագծի վրա, սակայն երկրորդ խմբի մկների առաջնահերթությունները փոխվել են. դրանք ավելի դանդաղ էին մոտենում սննդին, ընդհանուր առմամբ ավելի քիչ էին ուտում և ավելի շատ ժամանակ անցկացնում պոտենցիալ զուգընկերների հետ շփվելով:

«Հաջորդիվ կցանկանայինք հասկանալ, թե ինչպես է փոխվում այս բջիջների ակտիվությունը գիրության կամ սննդային խանգարումների զարգացման ժամանակ», - եզրափակել են հետազոտողները:

Այս թեմայով Գիտնականները նախազգուշացնում են աշխարհում ամենամահաբեր միջատների ներխուժման մասին Գիտնականները պարզել են, թե ինչպես է առողջ ապրելակերպն ազդում ինտիմ կյանքի վրա Ամերիկացի զբոսաշրջիկն էքստրեմալ սեքսուալ խաղերով է զբաղվել Իսպանիայում ու մահացել «Պետությունից պաշտպանում ենք պետական շահը». գիտնականները ճանապարհ են փակել (տեսանյութ) «Օրական 12-13 անգամ». Նատալյա Շտուրմն անկեղծացել է հայ տղամարդու հետ իր սիրավեպի մասին Տղամարդկանց զգուշացրել են երկար ժամանակ սեռական հարաբերություններ չունենալու վտանգների մասին Միայնակ քնելն ավելի առողջարար է, քան զուգընկերոջ հետ քնելը Գիտնականները պարզել են, որ կանանց արցունքները նվազեցնում են ագրեսիան տղամարդկանց մոտ Գիտնականները պարզել են, որ սեփական այգի ունենալն օգտակար է առողջության համար Գիտնականները ցույց են տվել, թե ինչպիսի տեսք կունենան շները 10 հազար տարի հետո