ՌԴ ՊՆ-ն հայտարարել է Բելգորոդի մարզ ներխուժած ուկրաինական խմբերի ոչնչացման մասին

Ռուսաստանի պաշտպանության նախարարությունը հայտարարել է, որ հակաահաբեկչական գործողության ընթացքում ՌԴ Բելգորոդի շրջանի տարածք ներխուժած ավելի քան 70 ուկրաինացի ահաբեկիչներ ոչնչացվել են ավիացիայի, հրետանու և ռուսական ստորաբաժանումների կողմից։

ՌԴ պաշտպանության նախարարության պաշտոնական ներկայացուցիչ, գեներալ-լեյտենանտ Իգոր Կոնաշենկովը հայտնել է, որ ներխուժողներից մի քանիսը հետ են մղվել Ուկրաինայի տարածք և ոչնչացվել այնտեղ։

«Մնացած ազգայնականները հետ են շպրտվել Ուկրաինայի տարածք, որտեղ նրանց ուղղությամբ շարունակել են կրակ վարել, մինչև նրանք ամբողջությամբ չեզոքացվել են: Ոչնչացվել են ավելի քան 70 ուկրաինացի ահաբեկիչներ, 4 զրահապատ մարտական ​​մեքենա և 5 պիկապ», - հավելել է Կոնաշենկովը։

ՌԴ ՊՆ ներկայացուցիչը նշել է, որ ներխուժմանը նախորդել էին «Կոզինկա» միջազգային անցակետի, ինչպես նաև Բելգորոդի մարզի Գրայվորոնսկի շրջանի մի շարք այլ քաղաքացիական օբյեկտների ինտենսիվ գնդակոծությունները:

Ըստ Կոնաշենկովի՝ «ուկրաինական ազգայնական կազմավորման ստորաբաժանումը» Ռուսաստանի տարածք է ներխուժել մայիսի 22-ին: Մարզում հայտարարվել էր հակաահաբեկչական գործողության ռեժիմ:

Բելգորոդի նահանգապետ Վյաչեսլավ Գլադկովը Գրայվորոնսկի շրջանի տարհանված բնակիչներին հորդորել էր առայժմ չվերադառնալ իրենց տներ:

Ուկրաինական լրատվամիջոցներն, անդրադառնալով Բելգորոդում տիրող իրավիճակին, նշում են, որ մարզի տարածք են ներխուժել ՌԴ վարչակարգին դեմ հանդես եկող ռուսաստանցի պարտիզանները:  

Այս թեմայով Վրաստանի խորհրդարանը մտադիր է հաղթահարել «օտարերկրյա գործակալների» մասին օրենքի վրա նախագահի դրած վետոն Ալիևը հայտարարել է, որ Հայաստանի հետ խաղաղության օրակարգն առաջ մղելու համար բարենպաստ պայմաններ կան Իրանի Կարմիր մահիկը հայտարարել է հանրապետության նախագահի և արտգործնախարարի մահվան մասին Եգիպտոսը մտահոգություն է հայտնել Իրանի նախագահի ուղղաթիռի կործանման մասին լուրերի առնչությամբ Գուտերեշը մտահոգված է Իրանի նախագահի ուղղաթիռի հետ կապված միջադեպի մասին հաղորդագրություններով Վրաստանի նախագահն առաջարկել է չեղյալ համարել «Օտարերկրյա գործակալների մասին» օրենքը ԱԱԾ հայտարարությունը՝ Կիրանցի դեպքերի մասին Ակնկալում էինք, որ այդպես պետք է լինի. Սրբազանը՝ Կիրանցի մուտքը փակելու ու մարդկանց չթողնելու մասին (տեսանյութ) Լուսինե Պողոսյանը՝ կեղծ հայրենասիրության, «դավաճան» կոլեգաների և Սրբազան պայքարի մասին (տեսանյութ) Վրաստանի նախագահը վետո է դրել օտարերկրյա գործակալների մասին օրենքի վրա