Թուրքիայի քրդամետ կուսակցության առաջնորդը կոչ է արել նախագահի ընտրություններում քվեարկել Քըլըչդարօղլուի օգտին

Թուրքիայի քրդամետ Ժողովուրդների դեմոկրատական կուսակցության առաջնորդ Սելահաթթին Դեմիրթաշը, որ ավելի քան 6 տարի է՝ գտնվում է Էդիրնեի բանտում, կոչ է արել նախագահական ընտրություններում քվեարկել ընդդիմադիր Հանրապետաժողովրդական կուսակցության առաջանորդ Քեմալ Քըլըչդարօղլուի օգտին։ 

Թուրքական T24-ը փոխանցել է բանտից հրապարակված նրա ուղերձը, որում ասվում է․ «Վաղն աշխարհի վերջը չի լինի, սակայն կարող է լինել ժողովրդավարության և տնտեսության վերջը։ Վաղը դատաստանի օրը չի լինելու, սակայն կարող է լինել վերջին ընտրությունը։ Թուրքիային խոստանում ենք խաղաղություն և բարեկեցություն, մեր եղբայրական ձեռքն ենք մեկնում։ Եղբայրներ, այդ ձեռքն օդում մի թողեք։ Ձեր ձայնը տվեք Քըլըչդարօղլուին, թող Թուրքիան շունչ առնի»։

Թուրքիայում մայիսի 28-ին կկայանա նախագահական ընտրությունների երկրորդ փուլը, որտեղ հաղթանակ կտանի ամենաշատ քվե ստացած թեկնածուն։

Մայիսի 14-ին՝ ընտրությունների առաջին փուլում թեկնածուներից ոչ մեկ չէր հաղթահարել անհրաժեշտ 50 տոկոսի շեմը․ Էրդողանը ստացել էր 49,52 տոկոս ձայն, իսկ Քըլըչդարօղլուն՝ 44,88 տոկոս ձայն։ 

Առաջին տուրում ևս քրդամետ կուսակցության առաջնորդն իր աջակցությունն էր հայտնել Քըլըչդարօղլուին։ 

Այս թեմայով Շարժման առաջնորդը խոստացավ՝ բուռն օրեր են սպասվում, մեծ հանրահավաք է լինելու (տեսանյութ) Ո՞ր բարձրաստիճան պաշտոնյաների կանայք են պատերազմի ժամանակ առևտուր արել, որը հանգեցրել է պարտության․ Դատախազության՝ պարզաբանումը Վլադիմիր Պուտինը և Սի Ցզինպինը քննարկել են ուկրաինական ճգնաժամը Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ Մեղրիի քաղաքապետը հրաժարական է տվել՝ ըստ կոալիցիոն հուշագրի ՌԴ-ն չի առաջարկել ՀՀ-ին դուրս հանել սահմանապահներին Իրանի և Թուրքիայի սահմաններից. Զախարովա (տեսանյութ) Դեսպան Բաղդասարյանն իր հավատարմագրերն է հանձնել Վիետնամի նախագահի պաշտոնակատարին Հանդիպել ենք «Պատիվ ունեմ» դաշինքի և «Հանրապետական» կուսակցության ներկայացուցիչների հետ․ Սրբազան Ռուս սահմանապահները Հայաստանում մնում են, հսկելու են Հայաստանի սահմանը Թուրքիայի և Իրանի հետ (տեսանյութ) Որևէ նախագահի աջակից իր առաջնորդի նկարը որպես պրոֆիլի նկար չի դնում իր էջին. Սրբազան (տեսանյութ)