«Էյֆորիա»–ի աստղ Զենդայային արգելել են մուտք գործել իտալական ռեստորան

Դերասանուհի Զենդայային, ով առավել հայտնի է «Էյֆորիա» հեռուստասերիալում իր դերով, արգելել են մուտք գործել Հռոմում գտնվող շքեղ ռեստորան իր արտաքին տեսքի պատճառով: Այս մասին հայտնում է Daily Mail-ը։

Հրատարակության տվյալներով՝ 26-ամյա Զենդայան սեղան է պատվիրել «Terrazza Borromini» ռեստորանում՝ ընկերների հետ ռեստորանում ճաշելու համար։ Չնայած ամրագրմանը, դերասանուհուն թույլ չեն տվել մտնել ռեստորան՝ ոչ պատշաճ հագուստի պատճառով։ «Էյֆորիա»–ի աստղը հագել էր սև կարճ տոպ և բեժ կարգո տաբատ, որը չի համապատասխանում հաստատությունում գործող դրես-կոդին։ T«errazza Borromini»-ի անձնակազմի հետ բանակցելու անհաջող փորձից հետո դերասանուհին ընկերների հետ գնացել է մոտակա պիցցերիա՝ ընթրելու։

Այն բանից հետո, երբ ռեստորանի մոտ գտնվող աստղի լուսանկարները հայտնվեցին լրատվամիջոցներում, Զենդայայի ներկայացուցիչը շտապել է հերքել լուրերն այն մասին, որ դերասանուհուն թույլ չեն տվել մտնել ռեստորան ոչ պատշաճ հագուստի պատճառով:

«Դա կատարյալ սուտ է։ Փաստորեն, Զենդայան և նրա ընկերները հասկացան, որ նրանք արդեն եղել են այս ռեստորանում նախորդ ճամփորդության ժամանակ, ուստի գնացել են ընթրելու այլ տեղ»,- Page Six-ին ասել է աստղի խոսնակ Սքոթ Նյումանը։

Այս թեմայով Զենդայան ֆիլմի պրեմիերային ներկայացել է համարձակ զգեստով (լուսանկարներ) Զենդայան լուսանկարվել է «մերկ» մինի զգեստով Զենդայան հանրությանը ներկայացել է առանց ներքնազգեստի Զենդայան և Թոմ Հոլանդը միասին մեկնել են Հնդկաստան Զենդայան Փարիզի Նորաձևության շաբաթին մասնակցել է թափանցիկ զգեստով