Փարիզի քաղաքապետի նախաձեռնությամբ՝ մարդասիրական օգնության ավտոշարասյուն կուղարկվի Արցախ. Մուրադ Փափազյան

Ֆրանսիայի հայկական ընկերության՝ CCAF-ի խնդրանքով` Փարիզի քաղաքապետը հանդես է եկել նախաձեռնությամբ՝ կոչ անելով Ֆրանսիայի տարածքային համայնքներին մարդասիրական ավտոշարասյուն կազմակերպել դեպի Ղարաբաղի Հանրապետություն, որը մեկուսացված է 2022 թվականի դեկտեմբերի 12-ից։  Այս մասին ֆեյսբուքյան իր էջում գրել է Ֆրանսիայի հայկական ընկերության (CCAF) համակարգող խորհրդի նախագահ,  ՀՅԴ  Բյուրոյի անդամ Մուրադ Փափազյանը։

«Այս ծրագիրը ֆինանսավորվում է Իլ-դե-Ֆրանս, Օվերն-Ռոն-Ալպ, Օ դը-Ֆրանս, Օքսիտանական Պրովանս-Ալպեր-Կոտ դ'Ազուր, Լուար երկրի և Ֆրանսիայի մի շարք քաղաքների կողմից: Աննա Իդալգոն, Քսավյե Բերտրանը, Բրունո Ռիտելիյոն, Ժաննա Բարսեգյանը, ինչպես նաև Պատրիկ Կարամը և Միշել Ռուբիրոլան որոշել են ֆիզիկապես ուղեկցել այս ավտոշարասյունը, որը Լաչինի միջանցք կհասնի օգոստոսի 30-ին՝ ժամը 12:00-ին։

CCAF-ը շնորհակալություն է հայտնում համայնքներին ֆինանսական աջակցության, ինչպես նաև այս ծրագրում ներգրավված պաշտոնյաների քաղաքական խիզախության և ֆիզիկական նվիրումի համար:

Նա խնդրում է Ֆրանսիայի և Եվրոպայի իշխանություններին հատուկ դիվանագիտական ​​միջոցներ մտցնել, որպեսզի առաջին անհրաժեշտության ապրանքներով բեռնված 10 բեռնատարներ անցնեն Ադրբեջանի սահմանած անցակետը և հասնեն իրենց նշանակետ։
Մինչ Լեռնային Ղարաբաղի հայ բնակչությունը տառապում է սովից, այժմ առավել քան երբևէ ժամանակն է միասնություն ցուցաբերելու, միջոցներ ձեռնարկելու և պատժամիջոցներ սահմանելու բոլոր նրանց նկատմամբ, ովքեր պատասխանատու են համընդհանուր պասիվության պայմաններում մեր աչքի առաջ ծավալվող մարդասիրական աղետի համար»,-գրել է Մուրադ Փափազյանը։

Այս թեմայով Ռուսաստանն ու Արևմուտքը վաղուց եկել են համաձայնության, որ Հայաստանի շահերը պետք է ոտնահարվեն. Արմեն Այվազյան (տեսանյութ) Քիշնևի քաղաքապետը Երևանում է․ համագործակցության հարցեր են քննարկել Ադրբեջանից Հայաստան տրանսֆերներ կա՛մ առկա չեն, կա՛մ էական ծավալ չեն կազմում․ Կենտրոնական բանկ ՈՒՂԻՂ․ Բագրատ սրբազանի կոչով հավաք` Կառավարության շենքի դիմաց Ուրախ եմ, որ իմ կոչով ոստիկանները փողոց են դուրս եկել, տեսե’ք՝ ինչ վախերով է ապրում այս մարդը (տեսանյութ) ՈՒՂԻՂ․ Սրբազանի կոչով քաղաքացիները շրջափակում են Օպերան, որտեղ Փաշինյանն է գտնվում Լեռնային Ղարաբաղի կարգավիճակի հարցը չի կարելի անտեսել. ռումինական բանակի պաշտոնաթող գեներալ Եթե ներկա իշխանությունները եկել են իշխանության՝ 2018թ․ սկսած, հայ եկեղեցին գոյություն ունի 1700 տարուց ավել և մինչև հիմա գործում է ազգի, ժողովրդի, երկրի շահերի համար․ Հրայր սարկավագ Հակոբյան ԵԱՀԿ գործող նախագահը ժամանել է ԱԳՆ Եկել ենք Նկարիչների միություն, որ հարցնենք` Հայաստանն ունի՞ վարչապետ, թե՝ չէ. Բագրատ Սրբազան (տեսանյութ)