Արտաշատի պատմական հուշարձան-համալիրի մոտ գոլֆի ակումբ, ակադեմիա եւ հանգստյան գոտի կկառուցվի

Կառավարությունն իր այսօրվա՝ օգոստոսի 31-ի նիստում հավանություն տվեց «Բերքլի Քեփիթլ» փակ բաժնետիրական ընկերության կողմից մշակված ներդրումային ծրագրին և համաձայնություն տվեց «Արտաքսատա» փակ բաժնետիրական ընկերությանն ուղղակի վաճառքով հողամաս օտարելուն:

Որոշման նախագծի ընդունումը պայմանավորված է  «Բերքլի Քեփիթլ»-ի կողմից ներկայացված Արարատի մարզի Փոքր Վեդի համայնքի տարածքում իրականացվելիք ներդրումային ծրագրին «Գոլֆի ակումբի և ակադեմիայի հիմնում» ներդրումային ծրագրի իրականացման անհրաժեշտությամբ։

Սույն ծրագրի շրջանակներում «Բերքլի Քեփիթլ» ընկերությունը նախատեսում է կազմակերպել Արարատի մարզի Փոքր Վեդի գյուղի և Արտաշատի պատմական հուշարձան-համալիրի մոտակայքում գոլֆի ակումբի և ակադեմիայի, ինչպես նաև կից հանգստի և բնակելի գոտիների կառուցում:

Նախագծի համար ընտրված հողատարածքը գտնվում է Փոքր Վեդի գյուղից 0․7 կմևՄ2 մայրուղուց 0․6 կմ հեռավորության վրա: Մայրաքաղաքից հեռավորությունը 41 կմ է։

Ծրագրի շրջանակներում նախատեսվում է կառուցել՝

• գոլֆի ակումբ` բազմաֆունկցիոնալ մասնաշենքով և խաղադաշտերով,
• գոլֆի դպրոց (ակադեմիա)՝ մարզադաշտերով և մարզահամալիրով,
• հյուրանոցային համալիր,
• մեծահասակների հանգստյան տուն,
• մանկապատանեկան ամառային ճամբար - հյուրանոց,
• մարզահամալիր՝ իր հյուրանոցով, ֆուտբոլի դաշտերով և թենիսի կորտերով,
• բարձր և միջին կարգի բնակելի շենքեր և առանձնատներ,
• ծառայողական բնակելի թաղամաս,
• ադմինիստրատիվ, համայնքային և կոմերցիոն նշանակության շենքեր,
• համալիրին ենթակա արտադրական, պահեստային կառույցներ,
• այգիներ:

Սույն նախագծի իրագործմամբ ակնկալվում է մարզում՝ շինարարության ծավալների էական աճ՝ նախագծի շրջանակներում շինարարական աշխատանքների իրականացման ողջ ընթացքում, նոր իրացման շուկայի ստեղծում գյուղատնտեսական արտադրանքի համար, զբոսաշրջության խթանում (ակնկալվում է տարեկան միջինում 50-64 հազար զբոսաշրջիկ), նոր աշխատատեղերի ստեղծում,  պետ․բյուջե հարկային մուտքերի ավելացում

Կապիտալ ներդրուﬓերի ընդհանուր գումարը նախնական հաշվարկներով կազմում է շուրջ 172 միլիոն ԱՄՆ դոլար: Ծրագրի իրականացման շրջանակներում կստեղծվի մշտական 180-200 աշխատատեղ։

Այս թեմայով 101 գիտնական միացել է Բագրատ Սրբազանի շարժմանը Աշխարհի մեծագույն բեմերը նվաճած Անգլիայի ազգային բալետը պատմական հյուրախաղերով Երևանում է (տեսանյութ) Թուրքերին վրդովեցրել է պատմական Հայաստանի քարտեզի ֆոնին Լիոնի քաղաքապետի լուսանկարը «Հաղթանակ» կամրջի հարևանությամբ գործող ռեստորանային համալիրի մոտ հայտնաբերվել է տղամարդու մարմին Ադրբեջանցիների 96․2%-ը «Զանգեզուրը, Իրավանը և Գյոյչան» (Սյունիք, Երևան և Սևան) համարում է ադրբեջանական պատմական հողեր․ Արմա Թաթոյան ՔՊ-ականը «պատմական իրադարձություն է» համարում Տավուշում միակողմանի դելիմիտացիան Անիծյալ պիտի լինի նա, ով հրաժարվում է հայրենի հողից ու փորձում է ջնջել պատմական հիշողությունը (տեսանյութ) Համաշխարհային առևտրի կենտրոն կկառուցվի. Գևորգ Պապոյանը և Էդուարդ Մարությանը պայմանագիր են ստորագրել Թաիլանդում կկառուցվի աշխարհի ամենաբարձր շենքը Ալբերտ Ազարյանի անվան մարզադպրոցի նախագիծը պատրաստ է. այն կկառուցվի 2 տարում