Վայոց ձորում քննարկվել են հայ-բելառուսական համագործակցության հեռանկարները

Դեկտեմբերի 21-ին ՀՀ Վայոց ձորի մարզպետ Կոլյա Միքաելյանը ընդունեց Հայաստանում Բելառուսի Հանրապետության արտակարգ և լիազոր դեսպան Ն. Գ. Ալեքսանդր Կոնյուկի գլխավորած պատվիրակությանը: Այցի նպատակն է քննարկել հայ-բելառուսական համագործակցության հեռանկարները ու հնարավորությունները, ինչպես նաև «Ռաֆէլգրիգ» ՓԲԸ-ի և «Մոգիլյովլիֆտմաշ» ԲԲԸ-ի միջև վերելակային սարքավորումների համատեղ արտադրության խնդիրները, հայտնում են մարզպետարանի մամուլի ծառայությունից։ 

ՀՀ Վայոց ձորի մարզպետի աշխատակազմում երկու կողմերը խոսեցին հայ և բելառուս ժողովուրդների բարեկամության, տարբեր ոլորտներում ձևավորված հարաբերությունների ամրապնդման և զարգացման ուղղությունների, համագործակցության ընդլայնման հնարավորությունների, տարածաշրջանների միջև տնտեսական, մշակութային, զբոսաշրջային ներուժի հիման վրա համատեղ ծրագրերի իրականացման մասին:

Բարձր գնահատելով փոխադարձ հարգանքի, վստահության և ընդհանուր արժեքների վրա հիմնված հարաբերությունները՝ կողմերը վստահություն հայտնեցին, որ անհրաժեշտ է ամրապնդել փոխգործակցային կապերը, դրանք համալրել նոր նախաձեռնություններով:

Նշվեց, որ արդեն կան հեռանկարային համագործակցության հիմքեր. Եղեգնաձոր քաղաքում գործող «Ռաֆէլգրիգ» ՓԲԸ-ի և Մոգիլյով մարզում գործող «Մոգիլյովլիֆտմաշ» ԲԲԸ-ի միջև ձեռք է բերվել համաձայնություն վերելակային սարքավորումների համատեղ արտադրության շուրջ:

Այնուհետև ՀՀ Վայոց ձորի մարզպետ Կոլյա Միքաելյանը, Հայաստանում Բելառուսի Հանրապետության լիազոր և արտակարգ դեսպան Ն. Գ. Ալեքսանդր Կոնյուկը, պատվիրակության մյուս անդամներն այցելեցին «Ռաֆէլգրիգ» ՓԲԸ:

Ընկերության ղեկավարությունը հանդիսավոր կերպով ընդունեց բարձրաստիճան հյուրերին, ովքեր տեղում ծանոթացան ընկերության աշխատանքին, հնարավորություններին, ապա ստորագրեցին համագործակցության պայմանագիր:

Կողմերը հույս հայտնեցին, որ նմանատիպ նախաձեռնությունները նոր խթան կհանդիսանան համագործակցային կապերի ընդլայնման առումով՝ ի շահ երկու ժողովուրդների բարեկամության և տարածաշրջանային կապերի ամրապնդման ու զարգացման:

Այս թեմայով Բելառուսի հետ սահմանին հարձակվել են լեհ զինվորականների վրա ԵՄ-ում հայտարարել են, որ չեն պատրաստվում որևէ մեկի վրա հարձակվել Բելառուսական շուկան փակվում է. Արևմուտքի հետ «սիրախաղի» առաջին ծիծեռնակները Բելառուսում արգելվել է «Արարատի կոնյակի գործարանի» արտադրանքի ներմուծումն ու իրացումը ՀՀ ԿԸՀ անդամները դիտարկել են Բելառուսի խորհրդարանական և ՏԻՄ ընտրությունները Լիտվան իր զինվորականներին արգելել է մեկնել Բելառուս, Ռուսաստան և Չինաստան Մինսկը հայտարարել է, որ իր դաշնակիցների վրա հարձակումը կդիտվի որպես ագրեսիա իր դեմ Որ անցակետով կարելի է հատել ռուս-բելառուսական պետական սահմանը. իրազեկում վարորդներին Հայկական կողմը մանրամասներ է հայտնում Միրզոյանի և Ալեյնիկի հեռախոսազրույցից Բելառուս ու ղազախ զինվորները չպետք է կռվեին մեր համար, բայց ՀԱՊԿ-ն թող քաղաքական գնահատական տար