Աճել են ներմուծվող ապրանքների անհամապատասխանությունների հայտնաբերման թվերը

ՀՀ սննդամթերքի անվտանգության տեսչական մարմնի կողմից անցած տարի տրամադրվել է 23 հազար 686 ներմուծման հավաստագիր՝ նախորդ տարվա 23 հազար 572-ի փոխարեն:

Այս մասին 2023 թվականի գործունեության ամփոփմանը տեղեկացրեց ՍԱՏՄ ղեկավար Արմեն Հայրապետյանն՝ անդրադառնալով սահմանային վերահսկողության ժամանակ արձանագրված արդյունքներին:

«Երբ նայում ենք այն բեռների խմբաքանակին, որոնց նկատմամբ իրականացվել է վերահսկողություն մինչև թույլտվություն ներկայացնելը, ունեցել ենք բարելավում. եթե 2022 թվականին 20 խմբաքանակից 4 փաստաթղթային անհամապատասխանություն ենք ունեցել և 16 լաբորատոր բացասական պատասխաններ, ապա 2023 թվականին արդեն 79 խմբաքանակի նկատմամբ է սահմանափակում կիրառվել, երկիր չեն մտել, որից 5-ը փաստաթղթային  զննմամբ պայմանավորված և 74-ը լաբորատոր արդյունքներով»,-մանրամասնեց Հայրապետյանը՝ կարևորելով սահմանին իրականացվող վերահսկողական գործառույթը, որի շնորհիվ երկիր մուտք չեն գործել տեխնիկական կանոնակարգերի ցուցանիշներին ու անվտանգությանը չհամապատասխանող, փաստաթղթային անճշտություններ ունեցող ապրանքներ:

Ներմուծվող յուրաքանչյուր խմբաքանակից վերցվում է նմուշ և ուղարկվում լաբորատոր փորձաքննությունների:

Անցած տարի 2261 նմուշ է ուղարկվել լաբորատոր փորձաքննության՝ 2022-ի՝ 2893 նմուշի փոխարեն:

Լաբորատորիայի հետազոտությունների արդյունքում արձանագրվել է 74 անհամապատասխանության դեպքեր՝ 16-ի դիմաց:

Հայրապետյանի խոսքով՝ հայտնաբերումների դեպքերը նախորդ տարվա համեմատ 2023 թվականին մոտ 6 անգամ ավելացել են:

Այս թեմայով Դոլարի և եվրոյի փոխարժեքները աճել են Թանկարժեք մետաղների գներն աճել են Նախորդ շաբաթվա համեմատ` կարմրուկի լաբորատոր հաստատված դեպքերն աճել են 27-ով Ապօրինի ծագման գույքի գործերով 1,3 մլրդ դոլարից ավելի հայց ունենք. թիվը կարող է աճել. դատախազ Խորը վերլուծություն պետք է արվի, թե ինչու են այս թվերը աճել. Արսեն Թորոսյան Տնտեսական ակտիվության ցուցանիշը աճել է Նավթի գներն աճել են Մարտին ապրանքների բացթողումից հետո պակաս վճարված մաքսային վճարների ու տույժերի գումարը՝ 41․101 մլն դրամ է Հայաստանի պաշտպանական ծախսերը նկատելիորեն աճել են. SIPRI Նավթի գներն աճել են