Սեյրան Օհանյանը, Լևոն Քոչարյանը և «Հայաստան» դաշինքի այլ պատգամավորներ այցելել են Գյումրի
Политические
«Հայաստան» խմբակցության պատգամավորները այցելել են Գյումրի։ Այդ մասին տեղեկանում ենք խմբակցության մամուլի ծառայությունից․
«Հունվարի 26-ին՝ մարզային այցելություննների շրջանակում, ԱԺ «Հայաստան» խմբակցության պատգամավորներ Սեյրան Օհանյանը, Լևոն Քոչարյանը, Լիլիթ Գալստյանը և Մհեր Մելքոնյանը Գյուրիում էին։ Գյումրեցիների հետ հանդիպումը տեղի ունեցավ ՀՅԴ Շիրակի կազմակերպության «Շիրվանյան» կենտրոնում։
Խմբակցության ղեկավար Սեյրան Օհանյանը նախ ընդհանուր գծերով ներկայացրեց աշխարհաքաղաքական ներկա իրավիճակում Հայաստանի պետականությանն ուղղված մարտահրավերները, ՀՀ իշխանությունների վարած ներքին և արտաքին քաղաքականությունների հետևանքով երկրի առջև կանգնած անվտանգային սպառնալիքները, անդրադարձավ նաև այն ռեսուրսներին և երաշխիքներին, որոնք իրապես ի զորու են երկրում կայունություն և խաղաղություն ապահովել։
Ներկաների հուզող հարցերին պատասխանեցին պատգամավորները։ Նաև մտքեր փոխանակվեցին և առաջարկություններ հնչեցին «Հայաստան» դաշինքի քաղաքական ծրագրերի իրագործման շուրջ։
Հայաստանի տագնապալի ներկայի, անորոշ ապագայի, անվտանգային խնդիրներին վերաբերող հարցերի կողքին բազմաթիվ էին նաև արցախահայության չլուծված սոցիալ-տնտեսական հիմնահարցերի շուրջ մտահոգությունները։
Պայմանավորվածություն ձեռք բերվեց բարձրացված սոցիալական խնդիրները գույքագրել և քննարկել խմբակցության աշխատանքային խմբում»,- ասվում է հաղորդագրության մեջ։
Самое популярное 
Баграт Галстанян: Мы зафиксировали первую победу
