Իրանի ԱԳ նախարարը մեկնել է Պակիստան՝ կարգավորելու հարաբերությունները

Իրանի արտաքին գործերի նախարար Հոսեյն Ամիր Աբդոլլահյանը ժամանել է Պակիստան՝ լարվածության կարգավորման շրջանակներում, որը ծագել է այն բանից հետո, երբ Իրանի զինված ուժերը հարվածներ են հասցրել Պակիստանի տարածքում գտնվող «Ջեյշ ալ-Զոլմ» ահաբեկչական խմբավորման երկու շտաբներին: Այս մասին հայտնում է Պակիստանի ԱԳՆ մամուլի ծառայությունը, փոխանցում է ՏԱՍՍ-ը։

«Իրանի ԱԳ նախարարը Իսլամաբադ է ժամանել Պակիստանի ԱԳ նախարարի պաշտոնակատար Ջալիլ Աբբաս Ջիլանիի հրավերով», - ասվում է հաղորդագրության մեջ:

«Նուր Խանի» օդանավակայանում նրան դիմավորել է Պակիստանի՝ Աֆղանստանի և Արևմտյան Ասիայի հարցերով փոխարտգործնախարարը՝ Ռահիմ Հայաթ Քուրեշին։ 

Առաջիկա բանակցությունների հիմնական թեման երկու երկրների հարաբերություններում լարվածության թուլացումն է, որն առաջացել է հունվարի 16-ին Պակիստանի տարածքում «Ջեյշ ալ Զոլմ» ահաբեկչական խմբավորման երկու շտաբների վրա Իրանի զինված ուժերի հարձակման հետևանքով։ Իրանցի զինվորականների չհամաձայնեցված գործողությունները հանգեցրել են Իսլամաբադի անմիջական արձագանքին։

Հունվարի 17-ին Պակիստանի ԱԳՆ-ն հայտնել է Թեհրանից իր դեսպան Մուհամմադ Մուդասիր Տիպուին հետ կանչելու մասին և խորհուրդ է տվել Իրանի դիվանագիտական ​​առաքելության ղեկավար Ռեզա Ամիրի Մողադամին, ով այդ պահին գտնվում էր հայրենիքում, չվերադառնալ Իսլամաբադ։ Հունվարի 18-ին Պակիստանի զինված ուժերը հակաահաբեկչական գործողություն են իրականացրել, որի ընթացքում հարվածներ են հասցվել Իրանի Սիստան և Բելուջիստան նահանգում  ծայրահեղականների ապաստարաններին։

Այս թեմայով Թուրքիան մեկօրյա սուգ է հայտարարել Իրանի նախագահի մահվան կապակցությամբ Միրզոյանը Վիեննայում ցավակցություն է հայտնել միջազգային համաժողովին մասնակցող Իրանի ներկայացուցչին Իրանի ԶՈՒ ԳՇ պետը հանձնարարել է հետաքննել նախագահի ուղղաթիռի կործանման պատճառները Իրանի զոհված նախագահի հիշատակին Թեհրանում սգո ակցիա է իրականացվում Ո՞վ է Իրանի նախագահի ժամանակավոր պաշտոնակատարը Մեր զորակցությունն ենք հայտնում Իրանի Իսլամական Հանրապետության բարեկամ ժողովրդին․ ԳԱԱ նախագահ Աշոտ Սաղյան ՆԱՏՕ-ի անունից X-ում ցավակցական գրառում է արվել՝ Իրանի նախագահի մահվան կապակցությամբ Գնել Սանոսյանը ցավակցել է իրանցի գործընկերներին Իրանի նախագահի և նրան ուղեկցող պաշտոնյաների մահվան կապակցությամբ Մի հատիկ արցունք էլ չենք թափի. Իսրայելում արձագանքել են Իրանի նախագահի ավիավթարին Ամենայն Հայոց Կաթողիկոսը ցավակցագիր է հղել Իրանի հոգևոր առաջնորդին