Կարտոֆիլն էժանացել է շուրջ 40 տոկոսով, ձուն՝ թանկացել 1.1 տոկոսով. սննդամթերքի գները՝ տարվա առաջին ամսում

Հայաստանում սպառողական գների ինդեքսը 2024 թվականի հունվարին նախորդ տարվա նույն ժամանակահատվածի համեմատ նվազել է 0.9 տոկոսով, սակայն նախորդող ամսվա՝ 2023-ի դեկտեմբերի նկատմամբ՝ աճել է 1.2 տոկոսով:

Այս մասին են վկայում Վիճակագրական կոմիտեի հրապարակած տվյալները:

Սննդամթերքի և ոչ ալկոհոլային խմիչքների գները հունվարին՝ 2023-ի հունվարի նկատմամբ նվազել են 5.8 տոկոսով, սակայն 2023-ի դեկտեմբերի նկատմամբ ավելացել 2.2 տոկոսով: Ընդ որում՝ հունվարի նկատմամբ սննդամթերքն էժանացել է 6.1 տոկոսով, իսկ դեկտեմբերի նկատմամբ աճել է 2.3 տոկոսով:

Իսկ ալկոհոլային խմիչքների, ծխախոտային արտադրատեսակների գներն այս տարվա հունվարին նախորդ տարվա հունվարի նկատմամբ աճել են 7.4 տոկոսով, 2023-ի դեկտեմբերի նկատմամբ՝ 0.3 տոկոսով:

Սննդամթերքից ամենաշատն էժանացել է մեծ սպառում ունեցող կարտոֆիլը, հունվարի նկատմամբ գնանկումը 40.3 տոկոս է, իսկ դեկտեմբերի նկատմամբ նույն իրավիճակն է:

Ալյուրի և ձավարեղենի ապրանքախմբում 2024-ի հունվարին 2023-ի հունվարի նկատմամբ գրանցվել է 19.5 տոկոս գնանկում, իսկ 2023-ի դեկտեմբերի նկատմամբ՝ 0.7 տոկոս գնանկում:

Հացաբուլկեղենի և ձավարեղենի ապրանքախմբում 2023-ի հունվարի նկատմամբ գնանկումը 8.8 տոկոս է, իսկ դեկտեմբերի նկատմամբ՝ 0.2 տոկոս:

Մակարոնեղենի գները հունվարին 2023-ի հունվարի նկատմամբ նվազել են 11.9 տոկոսով, դեկտեմբերի նկատմամբ՝ 0.7 տոկոսով: Մսի գինը 2024-ի առաջին ամսում 2023-ի նույն ժամանակահատվածի նկատմամբ նվազել է 1.1 տոկոսով, իսկ 2023-ի դեկտեմբերի նկատմամբ աճել 0.4 տոկոսով:

Անարատ կաթի ապրանքախմբում հունվարին 2023-ի հունվարի նկատմամբ գնաճը կազմել է 3.4 տոկոս, իսկ դեկտեմբերի նկատմամբ՝ 1.1 տոկոս: Ձվի գները ևս բարձրացել են՝ հունվարի նկատմամբ՝ 1.1 տոկոսով, իսկ դեկտեմբերի նկատմամբ՝ 2 տոկոսով:

Ձուկն ու ծովամթերքը հունվարի նկատմամբ էժանացել են 6.5 տոկոսով, դեկտեմբերի նկատմամբ՝ 1.4 տոկոսով:

Կարագի գները տարվա առաջին ամսում նախորդ տարվա նույն ժամանակահատվածի նկատմամբ նվազել են 6.7 տոկոսով, իսկ դեկտեմբերի նկատմամբ՝ 1.5 տոկոսով: Ինչ վերաբերում է մարգարինի և բուսական յուղերի ապրանքախմբին, ապա 2023-ի հունվարի նկատմամբ գնանկումը 13.4 տոկոս է, իսկ դեկտեմբերի նկատմամբ 0.8 տոկոս:

Շաքարի գինն այս տարվա առաջին ամսում 2023-ի առաջին ամսվա նկատմամբ նվազել է 5.8 տոկոսով, իսկ դեկտեմբերի նկատմամբ աճել է 0.5 տոկոսով:

Մրգերը 2023-ի հունվարի նկատմամբ էժանացել են 0.8 տոկոսով, իսկ դեկտեմբերի նկատմամբ՝ թանկացել 5.8 տոկոսով: Իսկ բանջարեղենի գներն այս տարվա հունվարին նախորդ տարվա հունվարի նկատմամբ նվազել են 11.6 տոկոսով, իսկ դեկտեմբերի նկատմամբ աճել 12.4 տոկոսով:

Թանկացել է մանկական սնունդը, հունվարի նկատմամբ՝ 1.4 տոկոսով, իսկ դեկտեմբերի նկատմամբ՝ 0.2 տոկոսով: Զովացուցիչ ըմպելիքները ևս թանկացել են, գները 2023-ի հունվարի նկատմամբ աճել են 4.8 տոկոսով:

Այս թեմայով Հավատում ենք, որ Հայաստանն ու Ադրբեջանը ի վերջո համաձայնության կգան խաղաղության համաձայնագրի շուրջ. Կոբախիձե Արարատ Միրզոյանը և ԵԽԽՎ նախագահը մտքեր են փոխանակել տարածաշրջանային հարցերի շուրջ Հաստատվել են 2024/2025 ուսումնական տարվա ասպիրանտուրա ընդունելության տեղերը Մենք հաղթեցինք եզրափակիչներից մեկը, ևս երեքը դեռ կա. Արսեն Բեգլարյան Խաչատուրյանը և ՎԶԵԲ նախագահը մտքեր են փոխանակել Հայաստանի կապիտալի շուկայի զարգացման հարցերի շուրջ Նիկոլ Փաշինյանն ու Անդերս Ֆոգ Ռասմուսենը քննարկել են Հարավային Կովկասում անվտանգությանն ու կայունությանը վերաբերող հարցեր Կրեմլը հայտնել է մայիսի 16-ին Պուտինի առաջին պետական ուղևորության մասին Դոլարն ու եվրոն էժանացել են «Արարատ-Արմենիա»-ն առաջին անգամ դարձավ Հայաստանի գավաթի խաղարկության հաղթող Դոլարի փոխարժեքը կայուն է. եվրոն թանկացել է