«Երիտասարդական քաղաքականության մասին» ՀՀ օրենքի նախագծի մշակման աշխատանքները շարունակվում են

Տեղի է ունեցել «Երիտասարդական քաղաքականության մասին» ՀՀ օրենքի նախագծի մշակմամբ զբաղվող աշխատանքային խմբի երկօրյա արտագնա նիստը:

Նիստին մասնակցել են աշխատանքային խմբի անդամներ ՀՀ կրթության, գիտության, մշակույթի և սպորտի նախարարության երիտասարդության հարցերի վարչության պետ Զարա Ասլանյանը, ՀՀ աշխատանքի և սոցիալական հարցերի նախարարության աշխատանքի և զբաղվածության վարչության պետ Ժորա Սարգսյանը, ՀՀ կրթության, գիտության, մշակույթի և սպորտի նախարարության իրավաբանական վարչության պետի տեղակալ Հակոբ Քնաջյանը, ներկայացուցիչներ ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովից:

ԿԳՄՍ նախարարության երիտասարդության հարցերի վարչության պետ Զարա Ասլանյանը նշել է, որ պետության կայուն զարգացման կարևոր նախադրյալներից է իրավական միջավայրի և անհրաժեշտ ռեսուրսների ապահովումը` երիտասարդության ներուժի բացահայտման, համակողմանի զարգացման, ինքնահաստատման և ինքնադրսևորման նպատակով:

Կառավարությունը իր 2021-2026 թվականների գործողությունների ծրագրով սահմանել է, որ մինչև 2024 թվականը ԿԳՄՍ նախարարության կողմից մշակվելու և ՀՀ կառավարության հաստատմանն է ներկայացվելու «Երիտասարդական քաղաքականության մասին» օրենքի նախագիծը: Օրենքի նախագծի մշակման աշխատանքներն սկսված են, ԿԳՄՍՆ նախարարի հրամանով ձևավորված աշխատանքային խմբի հետ իրականացվել են մի շարք քննարկումներ:

«Նախարարությունը, որպես այս երկօրյա քննարկումների արդյունք, ակնկալում է ունենալ օրենքի նախագիծ, որի թե՛ հասկացությունները, թե՛ հոդվածները կլինեն բոլորի կողմից համաձայնեցված: Ի սկզբանե այս գործընթացը եղել է մասնակցային, քանի որ աշխատանքային խմբում հավաքված են երիտասարդության հետ աշխատանք իրականացնող դերակատարներ՝ թե՛ տեղական, թե՛ միջազգային կազմակերպություններից»,- նշել է Զարա Ասլանյանը:

ՄԱԿ-ի մանկական հիմնադրամի երիտասարդական ծրագրերի ղեկավար, աշխատանքային խմբի անդամ Հասմիկ Ալեքսանյանը նշել է. «ՄԱԿ-ի մանկական հիմնադրամի համար շատ կարևոր է դեռահասների և երիտասարդների մասնակցության ու հմտությունների ձեռքբերման խթանումը թե՛ մարզերում և թե՛ մայրաքաղաքում»:

«Մինչև աշխատանքային խմբի քննարկումները՝ ՄԱԿ-ի բնակչության հիմնադրամը և ՄԱԿ-ի մանկական հիմնադրամը նախարարության առաջարկով իրականացրել են ուսումնական այց և այլ երկրների փորձի ուսումնասիրություն: Մասնավորապես գնացել ենք Լատվիա և Լիտվա՝ տեսնելու, թե ինչ է տվել այնտեղի «Երիտասարդության մասին» օրենքը այդ երկրների երիտասարդներին, պետական կառույցներին»,- նշել է աշխատանքային խմբի անդամ, ՄԱԿ-ի բնակչության հիմնադրամի երիտասարդական ծրագրերի ղեկավար Աննա Բարֆյանը:

Աշխատանքային խմբի արտագնա նիստի ընթացքում ներկայացվել են նաև երիտասարդական ոլորտի փորձագետների կողմից իրականացված աշխատանքները:

Կրթական հետազոտությունների խորհրդատվությունների կենտրոնի տնօրեն, սոցիոլոգ, օրենքի նախագծի մշակման աշխատանքային խմբի անդամ և փորձագետ Մարինա Գալստյանի խոսքով՝ տարիներ շարունակ եղել են քննարկումներ երիտասարդության ոլորտը կարգավորող օրենսդրություն ունենալու կարևորության մասին, և օրենքի նախագծի շուրջ ոլորտի դերակատարների համախմբումը դրական նախադրյալ է ստեղծում:

Աշխատանքային խմբի քննարկումները կլինեն շարունակական:

Այս թեմայով Վրաստանի նախագահը վետո է դրել օտարերկրյա գործակալների մասին օրենքի վրա Ինչո՞ւ հանկարծ նախկին գլխավոր դատախազ Արթուր Դավթյանը խոսեց Նիկոլ Փաշինյանի հրաժարականի մասին Ձկան գլուխը փտած է, որպես մշակութային գործիչներ, պիտի գլուխը բուժենք, նոր թեփուկների մասին խոսենք (տեսանյութ) Սրբազանը՝ վաղվա ծրագրերի մասին Ժաննա Անդրեասյանը Թուրքիայի մշակույթի և զբոսաշրջության նախարարի հետ է հանդիպել, «մշակութային համագործակցության» մասին են խոսել Զինծառայողների թիկունքային ապահովման բոլոր աշխատանքները պատշաճ իրականացվում են․ ՊՆ Մթության մեջ, գաղտնի պայմաններում են շարունակում գործել. Սրբազանը՝ Կիրանցի մասին (տեսանյութ) Ցավում եմ տեղի ունեցածի համար. Գեղամ Նազարյանը` երեկվա միջադեպի մասին Ուզում են ապացուցել՝ հասարակությունը ստամոքս է, մեզ ներարկել են խոսել անզորության մասին․ Սրբազան (տեսանյութ) Մեզ անհրաժեշտ են շատ մեծ ջանքեր․ իրավապաշտպանը ՀՀ-ԵՄ փոխգործակցության մասին