ԱՄՆ Կոնգրեսում Հունգարիայի վերաբերյալ բանաձև կներկայացվի

ԱՄՆ-ից Հունգարիա այցելած պատվիրակության երկու սենատոր բանաձև կներկայացնեն Կոնգրեսին, որը Բուդապեշտին դատապարտում է Շվեդիայի՝ ՆԱՏՕ-ին անդամակցության ձգձգման և ժողովրդավարությունից նահանջելու համար:

Այս մասին հայտնում է Associated Press-ը՝ վկայակոչելով փաստաթղթի տեքստը։

Աղբյուրի փոխանցմամբ՝ բանաձևի հեղինակները նշել են, որ այն ներկայացվում է Հունգարիայի կառավարության վրա աճող ճնշումների ֆոնին՝ ՆԱՏՕ-ին Շվեդիայի անդամակցության հայտը վավերացնելու նպատակով, որը Հունգարիան հետաձգել է ավելի քան 18 ամսով։

Նոր դաշնակցի ընդունումը պահանջում է ՆԱՏՕ-ի անդամ բոլոր երկրների միաձայն համաձայնությունը, և Հունգարիան միակն է անդամ 31 երկրներից, որը չի աջակցել Շվեդիայի հայտին։

Բանաձևում սենատորները նշում են այն կարևոր դերը, որը կարող է ունենալ Հունգարիան եվրոպական և անդրատլանտյան անվտանգության մեջ, սակայն ընդգծում են նախկինում տված խոստումները չկատարելն ու չմիանալը ՆԱՏՕ-ի մյուս անդամներին՝ Շվեդիայի անդամակցությունը հաստատելու հարցում:

Բուդապեշտում ԱՄՆ դեսպանատունը ավելի վաղ հայտնել է, որ ԱՄՆ Կոնգրեսի պատվիրակությունը փետրվարի 18-ին կմեկնի Հունգարիայի մայրաքաղաք՝ քննարկելու ՆԱՏՕ-ի և Հունգարիայի միջև ռազմավարական խնդիրները:

Հունգարիայի արտգործնախարար Պետեր Սիյարտոն ամերիկացի սենատորներին խորհուրդ է տվել չփորձել ճնշում գործադրել Բուդապեշտի վրա Շվեդիայի՝ ՆԱՏՕ-ին անդամակցելու հարցում, քանի որ Հունգարիան ինքնիշխան երկիր է, նրա պատգամավորները կարևոր որոշումներ չեն կայացնում օտարերկրյա պատվիրակությունների ազդեցության տակ։

Այս թեմայով Մարտի 1-ի գործով լրացուցիչ փամփուշտներ են ներկայացվել, բայց 16 ցուցարարի վերաբերյալ արդարացման ակտ կա (տեսանյութ) ԱԺ-ն մերժեց Հայաստանի և Ադրբեջանի միջև սահմանազատման վերաբերյալ ընդդիմության հայտարարության նախագիծը Տավուշի մարզում իրականացվող գործընթացի վերաբերյալ վերջին օրերին մի շարք կեղծ և հասարակությանը մոլորեցնող թեզեր են հնչում. ՀՀ ԱՆ ԱՄՆ-ն մերժում է ՀՀ-ի դիմումներն անձանց արտահանձնելու վերաբերյալ, չկա երկկողմ պայմանագիր․ գլխավոր դատախազ Դեսպան Մակունցը Կոլորադոյի համալսարանի ղեկավարությանն է փոխանցել ԵՊՀ ռեկտորի առաջարկը համագործակցության վերաբերյալ 2020թ․ Երևանում տեղի ունեցած զանգվածային անկարգություններին մասնակցած ևս երկու անձի վերաբերյալ քրեական վարույթով նախաքննությունն ավարտվել է Հակակոռուպցիոն դատարանում կհրապարակվի Վանաձորում ընտրված համայնքապետ Մամիկոն Ասլանյանի կալանքի վերաբերյալ որոշումը Վարձու աշխատողի՝ եկամտային հարկի վերաբերյալ տեղեկատվությունը հարկային մարմին կներկայացնի գործատուն. «Փաստ» Ռուսաստանը հարցում կուղարկի Ալեն Սիմոնյանի՝ Ռուսաստանի Դաշնության հասցեին հնչեցրած մեղադրանքների վերաբերյալ Եգիպտոսը ողջունել է Հայաստանի և Ադրբեջանի միջև սահմանազատման վերաբերյալ համաձայնությունը