Ձեր ձայնն արդար չի, որովհետև խոսում եք այն ժամանակ, երբ կպնում են ձեր գրպանին․ Զոհրաբյանը՝ շոու բիզնեսի ներկայացուցիչներին

ԱԺ նախկին պատգամավոր Նաիրա Զոհրաբյանը այսօր պատասխանել է լրագրողների հարցերին, մասնավորապես՝ փետրվարի 23-ին Կառավարության նիստի ընթացքում ՀՀ վարչապետ Նիկոլ Փաշինյանի հայտարարությունների մասով, որոնք վերաբերում էին շոու բիզնեսի ներկայացուցիչներից հարկ պահանջելուն․

«Հիշու՞մ եք՝ ՔՊ-ականները ուզում էին մարիխուանան օրինականանցել, ես հասկացա ինչու էին ուզում՝ որ «ուռեն» և օդով՝ Նիկոլի ասֆալտը չտրորելով, գնան Լոս, իրենց համերգները տան։

Հիմա հարց՝ դուք ու՞ր էիք, երբ 10 ամիս Արցախը մեռնում էր, հիմա ձեր կերին կպան, Լոսի ձեր համերգներին կպան, ոգևորվե՞լ եք։ Ձեր ձայնն արդար չի, որովհետև դուք խոսում եք այն ժամանակ, երբ կպնում են ձեր գրպանին և ձեր փորին»,- նման տեսակետով հանդես եկավ Զոհրաբյանն ու իր խոսքը շարունակելով՝ անցում կատարեց օրերս Գեղարքունիքի մարզի բնակիչների կողմից անցկացված բողոքի ակցիային՝ ուղղված արտագնա աշխատանքի մեկնողներից հարկ պահանջելու դեմ․ 

«2021 թվականի ընտրություններին Մարտունի քաղաքից մասնակցել են 5637 քաղաքացի, որոնցից ՔՊ-ի օգտին են քվեարկել 3674-ը՝ պատերազմից հետո, 5000 զոհերից հետո։ Ես նկատել եմ, թե ինչպես է Փաշինյանը վրեժ լուծում հատկապես այն մարդկանից, ովքեր իրեն ընտրել են․ ուրեմն հիմա դուք ումի՞ց եք բողոքում»,- հայտարարեց նախկին պատգամավորը։

Իր խոսքի ավարտին Զոհրաբյանը նաև կարճ անդրադարձ կատարեց Հայաստանի ներկայիս իշխանությունների քաղաքական կուրսի փոփոխությանը․

«Կանխատեսումս այն է, որ նոր լայնամաշտաբ պատերազմ է սկսվելու, ինչի մասին խոսեց նաև Փաշինյանը։ Ես տպավորություն ունեմ, որ մենք մի օր արթնանալու ենք, ու Նիկոլ Փաշինյանը այլևս չի լինելու, նրա տերերը նրան շատ անվտանգ տեղափոխելու են արևմտյան որևէ երկիր, բայց զոհասեղանին դրվելու է ՀՀ պետականությունը․ այս աղետը պետք է կանխել»։

Այս թեմայով Պատկերացրեք, թե ի՞նչ են խոսում ոստիկաններն իրար մեջ իրենց պետության ղեկավարի մասին․ Ռուբեն Մխիթարյան Փաշինյանը ոստիկաններով շրջապատված Օպերայում խոսում է Բաքվի հետ պայմանագրի մասին (տեսանյութ) ՔՊ-ական պատգամավոր Նարեկ Գրիգորյանի կինը հայտարարագիր չի ներկայացրել․ «Ժողովուրդ» Վերջապես հարթակին կանգնածը հայերեն է խոսում, Սրբազանը վարչապետի լավ թեկնածու է (տեսանյութ) Ժամանակ առ ժամանակ սպասվում է անձրև և ամպրոպ, քաղաքի առանձին հատվածներում՝ ինտենսիվ Վանաձորի թիվ 3-րդ պոլիկլինիկայի նախկին ավագ բուժքույրը նախկին տնօրենին և ավագ բուժքրոջը մեղադրում է «քովիդի» ժամանակ 10 մլն դրամ հափշտակելու մեջ Վերստին կհաղթենք, եթե ամենից առաջ սիրենք մեր Հայրենիքը, հավատանք մեր ուժերին, հուսանք, որ չարի դեմ մեր արդար պայքարում Աստվածմեզ հետ է, մեզ՝ ապավեն. Սերժ Սարգսյան Քայլերթի ժամանակ Գայա Արզումանյանը երգեց (տեսանյութ) Եկեղեցին խառնվում է այն ժամանակ, երբ չկա պետություն կամ պետությունը պարտականությունները չի ապահովում. Հովհաննիսյան Արամ Ա-ն ընդունել է հայկական կուսակցությունների ներկայացուցիչներին