Նիկոլ Փաշինյանը ևս խաղաղ ցուցարար էր․ Արամ Մանուկյանը՝ մարտի 1-ի մասին

2008 թվականի մարտի 1-ի զոհերի հիշատակը հարգելու նպատակով այսօր Մյասնիկյանի արձանին հարող հրապարակ են այցելել «Հայ ազգային կոնգրեսի» ներկայացուցիչները։ ՀԱԿ փոխնախագահ Արամ Մանուկյանը պատասխանել է լրագրողների հարցերին․

«Տեղի է ունեցել սպանդ, ողբերգություն, իշխանությունը հարձակվել է ժողովրդի վրա և արդյունքում զոհվել են տասնյակ, վիրավորվել են հարյուրներ, բանտերում են հայտնվել շուրջ 150 մարդ, իշխանությունը ռմբահարել է իր ժողովրդին, չի թողել իրացնել իր իրավունքը խաղաղ ցույցեր անցկացնելու վերաբերյալ։ 

Անցել է 16 տարի, սակայն ակնհայտ հանցագործությունը, որը շատ հեշտ էր բացահայտել, չի արվել։ Ես կարող եմ որպես բացարձակ ճշմարտություն հայտարարել, որ իշխանությունների աջակցությամբ չի բացահայտվել մարտի 1-ը, բազմաթիվ կարևոր գործող անձինք՝ հանցագործներ, հայտնվել են արտասահմանում, իսկ նրանց մի մասը հայտնվել է Խորհրդարանում»,- նման համոզմունք է հայտնել Մանուկյանն ու թեմայի մասին իր խոսքը շարունակելով՝ հավելել․

«Ավելին ասեմ՝ որոշ գործընթաց սկսվեց տարիներ առաջ՝ արդարացնելու այն մարդկանց, ովքեր որպես հանցագործ դատվել էին, բայց ընդամենը եղել էին խաղաղ ցույցերի մասնակիցներ։ Սակայն արդարացման գործընթացը կասեցվել է պետության, պետական իրավապահ մարմինների կողմից»,- նշեց ՀԱԿ փոխնախագահը։

Մանուկյանի պնդմամբ՝ այդ ժամանակվա բոլոր ցուցարարները եղել են խաղաղ, այդ թվում՝ ՀՀ ներկայիս վարչապետ Նիկոլ Փաշինյանը, քանի որ չի եղել զենքի օգտագործում․

«Մարտի 1-ի գործը բացարձակ բացահայտված չէ, ոճրագործները դրսում են, անմեղները դատվել են և չեն արդարացվում․ շուրջ 50 հոգի այսօր դատական վճիռների տակ են»,- եզրափակեց նա։

Այս թեմայով Վրաստանի խորհրդարանը մտադիր է հաղթահարել «օտարերկրյա գործակալների» մասին օրենքի վրա նախագահի դրած վետոն Ձեր սրտերում դաջված են՝ Նիկոլ Փաշինյան, Աննա Հակոբյան, Ալեն Սիմոնյան. տավուշեցին՝ ոստիկաններին (տեսանյութ) Վահե՛ Ղազարյան, որպեսզի հրահրումներ չլինեն, ասեք՝ բացեն ճանապարհը, խաղաղ գնանք գյուղ, գանք. Բագրատ Սրբազան (տեսանյութ) Վարչապետ Նիկոլ Փաշինյանը ցավակցական հեռագիր է հղել Իրանի նախագահի և նրան ուղեկցող անձնակազմի զոհվելու կապակցությամբ Իրանի Կարմիր մահիկը հայտարարել է հանրապետության նախագահի և արտգործնախարարի մահվան մասին Եգիպտոսը մտահոգություն է հայտնել Իրանի նախագահի ուղղաթիռի կործանման մասին լուրերի առնչությամբ Գուտերեշը մտահոգված է Իրանի նախագահի ուղղաթիռի հետ կապված միջադեպի մասին հաղորդագրություններով Վրաստանի նախագահն առաջարկել է չեղյալ համարել «Օտարերկրյա գործակալների մասին» օրենքը Փաշինյանը զարմացած է` Ադրբեջանը հայկական եկեղեցին թողել է մեր տարածքում, սա նվաստացում է. Օսկանյան (տեսանյութ) ԱԱԾ հայտարարությունը՝ Կիրանցի դեպքերի մասին