«Թավշյա հեղափոխության» իրական շահառուները. Տրդատ Սարգսյան

Շարունակելով ներկայացնել այն պաշտոնյաներին, ում սոցիալական և ֆինանսական դրությունը կտրուկ բարելավվել է հեղափոխությունից հետո, այսօր կանդրադառնանք Տրդատ Սարգսյանին

Երբ 2018 թվականին Տրդատ Սարգսյանը դեռ նոր էր ստանձնում Վայոց Ձորի մարզպետի պաշտոնը և Կոռուպցիայի կանխարգելման հանձնաժողովին էր ներկայացնում իր պաշտոնի ստանձնման հայտարարագիրը, նա ուներ 2 անշարժ գույք՝ բազմամյա տնկի և բնակարան բազմաբնակարան շենքում և KIA OPTIMA 2.4 մակնիշի ավտոմեքենա։ Պաշտոնը ստանձնելու պահին նրա դրամական միջոցները կազմել են 5 միլիոն դրամ, իսկ եկամուտները՝ 900 հազար դրամ` աշխատանքի վարձատվությունից։

2018թ․ տարեկան հայտարարագրից պարզ է դառնում, որ Տրդատ Սարգսյանը 4,5 միլիոն դրամ արժողությամբ KIA OPTIMA 2.4 մակնիշի ավտոմեքենան ձեռք է բերել հենց 2018 թվականին, քանի որ այն հարկային տարվա սկզբում առկա չի եղել։ Սարգսյանի դրամական միջոցները տարեսկզբին կազմել են 10 միլիոն, իսկ տարեվերջին՝ 5 միլիոն դրամ, աշխատավարձից ստացված նրա եկամուտները գրեթե կրկնապատկվել են` կազմելով 1,9 միլիոն դրամ։

Տրդատ Սարգսյանը պատգամավորի պաշտոնը ստանձնելու օրվա դրությամբ ունեցել է 5,2 միլիոն դրամ, 8000 դոլար և 3000 եվրո կանխիկ ու անկանխիկ միջոցներ։ Հիշեցնենք, որ նա 2019թ․–ին պաշտոնը դադարեցնելու օրվա դրությամբ ուներ ընդամենը 5 միլիոն դրամ գումար։ Հատկանշական են Տրդատ Սարգսյանի եկամուտները, որոնք նա հայտարարագրել է պատգամավորի պաշտոնը ստանձնելիս։ Նորընտիր պատգամավորն ունեցել է 68,9 միլիոն դրամ եկամուտներ, որից միայն 4,5 միլիոն դրամն է եղել «Քաղաքացիական պայմանագիր» կուսակցության աշխատակազմի ղեկավարի պաշտոնում վարձատրությունից ստացված եկամուտը։ Իսկ եկամուտի մնացած մասը ձևավորվել է 2 գույքերի վաճառքից։ Մնացյալ 19,5 միլիոն դրամը Տրդատ Սարգսյանը ստացել է փոխառությունից։ 2020թ․–ին նա դարձել է «ՊՐՈՄՈՆԱԴ» ՍՊ ընկերության 100 տոկոսի բաժնետեր։

Տրդատ Սարգսյանի ներկայացրած վերջին հայտարարագիրը 2021թ․ տարեկան հայտարարագիրն է, որում առկա է նախկինում հայտարարագրված 5 անուն անշարժ գույքը՝ 2017թ․–ին նվիրատվություն ստացած 1 հողամաս և 1 բնակարան, 2021 թվականին գնված 1 բնակարան, 1 ավտոկայանատեղի և 1 բազմաբնակարան շենքի ոչ բնակելի տարածք։ Տրդատ Սարգսյանը տարեվերջին՝ 2021թ․ դեկտեմբերի 29–ին, վաճառել է իր երկրորդ՝ KIA SPORTAGE 2.0 TD մակնիշի ավտոմեքենան՝ 8.5 մլն դրամով։ Տրդատ Սարգսյանի դրամական միջոցները 2021թ․ տարեվերջին կազմել են 7,1 միլիոն դրամ, 8750 դոլար, 5700 եվրո և 65․000 ռուբլի։ Սարգսյանի եկամուտները 2021 թվականի տարեվերջին կազմել են 80.5 միլիոն դրամ, որը ձևավորվել է ավտոմեքենաների և արտադրական նշանակության շինության վաճառքից, ստացված փոխառությունից և աշխատավարձերից։ Տարեվերջին նրա հիփոթեքային վարկի մայր գումարը բավականին նվազել է և կազմել 3,476,407 դրամ։ Սարգսյանը տարվա ընթացքում 17,579,102 դրամի չափով վարկ է մարել։

Այս թեմայով Ուղղորդված, սուտ լուրերով նպատակ են հետապնդում կասեցնել ՆԳՆ բարեփոխումները. Արփինե Սարգսյան «Ես միշտ ժողովրդի հետ եմ»․ Ալիկ Սարգսյան Դուք փակեցիք դուռը հայրենիք ու պատիվ ունենալու հույսի ու հավատի առջև․ Վահե Սարգսյան Բագրատ Սրբազանը նոր զարթոնքի սկիզբ է դրել․ Վահե Սարգսյան Սսպասումս Փաշինյանի հրաժարականն է. Ռոմելա Սարգսյան (տեսանյութ) Հերոսների հիշատակն ու թողած ժառանգությունը պարտավորեցնում են լինել միասնական. Արմեն Սարգսյան Վերստին կհաղթենք, եթե ամենից առաջ սիրենք մեր Հայրենիքը, հավատանք մեր ուժերին, հուսանք, որ չարի դեմ մեր արդար պայքարում Աստվածմեզ հետ է, մեզ՝ ապավեն. Սերժ Սարգսյան Եթե Հանրայինը ճշմարտացիորեն ներկայացներ իրավիճակը, մայիսի 9-ին սպասելու կարիք էլ չէր լինի․ Դավիթ Սարգսյան Իշխանությունը վախենում է Սրբազանից. տավուշեցիների պայքարն արդյունք տվել է. Արթուր Սարգսյան (տեսանյութ) Աշխատող, արարող քաղաքացին իր երկրի հաջողության յուրատեսակ երաշխավորն է. Արմեն Սարգսյան