Հանցախմբերի՝ մայրաքաղաքը գրավելու ֆոնին՝ Հայիթիի վարչապետը հրաժարական է տվել

Հայիթիի վարչապետ Արիել Հենրին հրաժարական է տվել։ Այս մասին հայտնում է Reuters-ը։

«Մենք ընդունում ենք նրա հրաժարականը անցումային նախագահական խորհրդի ստեղծման և ժամանակավոր վարչապետի նշանակումից հետո», - գործակալությունը մեջբերում է Կարիբյան համայնքի նախագահ և Գայանայի նախագահ Մուհամմադ Իրֆաան Ալիի խոսքերը։

Ավելի վաղ հայտնի էր դարձել հանցավոր խմբերի` Արիել Անրիի կառավարությանը հեռացնելու ծրագրերի մասին։ Հայիթիի իշխանությունները որոշել են մեկ ամսով երկարաձգել արտակարգ դրությունը մայրաքաղաք Պորտ-օ-Պրենսում՝ զինված խմբավորումների և իրավապահների միջև առճակատման պատճառով։ Հրամանագիրը հրապարակվել է հանրապետության պաշտոնական Le Moniteur թերթում։

Մարտի 3-ին Արևմտյան դեպարտամենտում արտակարգ դրություն և պարետային ժամ է մտցվել։ Ինքը՝ Անրին, չի կարող վերադառնալ երկիր Քենիա կատարած այցից հետո՝ Պորտ-օ-Պրենս օդանավակայանի մոտակայքում փետրվարի վերջից շարունակվող կրակոցների պատճառով։ Նրա ինքնաթիռը հարկադրված վայրէջք է կատարել ԱՄՆ-ի հետ ասոցացված Պուերտո Ռիկոյի նահանգի տարածքում։

Անվտանգության և հումանիտար իրավիճակը Հաիթիում վատթարացել է 2021 թվականին նախագահ Ջովենել Մոիսեի սպանությունից և նույն տարվա օգոստոսին երկրաշարժից հետո, որը խլեց ավելի քան 2200 մարդու կյանք: Telesur հեռուստաալիքի տվյալներով՝ ավազակախմբերը վերահսկում են մայրաքաղաքի տարածքի ավելի քան 80%-ը և համախմբվում են հանրապետության այլ շրջաններում։

Այս թեմայով Մեռնեմ էլ ձեզ հետ եմ, ապրեմ էլ. ուզում եմ հրաժարական տամ, ես ժողովրդիս հետ եմ. Կիրանցի գյուղապետ (տեսանյութ) Մեղրիի քաղաքապետը հրաժարական է տվել՝ ըստ կոալիցիոն հուշագրի Էրդողանը հեղաշրջման փորձի մասին լուրերի ֆոնին՝ արտակարգ խորհրդակցություն է անցկացրել Ֆինլանդիայի վարչապետը հայտարարել է Ուկրաինայում տագնապալի իրավիճակի մասին Սրբազանը հնարավորություն է տվել ՔՊ-ին, որ ճանապարհն անցնեն հայ ժողովրդի, այլ ոչ թե դավաճանի հետ (տեսանյութ) Տղամարդու խոսքը բերանից է դուրս գալիս, ոչ թե մարմնի այլ մասերից, եթե հրաժարական չտա, կստիպեն (տեսանյութ) Թուրքերին վրդովեցրել է պատմական Հայաստանի քարտեզի ֆոնին Լիոնի քաղաքապետի լուսանկարը Այսուհետև ՔՊ-ին աղանդ եմ անվանելու. ոչ հոգևորական վարչապետը երեկ Ավետարան էր մեկնաբանում. Սուրեն Սուրենյանց (տեսանյութ) ՌԴ կառավարությունը հրաժարական է տվել 4 տարի սպասել ենք այս պայքարին, մեր ուզածը միայն արդարություն է, մեր զավակին ենք տվել պետությանը (տեսանյութ)