Լեզվի կոմիտեն մտադիր է թվային որոնողական համակարգերում հայերենի` որպես կենսունակ լեզվի գործառնությունն ապահովող ծրագիր ստեղծել

ՀՀ ԿԳՄՍՆ Լեզվի կոմիտեն այժմ քննարկում է թվային որոնողական համակարգերում հայերենի` որպես կենսունակ լեզվի գործառնությունն ապահովող ծրագրի ստեղծումը:

Այս մասին մարտի 12-ին լրագրողների հետ հանդիպմանը տեղեկացրեց Լեզվի կոմիտեի նախագահ Սիրանուշ Դվոյանը:

Նա կարծում է, որ տեխնոլոգիաների զարգացման ժամանակաշրջանում լուրջ խնդիր է դարձել հայերենի՝ թվային աշխարհում, որոնելի համակարգերում ներկայության հարցը:

«Բոլորս էլ ինչ-որ բան փնտրելու համար դիմում ենք «Գուգլ»-ի օգնությանն ու ստանում բազմաթիվ պատասխաններ: Եթե փորձեք հայերենի հետ կապված որևէ բան այնտեղ գրել, աղքատիկ տեղեկություններ կստանաք: Թարգմանական համակարգերում ևս հայերենի թարգմանությունը վատ վիճակում է, ինչը պայմանավորված է նրանով, որ որոնողական համակարգերում հայերենի բառային պաշարը բավականին թույլ է, ուստի թվային որոնողական համակարգերում հայերենի` որպես կենսունակ լեզվի գործառնությունն ապահովող ծրագրի ստեղծումն անհրաժեշտություն է, և այն քննարկման փուլում է»,-շեշտեց Սիրանուշ Դվոյանը:

Մինչ Դվոյանի պաշտոնավարումը կոմիտեն արդեն նման նախաձեռնություններով հանդես է եկել: Նա կփորձի գաղափարն իրականություն դարձնել իր համախոհների, գործընկերների հետ:

Դվոյանի խոսքով՝ առանձին-առանձին մշակվել ու գործում են տարբեր բազաներ, ինչպես օրինակ` Հայ մատենագրության թվանշային գրադարանը, Արևելահայերենի ազգային կորպուսը և այլն, բայց հայերենն այսօր համաքայլ չէ լեզուների տեխնոլոգիացման արդի միտումներին։

«Երբ որոնեք, հայերենով շատ բան կգտնեք՝ թերթ, ամսագիր, գիրք և այլն, բայց, եթե փորձեք դրանց մեջ որևէ բառ փնտրել, կամ բնորոշիչներ գտնել, չեք կարողանա: Որոնելի համակարգերն են, որ թվային աշխարհում և տեխնոլոգիաներում դեր են խաղում, ոչ թե ուղղակի նկարած տեքստերը: Այս առումով ահռելի աշխատանք են կատարել Հայաստանի ազգային գրադարանը, ակադեմիայի հիմնարար և ԵՊՀ-ի գրադարանները, պարզապես դրանք որոնելի համակարգերում չեն: Այդ կառույցների հետ էլ հարկավոր է քննարկել համագործակցության հնարավորությունները»,-ասաց Դվոյանը:

Կոմիտեի նախագահը վստահ է՝ հայերենը, հայերենով ստեղծված մշակութային ժառանգությունը, հայալեզու իրողություններն արդի մարտահրավերների ընկալունակ դարձնելու նպատակով կարիք կա բոլոր այս նախաձեռնությունների հետ համատեղ քննարկմամբ մշակել առավել ընդլայնված նախագիծ:

Այս թեմայով Հռոմի պապը մտադիր է հաջորդ տարի Թուրքիա այցելել Մենք հաղթեցինք եզրափակիչներից մեկը, ևս երեքը դեռ կա. Արսեն Բեգլարյան Փաշինյանին որպես մարդ չեմ կարող գնահատել, բայց որպես պետական գործիչ ստախոս է. Սրբազան (տեսանյութ) Մայիսի 15-ը Հայաստանում նշվում է որպես Ընտանիքի օր (տեսանյութ) ՔՊ-ական պատգամավոր Նարեկ Գրիգորյանի կինը հայտարարագիր չի ներկայացրել․ «Ժողովուրդ» Որևէ նախագահի աջակից իր առաջնորդի նկարը որպես պրոֆիլի նկար չի դնում իր էջին. Սրբազան (տեսանյութ) Բագրատ Սրբազանին եմ տեսնում որպես վարչապետ, թեկուզ` անցումային կառավարության դեպքում Թուրքիան իր երկրում մտադիր է արգելափակել TikTok-ը Բավականին լավ մշակված փիառ է, երևում է որոշակի գործողությունների ծրագիր, որն առնվազն գիտի Բագրատ սրբազանը. քաղտեխնոլոգ Որոշ կճղակավորներ իրենց «տիրոջ» հետևի ոտքերի արանքում տեղավորվելու համար Սրբազանի ոտքերի վերքերի տեսանյութը մեկնաբանում են որպես մանիպուլացիա․ Արշակ Զաքարյան