Ցավոք սրտի, Ադրբեջանից եղավ ձևակերպում, որ «Խաղաղության խաչմերուկը» ուտոպիա է․ Արարատ Միրզոյան

ԱԺ-ում մեկնարկել է արտաքին հարաբերությունների մշտական հանձնաժողովի հերթական նիստը։ ԱԳ նախարար Արարատ Միրզոյանը ներկայացնում է արտաքին հարաբերություններին վերաբերող 2023 թվականի արդյունքների մասին զեկույցը։ Մասնավորապես նա իր խոսքում նշել է․ 

«Ադրբեջանի հետ պայմանագրի նախագծի որոշ հոդվածների շուրջ կարողացել ենք առաջընթաց ապահովել, սակայն սկզբունքային հարցերում առայժմ շատ շոշափելի արդյունքներ չկան։ Մենք դեռ շարունակում ենք բանակցել, ոչ պաշտոնական շփումներ էլ ենք ունեցել։ Հատկանշական է, որ այն պահից, երբ Ադրբեջանի նախագահը հրաժարվեց հանդիպումների շարքից՝ սկսած Գրանադայից, նույն պահից նաև դադարեցին մեր հանդիպումները արտգործնախարարների մակարդակով։ Սակայն գիտեք, որ արդեն 2024 թվականին հանդիպումները վերսկսվել են»,- հայտնեց Միրզոյանն ու զեկույցի մասին խոսքը շարունակելով ավելացրեց․

«Շահագրգռված լինելով Հայաստանի ապաշրջափակմամբ՝ մեր ընկալմամբ, մեր պատկերացրած սկզբունքների հիման վրա, հանդես ենք եկել նախաձեռնությամբ՝ «Խաղաղության խաչմերուկ» անվանմամբ։ Մենք համոզված ենք, որ այս պատկերացումներով ենթակառուցվածքների ապաշրջափակումը տնտեսապես շահավետ կլինի և՛ տարածաշրջանի, և՛ տարածաշրջանից դուրս երկրների համար։ Այն կդառնա խաղաղություն ապահովող էական գրոծոն։

Մենք այս տեսլականով կիսվում ենք զանազան միջազգային դերակատարների հետ։ Ցավոք սրտի, Ադրբեջանից, որքան հիշում եմ, եղավ ձևակերպում, որ սա ուտոպիա է։ Իհարկե, որևէ կերպ հիմնավոր չենք կարող համարել այս ձևակերպումը։

Ուզում եմ հիշեցնել՝ սա միայն մեր տարածաշրջանին չի հատուկ, այսօր ամողջ աշխարհը ջանքեր է գործադրում նոր լոգիստիկ ուղիների հաստատման, պայմանների դյուրացման ուղղությամբ»,- թեմայի շուրջ նման հայտարարություն արեց ԱԳ նախարարը։

Այս թեմայով «Հայաստանն ու Ադրբեջանը խաղաղության հասնելու պատմական հնարավորություն ունեն»․ Գերմանիայի ԱԳՆ Պետք է արձանագրենք նաև դրական զարգացումները. ապրիլին Հայաստանը և Ադրբեջանը վերջապես մեկնարկել են սահմանազատման աշխատանքները. Միրզոյան Հավատում ենք, որ Հայաստանն ու Ադրբեջանը ի վերջո համաձայնության կգան խաղաղության համաձայնագրի շուրջ. Կոբախիձե Ադրբեջանի և ՀՀ-ի միջև ստորագրվելիք խաղաղության պայմանագիրը պատմական հնարավորություն է․ Էրդողան Արարատ Միրզոյանը և ԵԽԽՎ նախագահը մտքեր են փոխանակել տարածաշրջանային հարցերի շուրջ Ադրբեջանից Հայաստան տրանսֆերներ կա՛մ առկա չեն, կա՛մ էական ծավալ չեն կազմում․ Կենտրոնական բանկ Գիտեք Երևանում ադրբեջանցիներ չեն վերաբնակեցնելո՞ւ. Ո՞ւր է գնացել Ադրբեջանից եկած 200 մլն դոլարի տրանսֆերը. պատգամավոր Մենք հաղթեցինք եզրափակիչներից մեկը, ևս երեքը դեռ կա. Արսեն Բեգլարյան Ժամանակն է Ադրբեջանի հետ ձեռք բերված համաձայնությունները ներառել խաղաղության պայմանագրում և ստորագրել այն․ Փաշինյան (տեսանյութ) Համոզված ենք, որ խաղաղության պայմանագրի կնքմամբ կարող է վերջ դրվել երկարամյա հակամարտությանը և երկարատև խաղաղություն հաստատվել տարածաշրջանում. Միրզոյան