ՌԴ նախագահական ընտրությունների քվեարկությունն այդ երկրի քաղաքացիները Հայաստանում իրականացնում են հինգ ընտրատեղամասում

Ռուսաստանի Դաշնության նախագահական ընտրությունների քվեարկությունը Հայաստանում տեղի է ունենում հինգ ընտրատեղամասերում, քվեարկության գործընթացը կազմակերպված է պատշաճ մակարդակով:

Այս մասին լրագրողների հետ զրույցում մարտի 17-ին ասել է ՀՀ-ում ՌԴ դեսպան Սերգեյ Կոպիրկինը, փոխանցում է «ՌԻԱ Նովոստի»-ն:

Նրա խոսքով՝ ընտրատեղամասեր են բացվել Երևանում՝ ՌԴ դեսպանատանը, ավիաբազայում, Գյումրիում՝ ՌԴ գլխավոր հյուպատոսությունում և երկու տեղամաս՝ 102-րդ ռազմաբազայում:

Ըստ դեսպանի՝ մարտի 11-ից 13-ը Սյունիքի մարզում տեղի է ունեցել վաղաժամ քվեարկություն, որին մասնակցել է 844 մարդ՝ սահմանապահներ և Ռուսաստանի Դաշնության այլ քաղաքացիներ։

Կոպիրկինն ուրախալի է համարել, որ վաղ առավոտից ՌԴ քաղաքացիներն ակտիվորեն մասնակցում են քվեարկությանը։

Կիրակի Երևանում և Գյումրիում ընտրատեղամասերը բացվել են տեղական ժամանակով ժամը 8:00-ին և կփակվեն 20:00-ին:

ՌԴ Դաշնային խորհուրդը նախագահական ընտրությունները նշանակել է 2024 թվականի մարտի 17-ին։ Պետության ղեկավարի պաշտոնին հավակնում են Ռուսաստանի Դաշնության Կենտրոնական ընտրական հանձնաժողովի կողմից գրանցված չորս թեկնածու՝ Լեոնիդ Սլուցկին, Նիկոլայ Խարիտոնովը, Վլադիսլավ Դավանկովը և Վլադիմիր Պուտինը։

Այս թեմայով ԱՄՆ-ում տորնադոյի հետևանքով՝ հինգ մարդ է զոհվել (տեսանյութ) Եկեղեցին մեզ մեր երկրի հետ կապող ամենակարևոր օղակներից է. Սիրուշո Քաղաքացիները փակել են Երևան-Գյումրի ճանապարհը «Ճնշումներն ահագնանալու են, նրանք լավ են պատկերացնում, թե ինչ հանցանքներ են իրականացնում հայ ժողովրդի դեմ». «Փաստ» Մհեր Գրիգորյանը և ՎԶԵԲ-ի տարածաշրջանային տնօրենը քննարկել են Հայաստանում իրականացվող ծրագրերի ընթացքը Երկրի ղեկավարը գոյություն չունի էս երկրում ով իր սեփական ժողովրդին մատնել է տեռորի (տեսանյութ) Քաղաքացիները փակել են Գյումրի-Վանաձոր ճանապարհը Քաղաքացիները փակել են Էջմիածին տանող ճանապարհը. ակցիան շարունակվում է Ավստրալիայի Լիբերալ կուսակցությունը երկրի ընդդիմության առաջնորդին կոչ է արել ճանաչել Հայոց ցեղասպանությունը Երեւանում քաղաքացիները վաղ առավոտյան փակել են Ազատության պողոտան՝ ի աջակցություն տավուշցիների