Պետական տուրք կսահմանվի ավիացիոն ոլորտի որոշ ծառայությունների համար

Քաղաքացիական ավիացիայի կոմիտեն կանոնակարգման եւ վերահսկողության գործառույթների հետ մեկտեղ ներկայումս մատուցում է մի շարք ծառայություններ, որոնց համար պետական տուրք կամ վճար չի գանձվում: Միջազգային փորձի ուսումնասիրությունը ցույց է տվել, որ աշխարհի մի շարք երկրներում համանման ծառայությունները մատուցվում են վճարովի հիմունքներով: Կառավարությունն այդ նպատակով լրացումներ է առաջարկում «Պետական տուրքի մասին» եւ «Ավիացիայի մասին» օրենքներում, որոնցով պետական տուրք կսահմանվի ծառայությունների 13 խմբերի համար: ԱԺ մարտի 19-ի նիստում առաջին ընթերցմամբ ներկայացնելով օրենսդրական փաթեթը՝ այս մասին հայտնել է ՀՀ տարածքային կառավարման եւ ենթակառուցվածքների նախարարի տեղակալ Արմեն Սիմոնյանը:

Այդ ծառայություններն են՝ աէրոդրոմի եւ ուղղաթիռադաշտի համապատասխանության գնահատում եւ սերտիֆիկատի տրամադրում, թռիչք-վայրէջքի հարթակների համապատասխանության գնահատում եւ շահագործման թույլտվության գնահատում, աէրոնավիգացիոն սպասարկման ծառայություններ մատուցող կազմակերպություններին թույլտվության տրամադրում, օդանավակայանների շրջակայքում կառուցվելիք խոչընդոտների վերաբերյալ ուսումնասիրություն եւ համաձայնության տրամադրում կամ մերժում, օդային տրանսպորտով բեռների եւ ուղեւորների փոխադրման տրանսպորտային ծառայության ծավալի վերաբերյալ տեղեկանքի տրամադրում, օդային երթեւեկության սպասարկման կարգավարի որակավորում: Տուրք կսահմանվի նաեւ օդային երթեւեկության կարգավարների վերապատրաստման, սկզբնական ուսուցման դասընթացների ծրագրերի հաստատման կամ ճանաչման, ավիացիոն անվտանգության ծառայությունների, վտանգավոր համարվող բեռների օդային փոխադրման, վտանգավոր բեռների սպասարկման աշխատանքներ իրականացնող կազմակերպություններին եւ վտանգավոր բեռների օդային փոխադրումները սպասարկող կազմակերպություններին թույլտվությունների տրամադրման, օդանավի պետական գրանցման եւ թռիչքային պիտանելիության պահպանման, ավիացիոն ուսումնական հաստատությունների հաստատման եւ ճանաչման, ավիացիոն բժշկական հաստատությունների սերտիֆիկացման, ՀՀ տարածքում օդային հաղորդակցությունների իրականացման թույլտվությունների տրամադրման, թռիչքային եւ սրահի անձնակազմի անդամների վկայագրման համար:

Փոխնախարարի խոսքով ներկայացված ծառայությունների համար տուրքի չափը հաշվարկվել է մարդ/ժամ սկզբունքով՝ հաշվի առնելով նշված ծառայության համար ծախսվող փաստացի աշխատաժամանակը, օգտագործվող ռեսուրսները, ծառայության բնույթը եւ միջազգային պրակտիկայում գործող վճարների համադրումները:

Նախագծի ընդունմամբ պետական բյուջեի կանխատեսվող եկամուտները կկազմեն տարեկան մոտ 150 մլն դրամ:

Հարակից զեկույցում տնտեսական հարցերի մշտական հանձնաժողովի անդամ Ծովինար Վարդանյանը նշել է, որ օրենսդրական առաջարկի ընդունմամբ ծառայությունների որակը կլավանա, ավիաուղիները կունենան մրցունակ պայմաններ նաեւ միջազգային շուկայում: Հանձնաժողովը տվել է դրական եզրակացություն:

Այս թեմայով Պետական որոշ կառույցների աշխատակիցներին զգուշացվել է` կհեռացվեն աշխատանքից, եթե մասնակցեն հավաքներին. Ռուբեն Մելիքյան ՀՀ-ում ԱՄՆ դեսպանը հարգանքի տուրք է մատուցել 2-րդ աշխարհամարտի հայ հերոսների հիշատակին Մեր պայքարը մեր սահմանների անվտանգությունն ապահովված լինելու համար է. Գառնիկ Դանիելյան (տեսանյութ) Եվ Դավիս, և այն տղաների համար եմ լինելու Հրապարակում, ովքեր զոհվեցին ինչ-որ մեկի կամքով. Ալիսա Գևորգյան (տեսանյութ) Պատրաստ ենք կառուցողական երկխոսության՝ ԵԱՏՄ էլեկտրաէներգետիկական շուկայի ժամանակին գործարկելու համար. Փաշինյան Հուլիսի 1-ից ՀՀ քաղաքացիները քրեական պատասխանատվություն կկրեն «ուրիշին տհաճություն պատճառելու» համար. փաստաբան Իմ հող ու ջրի, հայրենիքի համար եմ միացել Սրբազանին․ Գայա Արզումանյան Մոսկվայում Պուտինի և Փաշինյանի այսօրվա հանդիպումը անհրաժեշտ է և երկու կողմերի համար սպասված. Պեսկով Ինձ համար օրհնություն, պատիվ է լինել Սրբազանի կողքին. բոլորին կոչ եմ անում սթափվել. Արմեն Հյուսնունց (տեսանյութ) Պետությանը վերադարձված 2 հողամասերն ամրացվեցին Պետական գույքի կառավարման կոմիտեին․ դատախազություն