Ռուսաստանը ցանկանում է պատժել Հայաստանին. Ֆրանսիայի վարչապետ
Иностранный
Ֆրանսիայի վարչապետ Գաբրիել Աթալը Ֆրանսիայում հայկական կազմակերպությունների համակարգող խորհրդի ամենամյա ընթրիքի ժամանակ մեղադրել է Ռուսաստանին՝ ասելով՝ Ռուսաստանը ցանկանում է «պատժել Հայաստանին խաղաղության ձգտման և սեփական ինքնիշխանությունը հարգելու համար՝ սկզբունքներ, որոնք Մոսկվան անտեսում է Ուկրաինայում», գրում է Le Figaro-ն։
«Ռուսաստանը ցանկանում է պատժել Հայաստանին, որովհետև նա ընտրել է անպատժելիության դեմ պայքարի ուղին՝ միանալով Միջազգային քրեական դատարանին, և որովհետև Հայաստանը պարզապես ընտրել է ժողովրդավարության և օրենքի գերակայության ճանապարհը»,- ասել է Ֆրանսիայի կառավարության ղեկավարը։
Գաբրիել Աթալը նաև քննադատել է «Ռուսաստանի հաճոյախոսական վերաբերմունքը, որը չդատապարտեց Ադրբեջանի կողմից ուժի կիրառումը Լեռնային Ղարաբաղում», որտեղ հայ բնակչության մեծ մասն ապրում էր մինչև անցյալ տարվա վերջ։ «Այսպես կոչված «խաղաղապահ» ռուսական ուժերը թույլ տվեցին հումանիտար ճգնաժամ»,- հավելել է նա։
Գաբրիել Աթալը Ադրբեջանից պահանջել է դուրս բերել իր զինված ուժերը օկուպացված հայկական դիրքերից՝ ընդգծելով, որ Ադրբեջանի նախագահ Իլհամ Ալիևն ինքը խոստովանել է, որ ադրբեջանական ուժերը առաջ են անցել հայկական տարածքի մի քանի կետերում։
«Այսօր խնդիր է դրված օգնել Հայաստանին պաշտպանել իր անկախությունը, իր ժողովրդավարությունը, իր ինքնիշխանությունը և տարածքային ամբողջականությունը»,- իր ելույթն այսպես է ամփոփել Ֆրանսիայի վարչապետը։
Самое популярное 
Баграт Галстанян: Мы зафиксировали первую победу
