«3+3» ձևաչափով նոր հանդիպում կարող է տեղի ունենալ այս տարի. ՌԴ–ում Իրանի դեսպան
Иран
«3+3» խորհրդատվական հարթակի հաջորդ հանդիպումը կարող է կրկին կայանալ այս տարի։ Այս մասին հայտարարել է Ռուսաստանում Իրանի դեսպան Քազեմ Ջալալին։
Դիվանագետը հույս է հայտնել, որ Վրաստանը կդառնա ձեւաչափի մասնակից։ Նա այս ձևաչափն ամենաօգտակարն է համարում Հարավային Կովկասի խնդիրների լուծման համար։
«Տարածաշրջանում խնդիրների լուծման ամենաօգտակար ձևաչափը «3+3»-ն է։ Հուսով եմ, որ այս տարի կրկին կկայանա նոր հանդիպում»,- ասել է Ջալալին։
Իրանի դեսպանը հիշեցրել է, որ այս ձևաչափով նախորդ հանդիպումը տեղի է ունեցել Թեհրանում։ Ջալալին այն անվանել է հաջողված։ Նա հավելել է, որ մյուս գերտերությունների միջամտությունը ոչ միայն սրում է իրավիճակը, այլեւ մեծացնում է իրավիճակի սրման վտանգը Հարավային Կովկասում։
«Այլ երկրների ներկայությունը խոչընդոտում է Հարավային Կովկասում կարգավորմանը։ Այս տարածաշրջանի վեց երկրներ՝ Ռուսաստանը, Թուրքիան, Իրանը, Ադրբեջանը, Հայաստանը և Վրաստանը, այս տարածաշրջանի լավագույն փորձագետներն են, այլ ոչ թե որոշ այլ երկրներ»,- ընդգծել է Ջալալին։
Самое популярное 
Баграт Галстанян: Мы зафиксировали первую победу
