«Եվրոպական ժառանգության օրերի ճամբար» ծրագրի շրջանակում Աչաջուրի գրադարանին նվիրաբերվել են նորատիպ գրքեր

Եվրոպայի խորհրդի «Եվրոպական ժառանգության պատմություններ» ծրագրի շրջանակում Խնկո Ապոր անվան ազգային մանկական գրադարանի մրցանակ արժանացած «Հեքիաթի դեսպաններ» խորագրով հեղինակային նախագիծն ընթացքի մեջ է: Այս մասին հայտնեցին Խնկո Ապոր անվան ազգային մանկական գրադարանից։

Մարտի 29-ին «Եվրոպական ժառանգության օրերի ճամբար» խորագիրը կրող ծրագիրը պաշտոնական բացմամբ իրականացվել է նաև ՀՀ Տավուշի մարզի Աչաջուրի մշակույթի տանը։ Միջոցառմանը ներկա էին Խնկո Ապոր անվան ազգային մանկական գրադարանի փոխտնօրեն Ռուզաննա Թելունցը, Աչաջուրի մշակույթի տան տնօրեն Վահե Աղբալյանը, մշակույթի տան և գրադարանների աշխատակիցները, Աչաջուրի մշակույթի տան սաները, գրադարանի մանուկ և պատանի ընթերցողները: Միջոցառման շրջանակում տեղի է ունեցել ընթերցանության անկյան պաշտոնական բացման արարողություն։

Ողջունելով ներկաներին՝ Խնկո Ապոր անվան ազգային մանկական գրադարանի փոխտնօրեն Ռուզաննա Թելունցը ներկայացրել է «Եվրոպական ժառանգության օրերի ճամբար» ծրագիրն ու դրա նպատակները։ Նրա տեղեկացմամբ՝ Եվրոպական ծրագրի իրականացման հարթակներից մեկն ազգային մանկական գրադարանն ընտրել է Աչաջուրի գրադարանը, որտեղ այսօր պաշտոնապես բացվում է ընթերցանության անկյուն և Աչաջուրիգրադարանին են նվիրաբերվում շուրջ 200 նորատիպ գրքեր:

Նա հույս է հայտել, որ նվիրաբերված գրքերն առավել մեծ հետաքրքրություն կառաջացնեն ընթերցանության նկատմամբ և Աչաջուրի գրադարանում նոր ու բովանդակալից քննարկումների հիմք կդառնան:

Աչաջուրի գրադարանի գրադարանավար Շաքե Ղուկասյանը շնորհակալություն է հայտնել գրադարանը նորատիպգրքերով համալրելու համար, ինչն առավել գրավիչ կդարձնի ընթերցանությունը երեխաների շրջանում։ Նա կարևորել է նման նախագծերի իրագործումը, որի միջոցով վերարժևորվում է գիրքը, կրթությունն ու մշակույթը։

Միջոցառման ընթացքում Խնկո Ապոր անվան ազգային մանկական գրադարանի գրադարանավարները դպրոցահասակ երեխաներին ներկայացրել են հեքիաթապատումներ, զրուցել գրքի, գրականության, մշակութային ժառանգության պահպանության կարևորության մասին։ Երեխաները կիսվել են իրենց դիտարկումներով, տեղեկություններով և ընթերցած գրքերի մասին իրենց կարծիքներով:

Միջոցառման ընթացքում երաժշտական համարներով ներկաներին ողջունել են Աչաջուրի մշակույթի տան սաները:

Երկամսյա ճամբարի ընթացքում նախատեսվում է իրականացնել «Հեքիաթի դեսպաններ» ծրագիրը, որը կներառի տարբեր երկրների մշակութային ժառանգության և դրանց պահպանության կարևորությունն ընդգծող միջոցառումներ, վարպետության դասեր, եվրոպական մանկապատանեկան գրքերի ընթերցումներ ու թեմատիկ քննարկումներ:

Այս թեմայով Մայիսի 13-ին Հայաստան է ժամանելու Մալթայի Հանրապետության արտաքին ու եվրոպական հարցերի և առևտրի նախարար Իեն Բորջը Արմավիրի մարզում բացվել է Սիմոն Մարտիրոսյանի անվան ծանրամարտի մարզադպրոցը. ծրագրի ընդհանուր արժեքը կազմել է 581.6 մլն դրամ ԵՀՄ-ն զգուշացնում է Փաշինյանին՝ ուժ կիրառելու փորձերի դեպքում եվրոպական պատկան մարմինները խիստ կդատապարտեն իշխանություններին Ալեն Սիմոնյանը և Ժիվկովիչը ստորագրել են «Նոր Հայաստան` ժամանակակից խորհրդարան» 2-րդ ծրագրի իրականացման փաստաթուղթ Եվրոպական 11 երկներում տեղի կունենան ցույցեր՝ հաջակցություն «Տավուշը հանուն հայրենիքի» շարժման Ադրբեջան է ժամանել Եվրոպական հանձնաժողովի հարևանության և բանակցությունների հարցերով գլխավոր տնօրենը Եվրոպական հանձնաժողովի գլխավոր տնօրենը կայցելի Հայաստան Լիլիթ Մակունցը հանդիպել է Ռամսֆելդի կրթական ծրագրի մասնակիցների հետ «Պաշտպան հայրենյաց» ծրագրի մասնակիցները պատրաստվում են առաջիկա քննություններին 40+10 հազար դրամ աջակցության ծրագրի շահառուների շրջանակն ընդլայնվել է