Էրդողանը պետք է հասկանա, որ ՌԴ–ի հետ բանակցությունների համար միայն Թուրքիան բավարար չէ. Զելենսկի

Թուրքիայի նախագահ Ռեջեփ Թայիփ Էրդողանը պետք է հասկանա, որ իր երկիրը բավարար չէ Ուկրաինայի և Ռուսաստանի միջև բանակցություններ վարելու համար։

Այս մասին ասել է Ուկրաինայի նախագահ Վլադիմիր Զելենսկին, հայտնում է РБК-Ուկրաինան՝ հղում անելով նրա հարցազրույցին։

«Թուրքիան մեզ օգնել է գերիների հարցում: Սա փաստ է, նրանք ցանկանում են միջնորդ լինել: Բայց նախագահ Էրդողանը պետք է իմանա, որ միայն Թուրքիան որպես միջնորդ մեզ համար բավարար չէ: Մեզ համար ավելի լավ է խաղաղության գագաթնաժողովի ձևաչափը: Չեմ կարծում, որ Թուրքիան միայնակ կկարողանա ճնշում գործադրել Պուտինի քաղաքականության վրա»,- ասել է նախագահը։

Նրա խոսքով՝ Թուրքիան կլինի այն երկրների ցանկում, որոնք կարող են միջնորդական առաքելություն իրականացնել։

«Այն ձևաչափը, որն այսօր ծրագրում ենք ըստ բանաձևի, շատ բարդ է, քանի որ պետք է ի մի բերենք շատ տարբեր երկրներ, հավաքենք բոլորին, գտնենք ձևաչափ, ինչպես գնալ առաջ, համաձայնության գանք դրա շուրջ: Ահա այդպիսի երկիրը, կարծում եմ, կարող է գոնե փորձել ստիպել Ռուսաստանին խաղաղության»,- ասել է Զելենսկին։

Այս թեմայով Ադրբեջանի և Հայաստանի միջև խաղաղության համաձայնագիրը պետք է ստորագրվի որքան հնարավոր է շուտ․ Էրդողան Մոսկվան հետախուզում է հայտարարել Զելենսկու նկատմամբ Էրդողանը հայտարարել է, թե Արևմուտքը «հարձակվելու է» Թուրքիայի վրա Էրդողանը բացատրել է՝ ինչու է դադարեցրել առևտուրն Իսրայելի հետ Ռուսաստանը պատրաստվում է հարձակման. Զելենսկի Էրդողանը չեղարկել է իր այցը ԱՄՆ Էրդողանն Իսրայելին մեղադրել է ցեղասպանության մեջ Պարոն Էրդողան, մի փորձեք Սփյուռքը հակադրել Հայաստանին, մենք մի ազգ ենք՝ մի պահանջատիրությամբ. Արամ Ա Ուկրաինան հաղթելու հնարավորություն է ստացել. Զելենսկի Ուկրաինայի քաղաքացիները հոգնել են Ռուսաստանի հետ պատերազմից․ Զելենսկի