Տիկին Ֆոն Դեր Լյայեն և պարոն Բլինքեն, օրինակ ծառայեք` մտեք «վառարան»

Պատմաբան, քաղաքագիտության դոկտոր Արմեն Այվազյանը իր Ֆեյսբուքյան էջում գրել է․

«Ս. թ. ապրիլի 5-ին ԱՄՆ պետքարտուղար Բլինկենը և Եվրահանձնաժողովի նախագահ ֆոն դեր Լյայենը Հայաստանի Հանրապետությանը համառորեն խորհուրդ էին տալիս ընթանալ «տարածաշրջանային ինտեգրացիայի» ճանապարհով, այսինքն՝ քաղաքականապես, տնտեսապես, մշակութապես և անվտանգության առումով միատեղվել ու առկցվել Ադրբեջանին ու Վրաստանին՝ Թուրքիայի ընդհանուր ղեկավարության ներքո։

Շատ գայթակղիչ առաջարկ է։ Բայց դրան համաձայնություն տալուց առաջ Հայաստանը պետք է խրախուսի, որպեսզի նախապես նույնպիսի «խոստումնալից» ինտեգրացիայի ճանապարհ ընտրեն ԱՄՆ-ն և Եվրոպական Միությունը, ինչպես հայտնի հեքիաթում Հենզելն ու Գրետելն են առաջարկում մարդակեր վհուկին իրենցից առաջ վառարան մտնել և օրինակ ցույց տալ։ Մասնավորապես՝

• ԱՄՆ-ն և ԵՄ-ն պետք է ինտեգրվեն Ռուսաստանի, Իրանի, Կուբայի, Նիկարագուայի, Հյուսիսային Կորեայի, Յեմենի հուսիթների և Թալիբանի հետ։

• Իսրայելը պետք է ինտեգրվի Հեզբոլլահի, Համասի, Սիրիայի, Լիբանանի, Իրաքի և նույն Իրանի հետ։

• Ռուսաստանը պետք է ինտեգրվի Ուկրաինայի, Լատվիայի, Լիտվայի, Էստոնիայի և Վրաստանի հետ։

• Թուրքիան պետք է ինտեգրվի Կիպրոսի, Հունաստանի և Քրդստանի Բանվորական Կուսակցության ուժերի հետ։

Երբ տեսնենք ու համոզվենք, թե այսպիսի ինտեգրացիաներից ինչպիսի մեծ հաջողություններ և արագասլաց առաջընթաց գրանցեցին վերը նշված պետությունները և ուժերը, այն ժամանակ էլ մենք կմտածենք ֆաշիստական Ադրբեջանի ու Թուրքիայի հետ միատեղվելու և առկցվելու մասին։ 

Իսկ մինչ այդ, տիկին ֆոն դեր Լյայեն և պարոն Բլինկեն, օրինակ ծառայեք և ինտեգրվեք՝ մտեք «վառարան»»։

Այս թեմայով Զոհված զինծառայողի մայրը՝ տիկին Գոհարը, միացել է փողոց փակելու ակցիային (տեսանյութ) Սա մեր ամոթն է. ծնկի պիտի գաք հերոսի մայր տիկին Գոհարի առջև, նրան բերման էին ենթարկել, քաշքշել․ Սրբազան Այս պայքարը հայկական է. պիտի միանան զոհված զինծառայողների բոլոր պատվախնդիր ծնողները. տիկին Գոհար Կայացել է Ծինփին-Մակրոն-Ֆոն դեր Լյայեն հանդիպումը Բլինքենն անձամբ է մասնակցում Երևանի և Բաքվի միջև հարաբերությունների կարգավորման գործընթացին․ Պետդեպ Ինչպես կիրանցեցի Գագիկ Վարդանյանը զոհվեց Խրեմլուից արձակած կրակից. տիկին Ալվարդի պատմությունը (տեսանյութ) Ֆիդանը և Բլինքենը քննարկել են Գազայում տիրող իրավիճակը Պարոն Էրդողան, մի փորձեք Սփյուռքը հակադրել Հայաստանին, մենք մի ազգ ենք՝ մի պահանջատիրությամբ. Արամ Ա Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ) Ինչ քպականներն ասել են, արել են տրամագծորեն հակառակը. ևս 20 օրինակ. «Փաստ»