Մենք ուզում ենք, որ Չինաստանը Հայաստանին դիտարկի նաև որպես հուսալի գործընկեր ԵԱՏՄ շրջանակում

Չինաստանը Հայաստանի կարեւոր գործընկերներից է: Երկու երկրների ջերմ հարաբերությունները վերընթաց զարգանում են եւ բազմակողմանի բնույթ կրում: Այս մասին ասել է Տարածաշրջանային եւ եվրասիական ինտեգրման հարցերի մշտական հանձնաժողովի նախագահի տեղակալ Վաղարշակ Հակոբյանը մեր երկրում Չինաստանի Ժողովրդական Հանրապետության արտակարգ եւ լիազոր դեսպան Ֆան Յոնի հետ հանդիպմանը:

Ապրիլի 10-ին կայացած հանդիպմանը մասնակցել են հանձնաժողովի անդամներ Խաչատուր Սուքիասյանը, Ագնեսա Խամոյանը, Ալեքսեյ Սանդիկովը, Իրինա Գասպարյանը եւ Շիրակ Թորոսյանը:

Վաղարշակ Հակոբյանը, խոսելով ոլորտային արդյունավետ համագործակցության մասին, նշել է. «Մեզ համար շատ կարեւոր եւ հեռանկարային է համագործակցությունը պաշտպանության, անվտանգության եւ ՏՏ բնագավառներում»:

Հանձնաժողովի փոխնախագահի խոսքով երկու երկրների միջեւ դինամիկ զարգանում են տնտեսական հարաբերություններն ինչպես երկկողմ ձեւաչափով, այնպես էլ ԵԱՏՄ շրջանակում: Նշվել է, որ երկրների միջեւ 2023 թվականի առեւտրաշրջանառության ծավալը կազմել է 2 մլրդ 127 մլն դոլար` նախորդ տարվա համեմատ աճելով 21,3 տոկոսով:

Անդրադառնալով ԵԱՏՄ-Չինաստան հարաբերություններին` Վաղարշակ Հակոբյանը նշել է. «Մենք ուզում ենք, որ Չինաստանը Հայաստանին դիտարկի նաեւ որպես հուսալի գործընկեր ԵԱՏՄ շրջանակում: Սա մեզ համար կարեւոր է, եւ մենք կանենք ամեն ինչ` համագործակցությունն առավել արդյունավետ դարձնելու համար»:

Հանձնաժողովի փոխնախագահը կարեւորել է միջխորհրդարանական համագործակցության ձեւաչափում երկկողմ պարբերաբար շփումները, փոխայցերը:

Դեսպանը նշել է, որ հայ-չինական դիվանագիտական հարաբերությունների հաստատման 32 տարիների ընթացքում երկկողմ հարաբերությունները կայուն զարգացել են, սերտացել են ժողովուրդների միջեւ կապերը: Ֆան Յոնի խոսքով երկկողմ գործակցության շնորհիվ հնարավոր է եղել տարբեր ոլորտներում հասնել լավ արդյունքների: «Մենք կարեւորում ենք Հայաստանի հետ համագործակցությունը եւ ամեն ինչ կանենք` նպաստելու երկու երկրների խորհրդարանականների միջեւ ուղիղ համագործակցության զարգացմանը»,- ընդգծել է հյուրը:

Նա եւս խոսել է ԵԱՏՄ շրջանակում երկկողմ համագործակցության խորացման անհրաժեշտությունից: «Չինաստանը նպաստում է կանաչ տնտեսության զարգացմանը եւ պատրաստ է ներկայացնել բարեկամ երկրներին այդ փորձը»,- ասել է դեսպանը:

Հայ խորհրդարանականները խոսել են, մասնավորապես, առեւտրատնտեսական, զբոսաշրջության ոլորտներում հայ-չինական համագործակցության խորացման անհրաժեշտությունից:

Հանդիպման մասնակիցները երկկողմ համագործակցության ընդլայնման ուղղությամբ առավելագույն ջանքեր գործադրելու պատրաստակամություն են հայտնել:

Այս թեմայով Մենք դատապարտված ենք հաղթանակի այլ ճանապարհ չունենք, այս դեպքում հաղթելու է հանուն սիրո ուժը. Դավիթ Ամալյան (տեսանյութ) Որևէ տեսակի ուժ չի կարող Հայոց փառավոր հոգին ընկճել, մենք Տավուշից ենք գալիս դեպի այստեղ. Սրբազան (տեսանյութ) Շատ եմ ուզում, որ այս շարժումը դառնա ճնշվածի, պարտվածի, ձախողածի խարանի հաղթահարման միջոց. Տաթեւիկ Հայրապետյան Վահե Ղազարյան, մենք իրար լավ ենք ճանաչում. հրահրում եղավ, 1-ին պատասխանատուն Դուք ու Ձեր անմիջական ղեկավարն եք լինելու. Բագրատ Սրբազան (տեսանյութ) Մենք ոչ մեկին թույլ չենք տա սպառնալ մեզ. Պուտին Հայտնի են դարձել ԵԱՏՄ ղեկավարների հերթական հանդիպման ժամկետներն ու վայրը Միմյանց նկատմամբ հարգալից հարաբերություններով միայն կկարողանանք ապահովել ԵԱՏՄ-ի զարգացումը․ Փաշինյան (տեսանյութ) Պատրաստ ենք կառուցողական երկխոսության՝ ԵԱՏՄ էլեկտրաէներգետիկական շուկայի ժամանակին գործարկելու համար. Փաշինյան ԵԱՏՄ-ն նախորդ տասնամյակում իրեն դրսևորեց որպես ինքնաբավ միավոր, ՀՆԱ-ն հասել է 2,5 տրիլիոն դոլարի. Պուտին (տեսանյութ) Արցախցիներին շանտաժ անողները ուզում են հաճոյանալ իշխանություններին, սա չի ազդի իրենց վրա (տեսանյութ)