Գործ ունենք համակարգված տեղեկատվական ահաբեկչության հետ․ Գոռ Ծառուկյանը՝ Երևանի դպրոցներում ահաբեկչություն ծրագրելու լուրերի մասին

Վարչապետի աշխատակազմի հանրային կապերի և տեղեկատվության կենտրոնի տնօրեն Գոռ Ծառուկյանն անդրադարձել է տարածվող լուրերին Երևանի դպրոցներում իբր ծրագրվող ահաբեկչական գործողությունների մասին՝ ենթադրելով, որ գործ ունենք համակարգված տեղեկատվական ահաբեկչության հետ։ 

«Արմենպրես»-ի հետ զրույցում Գոռ Ծառուկյանն ասաց, որ ապրիլի 11-ին, ժամը 23:00-ից արձանագրել են հայկական «Տելեգրամ» ալիքներին ուղարկվող անանուն հաղորդագրություններ իբրև Երևանի դպրոցներում ծրագրվող ահաբեկչական գործողությունների մասին։

«Հաղորդագրությունը տեղադրվել է «Армения Конец» (@ArmeniaEnd) անվամբ նույն օրը բացված օգտահաշվից և տարածվել է «Грант Джамбазян» անվամբ փակ օգտահաշվի կողմից։ Իրավապահ մարմիններն անմիջապես տեղեկացվել են տարածվող հաղորդագրության վերաբերյալ։ Բողոքարկումների արդյունքում տվյալ ալիքն արդեն արգելափակված է։ Հայկական «Տելեգրամ» ալիքները հիմնականում տուրք չեն տվել տեղեկատվական ահաբեկության հատկանիշներ ունեցող այս հաղորդագրությանը և չեն տարածել։ Հայկական տիրույթում միայն մեկ «Տելեգրամ» ալիքում ենք արձանագրել այդ հաղորդագրության տարածումը, որտեղից հաջողվել է հեռացնել այն։

Սակայն բովանդակությունը հասցրել է որոշակի տարածում գտնել։ Հատկանշական է, որ նույնաբովանդակ հաղորդագրություններ գրեթե նույնական տեքստերով և լուսանկարներով վերջին շրջանում տարածում են գտել նաև այլ երկրներում, ինչից կարող ենք ենթադրել, որ գործ ունենք համակարգված տեղեկատվական ահաբեկության հետ։

Տրամաբանական է, որ իրական ահաբեկչական գործողություն ծրագրողներն այդ մասին նախապես չեն տեղեկացնի։ Իհարկե, սա չի նշանակում, որ պետք չէ մեծացնել ուշադրությունը և հետևողական լինել՝ այդ թվում տեղեկատվական անվտանգության ապահովման ուղղությամբ։ Որևէ դեպքում նման տեղեկատվական ահաբեկություններից պետք չէ խուճապի մատնվել և պետք է նկատի ունենալ, որ նման դրսևորումները կարող են կրկնվել»,- ասել է Ծառուկյանը։

Դպրոցներում իբր ահաբեկչություն ծրագրելու լուրերին անդրադարձել է նաև ՀՀ ԿԳՄՍ նախարարությունը։ «Արմենպրես»-ի հետ զրույցում նախարարությունից նշել էին, որ դպրոցներում բնականոն դասապրոցեսի կազմակերպման առումով անհանգստանալու հիմքեր չկան․ «Տելեգրամ» ալիքներով տարածվող տեղեկատվությանը, թե իբր Հայաստանի դպրոցներում ահաբեկչություն է նախապատրաստվում, ուսումնասիրվում է իրավապահների կողմից:

Այս թեմայով Փաշինյանի ձեռքերը կթաթախվեն արյան մեջ, եթե ֆրանսահայը մահանա Երևանի օդանավակայանում. Հարութ Սասունյան Երևանի խնդրանքով՝ Թուրքիայի և Իրանի հետ սահմաններին ՌԴ սահմանապահները կմնան. Կրեմլ Վիտալի Բալասանյանը, Սիսական ջոկատի հրամանատարը և բազմաթիվ քաղաքացիներ Երևանի մուտքի մոտ սպասում են Սրբազանին (լուսանկարներ) Իշխանությունը սկսել է չափի զգացում ունենալ․ Միքայել Սրբազանը Փաշինյանի ասուլիսի և Ալեն Սիմոնյանի մասին Ադրբեջանն ու Բուլղարիան ռազմավարական գործընկերության ամրապնդման մասին հռչակագիր են ստորագրել Հույս ունենք, որ համերաշխություն է լինելու. արցախցի (տեսանյութ) Շարժումն այլընտրանք չունի, այն հաշտության և ինքնամաքրման մասին է. Բագրատ Սրբազան Երևանի և մարզերի մի շարք հասցեներում լույս չի լինի Մեզ ուսապարկ պետք չէ, Վարդենիսն ու Սյունիքը կտան, հետո էլ երկիրը կդառնա «Երևանի Հանրապետություն». շարժման մասնակից (տեսանյութ) Մենք լայն հաշտության օրակարգ ունենք, այստեղ չկա ատելություն, ճշմարտությունը հաղթելու է (տեսանյութ)