Չի կարող Ադրբեջանի հետ սահմանազատման գործընթաց լինել՝ առանց իրավական հիմքերի․ Արթուր Հովհաննիսյան

Հայաստանի չի կարող Ադրբեջանի հետ սահմանազատման գործընթացի գնալ՝ առանց իրավական հիմքերի:

Այս մասին խորհրդարանական ճեպազրույցի ժամանակ վստահեցրեց Հայաստանի ազգային ժողովի իշխող «Քաղաքացիական պայմանագիր» խմբակցության քարտուղար Արթուր Հովհաննիսյանը ՝ անդրադառնալով ընդդիմությունից հնչող մտահոգությանը, թե Հայաստանի իշխանությունը կարող է առանց իրավական հիմքերը հստակեցնելու Տավուշի հատվածում Ադրբեջանի հետ սահմանի սահմանազատման գործընթաց սկսել, անգամ զիջումների գնալ:

«Չի կարող լինել գործընթաց առանց իրավական հիմքերի: Մենք սրա մասին բազմիցս խոսել ենք»,–ասաց Արթուր Հովհաննիսյանը:

Նա վստահեցրեց՝ ամեն ինչ անում են՝ ելնելով իրավական հիմքերից, դրա համար գործընթացները դանդաղ են գնում: «Ցանկացած քարտեզ, ցանկացած միլիմետր պետք է ունենա իրավական հիմք: Առանց սրա մենք առաջ չենք շարժվելու»,–նշեց պատգամավորը:

Պաշտպանության և անվտանգության հարցերի հանձնաժողովի նախագահ Անդրանիկ Քոչարյանն էլ հավելեց, որ բազմաթիվ իրավական հիմքերի մասին խոսվել է. «Խորհրդային Միության փլուզումից հետո ի՞նչ սահմաններով անջատվեցին միութենական պետությունները, ադմինիստրատիվ սահմանները որտե՞ղ էին: Իրավական արձանագրում կար: Բայց հետո պարզվեց, որ այդ իրավական արձանագրումները դեռ ճշտումների խնդիր ունեն»,-ասաց նա՝ ընդգծելով, որ սահմանազատման հարցերով հանձնաժողովները հենց դրա համար են ստեղծված, այդ խնդիրները պետք է լուծվեն:

Քոչարյանը շեշտեց, որ սահմանազատման և սահմանագծման գործընթացի նպատակն Ադրբեջանի հետ խաղաղության հասնելն է:  

Այս թեմայով Բագրատ Սրբազանը կոչ արեց վաղը, ժամը 17։00-ին լինել Օպերային թատրոնի մոտ (տեսանյութ) Բաքվում գտնվող Արցախի ռազմաքաղաքական մյուս ղեկավարների կալանքը ևս կարող է երկարաձգվել. առաջարկ են ներկայացրել Համբիկ Սասունյանն իրեն բռունցքով հարվածած բերետավորի հետ խնդիրները իրավական ճանապարհով կլուծի Ժամանակն է Ադրբեջանի հետ ձեռք բերված համաձայնությունները ներառել խաղաղության պայմանագրում և ստորագրել այն․ Փաշինյան (տեսանյութ) Չենք կարող վստահել մի դատավորի, որը քավորսանիկական հարաբերություն ունի Քյարամյանի հետ (տեսանյութ) Վեհափառն ամեն օր է ինձ օրհնում, Հայրապետի գործողությունների վրա ոչ ոք չի կարող ազդեցություն ունենալ (տեսանյութ) Ինձ ոչ մեկ չի կարող ցուցում տալ, որ դասադուլ արգելեմ, ուսանողներն ազատ են. Ռուբեն Մելքոնյան Ոստիկանական բռնությունը չի կարող կանգնեցնել մեր պայքարը. Գեղամ Մանուկյան (տեսանյութ) «ՀայաՔվեն» հանցագործության մասին հաղորդում կներկայացնի դատախազություն՝ կապված «սահմանազատման» հետ. «Փաստ» Թուրքական ապրանքները կարող են Իսրայել փոխադրվել 3-րդ երկրի տարածքով