Շղթայական ավտովթար՝ Արարատի մարզում. կա 6 վիրավոր

Այսօր՝ ապրիլի 22-ին, շղթայական ավտովթար է տեղի ունեցել Արարատի մարզում: Ժամը 08:40-ի սահմաններում Երևան-Երասխ ավտոճանապարհի Մասիս քաղաքի սկզբնամասում բախվել են «Toyota Corolla», «Hyundai Sonata» և 2 «ՎԱԶ 2106» մակնիշի ավտոմեքենաներ:

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 6 հոգի մարմնական վնասվածքներով տեղափոխվել են Մասիսի և Երևանի տարբեր հիվանդանոցներ:  

Դեպքի վայր են ժամանել ՀՀ ՆԳՆ ոստիկանության Պարեկային ծառայության Արարատի մարզի գումարտակի 1-ին վաշտի պարեկները՝ գումարտակի հրամանատար Գրիգոր Բաբաջանյանի, գումարտակի հրամանատարի տեղակալ Աբել Վարդանյանի, գումարտակի տեխնիկայի գծով ավագ տեսուչ Արթուր Կոծինյանի, գումարտակի ծառայության ավագ տեսուչ Գևորգ Սահակյանի, վաշտի հրամանատար Արթուր Զիրոյանի և նույն գումարտակի 2-րդ դասակի վաշտի հրամանատար Գարուշ Սարգսյանի և նույն դասակի հրամանատար Համբարձում Տեր-Պողոսյանի գլխավորությամբ:  

Պարեկների այսքան շատ ժամանման պատճառը կայանում  է նրանում, քանի որ վթարից հետո, մինչ պարեկների ժամանումը, հետաքրքասեր վարորդները ավտոմեքենաները կայանել էին ու ստեղծել էին արհեստական խցանում, որը ձգվում էր մոտ 2 կմ, սակայն պարեկների ժամանումից րոպեներ անց երթևեկությունը կարգավորվեց:

 Տարածքը սահմանազատել են պարեկ Գոռ Սիմոյնյանն ու կրտսեր պարեկ Խորեն Գեղամյանը:

Դեպքի վայր են ժամաել ՀՀ ՆԳՆ ոստիկանության Արարատի մարզային վարչության պետ Սարիբեկ Ռուստամյանն ու վարչության պետի օպերատիվ գծով տեղակալ Մամիկոն Հակոբյանը:

Վթարի մասին ՊԾ Արարատի մարզի գումարտակից տեղեկությունը փոխանցել են ՀՀ քննչական կոմիտեի Արարատի մարզայի քննչական վարչության Մասիսի քննչական բաժին, որտեղից ժամանել է քննչական խումբը՝ օրվա պատասխանատու հերթապահ քննիչի գլխավորությամբ:

Վթարի փաստով Մասիսի քննչական բաժնում նախաձեռնվել է քրեական վարույթ:  Գ. Շամշյանի տեղեկություններով՝ վիրավորների մեջ կան հարկայինի և Ոստիկանության ակադեմիայի աշխատակիցներ:

 Իսկ վիրավորներից 4-ը տեղափոխվել են շտապօգնության ավտոմեքենաներով, 2-ը քաղաքացիական:

Այս թեմայով Ավտովթար՝ Արմավիրի մարզում. բախվել են «Kia»-ն ու «06»-ը. կան վիրավորներ Ծաղկահովիտ-Ալագյազ ճանապարհին մեքենաներ են բախվել․ կան տուժածներ (լուսանկարներ) «Երեքնուկ» կամրջի մոտ բախվել են 2 «Mercedes»-ներն ու «Opel»-ը. կա 1 զոհ, 2 վիրավոր Ավտովթար Դիլիջան-Հաղարծին ճանապարհին․ կան տուժածներ Երևանում Hyundai Elantra-ն հայտնվել է փոսում Երևանում ավտոբուսները բախվել են իրար. կա վիրավոր Ռուսաստանի ևս մի մարզում միգրանտներին արգելվել է տաքսի վարել Ողբերգական դեպք՝ Շիրակում․ վրաերթի ենթարկված 9-ամյա տղան մահացել է Արագածավանում Lexus-ը հայտնվել է դաշտում. ընտանիքի 4 անդամներ, այդ թվում՝ երեխաներ, հոսպիտալացվել են Ահաբեկիչ են էս մարդիկ, ասում ա՝ Արարատի վրա մի նայեք, հեսա կասի՝ Արագածին չնայեք, Տավուշի վրա չգնաք (տեսանյութ)