Մի մոռացեք՝ Հայ եկեղեցուն թուլացնելը տենչում է միայն մեր թշնամին․ Դանիելյան

Զուր մի փորձեք հոգևորականներին, իբր, կաշկանդելու անմիտ նպատակով նսեմացնել զրպարտանքով, անթույլատրելի վիրավորանքով ու այլ էժանագին զեղծարարությամբ, գրել է Արդարադատության նախկին նախարար Գևորգ Դանիելյանը։

«Մեծ բարեբախտություն եմ ունեցել տևական ժամանակ Մայր Աթոռում լինել հասարակական հիմունքներով իրավախորհրատու, հատկապես՝ աջակցել եմ կանոնադրական փաստաթղթերի լրամշակման պատասխանատու գործին, իսկ վերջին տարիներին Գերագույն հոգևոր խորհրդի աշխարհիկ անդամ եմ։ Այդ ողջ ընթացքում ոչ միայն փորձել եմ ծառայել իմ մասնագիտական կարողություններով, այլև սովորել հիրավի բարձր մտավոր ունակություններով օժտված հոգևորականներից։

Այդ անհատները ոչ միայն պարզապես համակողմանի զարգացած են, ունեն խորաթափանց ու ստեղծագործական միտք, այլև անօրինակ համբերատար են, հանդուրժող, անասելի պատասխանատու սեփական խոսքի ու գործի հանդեպ և որպես առաջնահերթ զենք են դիտում Աստծո ողորմությունը։

Զուր մի փորձեք իրենց իբր կաշկանդելու անմիտ նպատակով նսեմացնել զրպարտանքով, անթույլատրելի վիրավորանքով ու այլ էժանագին զեղծարարությամբ, ձեզ հատկացված հզոր ու ժամանակակից տեխնոլոգիաներին մի խաբնվեք։ Միևնույն է, իրենք ձեզ ևս դիտում են որպես սոսկ հոգևոր խնամքի կարիք ունեցող զավակների և կշարունակեն այդպես դիտել, ինչը բնավ չի նշանակում, որ ձեռնպահ կմնան իրենց հոտի անվտանգությունը իրավաչափ պաշտպանելու սրբազան պարտքից։

Մի մոռացեք՝ Հայ եկեղեցուն թուլացնելը տենչում է միայն մեր թշնամին, ինչը չի էլ թաքցնում։

Աստված զորավիգ Հայ եկեղեցուն», - նշել է նա։

Այս թեմայով Վարչապետի իմ թեկնածուն Բագրատ Սրբազանն է. Գառնիկ Դանիելյան Ինչքան բռնաճնշումներն ավելացնեն, էդքան մարդկանց թիվն ավելանալու է. Գառնիկ Դանիելյան Չենք վախենում կալանավորումներից. Արմեն Աշոտյանը 11 ամիս է՝ բանտում է հայրենիք սիրելու համար. Հենրիխ Դանիելյան Սա մաքուր հայկական, ազգային, հոգով, սրտով շարժում է. մեր տունը կարգի պիտի բերենք. Գառնիկ Դանիելյան (տեսանյութ) Ամենայն հարգանքով Բագրատ Սրբազանի հանդեպ, մնացեք այդ դերի մեջ, դա և մեզ է պետք, և եկեղեցուն․ Ստեփան Դանիելյան Եկող շաբաթվա ընթացքում կարևոր գործեր կան անելու. Դանիելյան (տեսանյութ) Անգլիայի ազգային բալետի «Ժիզել»-ը գերել է ոչ միայն երևանցիներին այլև մայրաքաղաքի զբոսաշրջիկներին (տեսանյութ) Այսօր բերման ենթարկված 12 քաղաքացիներից 11–ն ազատ է արձակվել, մեկի դեմ քրվարույթ է հարուցվել․ Դանիելյան Չսպառնա՛ք. վատը ձեզ համար ա լինելու, ուսանողի համար չի կարա վատ լինի. Գառնիկ Դանիելյան (տեսանյութ) Հրապարակ եկողները հայրենատեր մարդիկ են. Գառնիկ Դանիելյան (տեսանյութ)