Թբիլիսիում ոստիկանությունը բերման է ենթարկել 63 ցուցարարի (լուսանկարներ)

Թբիլիսիում մայիսի 1-ի գիշերը խորհրդարանի շենքի մոտ օտարերկրյա գործակալների մասին օրինագծի դեմ բողոքի ցույցը ցրելու ժամանակ 63 մարդ է բերման ենթարկվել, հայտնել է Վրաստանի ՆԳՆ ղեկավարի տեղակալ Ալեքսանդր Դարախվելիձեն, փոխանցում է Sputnik Georgia-ն։

«Վրաստանի խորհրդարանում իրավիճակը լարվել է ապրիլի 30-ի՝ ժամը 21։00-ի սահմաններում, երբ պատգամավորները սկսել են լքել խորհրդարանը։ Չնայած ոստիկանների կոչերին՝ ցուցարարները փակել են շենքի ելքերը, վիրավորել ոստիկաններին և շշեր ու քարեր նետել նրանց վրա»,- ասել է նա։

Ամբողջ գիշեր ցուցարարները ագրեսիվ վարքագիծ են դրսևորել ոստիկանության աշխատակիցների նկատմամբ և վնասել քաղաքի ենթակառուցվածքները։ Խորհրդարանի մոտ հանրահավաքը ցրելուց հետո նրանք շարունակել են արգելափակել քաղաքի երթևեկությունը։

«Մենք կշարունակենք արձագանքել նման գործողություններին և թույլ չենք տա, որ կարգուկանոնը խաթարվի», - հավելել է Դարախվելիձեն։

Հարձակման առնչությամբ նրանց դեմ քրեական գործ է հարուցվել։ Ընդհանուր առմամբ, վիրավորվել է վեց ոստիկան։ Ցուցարարները քարեր ու ապակյա շշեր են նետել ուժայինների վրա։ Ի պատասխան՝ նրանց դեմ արցունքաբեր գազ է կիրառվել։

Ինչպես հայտնել ենք, Վրաստանի նախագահ Սալոմե Զուրաբիշվիլին ավելի վաղ դիմել է երկրի ներքին գործերի նախարար Վախթանգ Գոմելաուրիին՝ խնդրելով դադարեցնել Թբիլիսիում ցուցարարների ցրումը։

Այս թեմայով Մեր անչափահաս տղաներից մեկին բերման են ենթարկել ու ասել՝ ծնողներից կզրկենք քեզ. Բագրատ Սրբազան Լարված իրավիճակ. «Ինչի՞ համար եք բերման ենթարկել մարդկանց», «Կասենք, պետք չի բարձր գոռալ» (տեսանյութ) Թող իրենց ակցիան իրականացնեն, ոստիկանությունը ի՞նչ է անում. ոստիկանապետ (տեսանյութ) Ոստիկանությունը սկսեց մարդկաց բերման ենթարկել բիրտ ուժի կիրառմամբ (տեսանյութ) Լիտվայի ոստիկանությունը կաջակցի ՀՀ Քրեական ոստիկանության ծառայողների կրթության և վերապատրաստման աշխատանքներին Օպերայի մոտից անչափահաս են բերման ենթարկել, որ ասել է` «կարմիր բերետավորներն էս ինչ շատ են». Գառնիկ Դանիելյան (տեսանյութ) Ինչպես են բերման ենթարկվում քաղաքացիները (տեսանյութ) Ոչ ոք չի վախենում, ինչի՞ եք ապօրինի բերման ենթարկում, ավելորդ քայլ չանեք․ Սրբազանը՝ ոստիկաններին Ժամը 10:00-ի դրությամբ բերման են ենթարկվել 38 քաղաքացիներ «Նստի հլը ասում եմ». ոստիկանները բիրտ ուժով ղեկից իջեցրին վարորդին և բերման ենթարկեցին (տեսանյութ)