Աշակերտն ատում է հայ գրականությունը, երեխային խռովեցրել են դպրոցից (տեսանյութ)

Հասարակությունը՝ դեռ չհամակերպված Հայոց եկեղեցու պատմություն առարկայի նոր չափորոշիչներին, ԿԳՄՍ նախարարությունը առաջ է բերել «Հայ գրականություն» առարկան խմբագրելու  նախագիծ, ըստ որի՝ հանրակրթական դպրոցի 7-12-րդ դասարաններում գրականություն առարկայի ուսուցման ծրագրում ներառված չեն 5-րդ դարի հայ պատմագրությունը, առակագրությունը, և Գողթան երգերը: Նահապետ Քուչակը կուսումնասիրվի Համո Սահյանին զուգահեռ, իսկ Սայաթ-Նովան՝ Չարենցի «Տաղարան»-ին:

«Հայ գրականություն» առարկան խմբագրվել և դարձել է «Գրականություն»` իր մեջ ներառելով նաև արտասահմանյան գրականություն և հայ ժամանակակից հեղինակների գործեր. վերջիններս կուսումնասիրվեն ըստ ցանկության:

Գրականագետ Դավիթ Գասպարյանը ծրագիրը շրջանառության մեջ դնելը մեծագույն աղետ է համարում, վստահ է՝ դա կհանգեցնի ազգայինի և ինքնության մոռացության. մեր զրուցակիցը  ընդգծում է՝ խնդրի միակ լուծումը ԿԳՄՍ նախարար Արայիկ Հարությունյանի հրաժարականն է: 

Թեև գրականագետը առաջարկվող ծրագրում որևէ դրական կողմ չի տեսնում, այնուամենայնիվ, մեր մյուս զրուցակիցը՝ ԵՊՀ դասախոս Վաչագան Ավագյանը, շեշտում է դրանցից մեկը. «Հաճելի է, որ մեր հեղինակներին զուգահեռ ներկայացնում են արտասահմանյան դասական, նշանավոր ստեղծագործողներին»:

Հասարակության շրջանում բողոքի լայն ալիք սկսվեց հատկապես այն բանից հետո, երբ հստակեցվեց՝ Նարեկացու Մատյանը ոչ թե միանալու է որևէ այլ հեղինակի, այլ ընդհանրապես դուրս է մղվելու ցանկից:            

«Հայոց լեզու», «Գրականություն» փորձագիտական խմբի ղեկավար Թամարա Ալեքսանյանը շտապում է հանգստացնել՝ բողոքներից հետո վերանայել են նախագիծը և նախատեսում են Նարեկացու Մատյանը վերադարձնել գրականության ցանկ:

Նախագծի ղեկավարը հայ բառի կրճատումը այնքան էլ աղետալի չի համարում.  ընդգծում է՝ կարևոր է ոչ թե ծրագիրը, այլ դրա վերջնաարդյունքը. «Այն, ինչ հիմա դպրոցում անում են, ավելի շատ է տարել ապազգային քաղաքականության. շտեմարանները և թեստերը մեր երեխային խռովեցրել են գրքից, և երեխաներ կան՝ ուղղակի չեն ուզում լսել հայոց լեզվի մասին: Այդ ամպագոռգոռ բառեր ասողները դպրոց չեն մտել»:

Այս փոփոխությունների արդյունքում՝ հայ գրականությունը աստիճանաբար ողողվելու է համաշխարհային հեղինակների գործերով՝ կորցնելով հայկական ուղղվածությունը:

Մանրամասները՝ տեսանյութում

Արփինե Հակոբյան

Այս թեմայով Երբ մտնում ես դպրոց, "Слово пацана" սերիալի սլենգով են աշակերտները խոսում, նրա հերոսների նման. ՀՌՀ Հայաստանի լինելիության հարցն է որոշվում. ապագայի շատ կոնկրետ նախագիծ է դրվում սեղանին․ վարչապետ (տեսանյութ) 2026-ից սկսած դպրոցի ավարտական քննությունները կհանդիսանան նաև բուհի համար ընդունելության քննություններ. նախագիծ Պետական քաղաքականությունն ուղղված է դպրոց-բուհ-գիտություն կապի ամրապնդմանը. Ժաննա Անդրեասյան Էս գնդակները թռնու՞մ են, չէ', լավ չեք փչել. Փաշինյանի այցը` Ստեփանավանի դպրոց Ախուրյան համայնքի «Երազգավորսի միջնակարգ դպրոց» ՊՈԱԿ-ում փորձարկվելու է էլեկտրական շչակ «Նոր Արտամետի միջնակարգ դպրոց» ՊՈԱԿ-ում գործարկվելու է էլեկտրական շչակ ՆԳՆ բարեփոխումների շրջանակում ստեղծվելու է մեկ միասնական ուսումնական հաստատություն. նախագիծ Առաջարկվում է ՀՌՀ նախագահի և հանձնաժողովի անդամների գործակիցները բարձրացնել. նախագիծ Կոտայքի մարզի «Նուռնուսի միջնակարգ դպրոց»-ում գործարկվելու է էլեկտրական շչակ