Ավտոմեքենայով ՊՆ դարպասները կոտրած Գուրգեն Վարդանյանին են հանձնել որդու ոսկորները. փաստաբան

Ավտոմեքենայով ՊՆ դարպասները կոտրած Գուրգեն Վարդանյանի՝ անհետ կորած որդու՝ Գոռ Վարդանյանի դին գտել են։ Այս մասին ԼՈՒՐԵՐ․com-ին հայտնեց Վարդանյանի փաստաբան Կարեն Ստեփանյանը՝ տեղեկացնելով, որ դեկտեմբերի 15-ին հայտնաբերված դիերի մեջ եղել է նաև Գոռ Վարդանյանի դին։  

«Ծնողները ԴՆԹ անալիզը վաղուց էին հանձնել, և անցած ուրբաթ օրը եկել էր արդյունքների պատասխանը։ Փաստորեն եղել էր համապատասխանություն։ Ծնողներին հանձնել են երեխայի մարմնի մասերը, ինչը, որ հնարավոր է եղել հայտնաբերել, նրանց են հանձնել ոսկորները։ Շաբաթ օրը Արամուսի եկեղեցում տեղի է ունեցել հոգեհանգիստը, իսկ կիրակի օրը՝ հուղարկավորությունը»,- ասաց փաստաբանը։ 

Նշենք, որ Գոռ Վարդանյանի անունը զոհվածների ցուցակում էր, սակայն նրա դին չէր հայտնաբերվել։ ՊՆ ռազմական ոստիկանության հաղորդագրության համաձայն՝ հունվարի 10-ին՝ ժամը 21։30-ի սահմաններում, Վարդանյանն իր անձնական օգտագործման «ՎԱԶ 2107» մակնիշի ավտոմեքենայով հարվածել էր ՀՀ ՊՆ վարչական համալիրի հսկիչ անցագրային կետի դարպասներին, կոտրել դրանք և մուտք գործել ՊՆ վարչական համալիրի տարածք: Այս արարքի համար Գուրգեն Վարդանյանը ձերբակալվել էր, այնուհետև ազատ արձակվել։

Վարդանյանին մեղադրանք է առաջադրվել ՀՀ քրեական օրենսգրքի 327.6 հոդվածի 5-րդ մասով (զորամաս կամ հատուկ պահպանվող զինվորական այլ տարածք ապօրինի մուտք գործելը) և 258 հոդվածի 4-րդ մասով (խուլիգանություն, որը կատարվել է զենքի կամ որպես զենք օգտագործվող առարկաների գործադրմամբ): Առաջադրված մեղադրանքում Վարդանյանն իրեն մեղավոր չի ճանաչում և ցուցմունք չի տվել:

Սոնա Հարությունյան

Այս թեմայով ՀԻՄԱ․ Երևան-Դիլիջան մայրուղին մեկ ժամով փակ է (տեսանյութ) Երևանում կորած համարվող Ջաթին Շարման հայտնաբերվել է Ջրվեժի ձորում հայտնաբերվել է որպես անհետ կորած որոնվող 56-ամյա տղամարդու հոշոտված մարմինը Ջաթին Շարման որոնվում է որպես անհետ կորած Մովսես Ոսկանյանը որոնվում է որպես անհետ կորած Նաիրա Պետրոսյանը որոնվում է որպես անհետ կորած Որպես անհետ կորած փնտրվող 37-ամյա տղամարդուն գտել են մահացած վիճակում Թրամփը Բայդենին անվանել է «կորած հոգի» Փաշինյանը ոչ մի դրական պատասխան չտվեց, մենք միայն մեր երեխեքին ենք ուզում. անհետ կորածի մայր (տեսանյութ) 167 զոհի և անհետ կորածի կենսագրություն․ «ՀայաՔվեն» ավարտեց վերջին կես տարվա կարևոր առաքելությունը