Մխիթար Հայրապետյանն ու Լիբանանի երիտասարդության, սպորտի նախարարը քննարկել են փոխգործակցության հարցեր

Ազգային ժողովի գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Մխիթար Հայրապետյանն ընդունել է Լիբանանի Հանրապետության երիտասարդության և սպորտի նախարար Վարդինե Օհանյանին: Այս մասին հայտնում է խորհրդարանի պաշտոնական կայքը:

Մխիթար Հայրապետյանը երախտագիտություն է հայտնել Լիբանանի իշխանություններին՝ Հայոց ցեղասպանության 106-րդ տարելիցի միջոցառումներին ներկայացուցչական կազմով մասնակցելու համար: Ընդգծելով երկու եղբայրական ժողովուրդների դարավոր բարեկամությունը՝ նա նշել է, որ Եղեռնից հետո հյուրընկալ Լիբանանը հայրենազրկված հայերի համար դարձավ երկրորդ հայրենիք:

«Ի նշան երախտագիտության՝ հայերն իրենց ներդրումն ունեցան Լիբանանի քաղաքական, մշակութային եւ սոցիալական կյանքի տարբեր ոլորտներում: Լինելով այդ պետության լիարժեք ինտեգրված քաղաքացին՝ հայը պահպանում է իր ինքնությունն ու ազգային կերպարը»,-ասել է Հայրապետյանը:

Մխիթար Հայրապետյանը համոզմունք է հայտնել, որ ինչպես դժվարին ժամանակներում, այնպես էլ լուսավոր ապագայում երկու ժողովուրդները սատարելու են միմյանց:

«Մխիթար Հայրապետյանը բարձր է գնահատել Լիբանանի հավասարակշռված դիրքորոշումը Լեռնային Ղարաբաղի հակամարտության կարգավորման հարցում: Նա կարեւորել է Լիբանանի պատշաճ գնահատականն Ադրբեջանի սանձազերծած 44-օրյա պատերազմի վերաբերյալ: Ըստ պատգամավորի՝ այդ օրերին հայ ժողովուրդը մշտապես զգացել է բարեկամ երկրի աջակցությունը»,- նշված է հաղորդագրությունում:

Վարդինե Օհանյանն իր հերթին ընդգծել է, որ հայ-լիբանանյան կապերը պայմանավորված են երկու ժողովուրդների միջեւ ձեւավորված բարեկամական հարաբերություններով, որտեղ առանցքային դեր ունի լիբանանահայ համայնքն իր ստեղծարար աշխատանքով:

«Անդրադարձ կատարվեց կոնկրետ ծրագրային փոխգործակցությանը, մասնավորապես՝ գործադիրի մակարդակով համագործակցության համատեղ փաստաթղթի ստորագրմանը: Այս առումով Մխիթար Հայրապետյանը վստահեցրեց, որ իր գլխավորած հանձնաժողովն ունեցած իրավասության շրջանակում հուսալի գործընկեր է»,- հայտնում է ԱԺ-ն:

Զրուցակիցները մտքեր են փոխանակել կրթական բարեփոխումների, հայապահպանությանը միտված ծրագրերի իրականացման, մշակութային կապերի ամրապնդման, Շախմատի ֆեդերացիաների համագործակցության շուրջ: 

Հանդիպմանը ներկա են եղել նաև ԱԺ պատգամավորներ Լիլիթ Ստեփանյանը, Արթուր Մանուկյանը և Հակոբ Ասլանյանը:

Այս թեմայով «Ժողովուրդ». Մխիթար Հայրապետյանը պաշտոն էր ուզում «Ժողովուրդ». Մխիթար Հայրապետյանը հայտնվել է լուսանցքից դուրս «Ժողովուրդ». Մխիթար Հայրապետյանը՝ կոտրած տաշտակի առջև «Ժողովուրդ». Վահրամ Դումանյանի դեմ դավեր են նյութում․ նախարարի պաշտոնի համար «պայքարում է» Մխիթար Հայրապետյանը Փաշինյանին ուղղված հայհոյանքները նաև նրան սատարող ժողովրդին էր ուղղված. Մխիթար Հայրապետյան Մեզ փողոցում նայում են ատելությամբ, զայրույթով. Մխիթար Հայրապետյան Մխիթար Հայրապետյանը թիմից թաքուն մեկնել է ԱՄՆ․ «Ժողովուրդ» Ինձ չեմ համարում շախմատի մասնագետ, շախմատ լավ չեմ խաղում․ Հայրապետյանը՝ Արոնյանի հայտարարության մասին Հանձնաժողովում հյուրընկալել էի ԿԳՄՍ նախարարին և գիտության պետական կոմիտեի նախագահին․ Մխիթար Հայրապետյան Մխիթար Հայրապետյանն ամուսնանում է․ ով է նրա ընտրյալը