Ռուս-հայկական միջխորհրդարանական կապերի ամրապնդումը հետայսու ևս կնպաստի մեր երկրների ժողովուրդների ազգային շահերին. Վալենտինա Մատվիենկո

ՌԴ ԴԺ Դաշնության խորհրդի նախագահ Վալենտինա Մատվիենկոն Անկախության տոնի առթիվ շնորհավորել է ՀՀ ԱԺ նախագահ Ալեն Սիմոնյանին։

«ՌԴ Դաշնային ժողովի Դաշնության խորհրդի եւ անձամբ իմ կողմից շնորհավորում եմ Ձեզ եւ Հայաստանի Ազգային ժողովի բոլոր պատգամավորներին Անկախության տոնի առթիվ:

Դաշնության խորհուրդը բարձր է գնահատում ռուս եւ հայ ժողովուրդների եղբայրական համերաշխությունը, նրանց՝ արդյունավետ փոխգործակցության եւ երկու երկրների միջեւ դաշնակցային հարաբերությունների խորացման փոխադարձ ձգտումը:

Մեր հարաբերությունները հիմնված են միմյանց շահերի հարգանքի վրա, ինչը համապատասխանում է Ռուսաստանի եւ Հայաստանի միջեւ երկարաժամկետ զարգացման խնդիրներին:

Մեզ հաջողվել է հասնել վստահության եւ փոխըմբռնման բարձր մակարդակի, երկկողմ կապեր հաստատել տարբեր ոլորտներում:

Միջխորհրդարանական համագործակցությունը նշանակալի դերակատարում ունի այդ գործընթացներում:

Համոզված եմ, որ ռուս-հայկական միջխորհրդարանական կապերի ամրապնդումը հետայսու եւս կնպաստի միջպետական երկխոսությանն ու կհամապատասխանի մեր երկրների ժողովուրդների ազգային շահերին:

Սրտանց մաղթում եմ Ձեզ բարօրություն եւ հաջողություններ ձեր օրենսդրական գործունեության մեջ, իսկ Հայաստանի բարեկամ ժողովրդին՝ խաղաղություն եւ բարեկեցություն: Թող երջանկությունը, փոխըմբռնումն ու սերը տիրի յուրաքանչյուր հայի տանը:

Խնդրում եմ ընդունեք իմ բարձր հարգանքի հավաստիքը», - նշված է Վալենտինա Մատվիենկոյի շնորհավորական ուղերձում:

Այս թեմայով Արևմտյան պետությունները տրամադրված էին Ադրբեջանի և Հայաստանի միջև հակամարտություն հրահրելուն․ Մատվիենկո ՌԴ-ն հուսով է, որ մոտ ապագայում Հայաստանի և Ադրբեջանի միջև խաղաղության պայմանագիր կկնքվի. Մատվիենկո Ռուս-ադրբեջանական հարաբերությունները վերելք են ապրում և զարգանում են բոլոր ուղղություններով՝ առանց բացառության․ Մատվիենկո Ալեն Սիմոնյանը Վալենտինա Մատվիենկոյին առաջարկել է ԱՊՀ-ի հովանու ներքո կազմակերպել Ադրբեջանում պահվող հայ ռազմագերիների վերադարձը «Հրապարակ». Մատվիենկոն «խանդի տեսարաններ» է բեմադրել Մատվիենկոն Ուկրաինայի խորհրդարանին հրավիրել է նստել բանակցությունների սեղանի շուրջ Ալեն Սիմոնյանը Վյաչեսլավ Վոլոդինից և Վալենտինա Մատվիենկոյից ցավակցական նամակներ է ստացել Տիմատիի և Վալենտինա Իվանովայի ռոմանտիկ հանգիստը (լուսանկար) Ռուսաստանը պատրաստ է համաձայնագրեր կնքել Ուկրաինայի հետ. Մատվիենկո Հուսով ենք՝ ԼՂ-ի շուրջ ստեղծված իրավիճակը կավարտվի ՀՀ-ի և Ադրբեջանի միջև խաղաղ պայմանագրով. Մատվիենկո