Գիտնականները նշել են սուրճ պատրաստելու ամենավտանգավոր տարբերակը

Սովորական սրճեփում եփած աղացած սուրճը ամենավտանգավորն է մոլորակի համար։ Հայտնի ըմպելիքի պատրաստման տնական մեթոդների ազդեցությունը շրջակա միջավայրի վրա բացահայտել են Քվեբեկի համալսարանի գիտնականներն իրենց ուսումնասիրության մեջ, հայտնում է The Conversation-ը։

Հետազոտողները ուսումնասիրել են մի գավաթ սուրճի ողջ կյանքի ցիկլը՝ պատրաստված մի քանի տարբեր եղանակներով: Հետազոտությունը հաշվի է առել ջերմոցային գազերի արտանետումները բոլոր փուլերում՝ պլանտացիաներում սուրճի հատիկներ աճեցնելուց մինչև ըմպելիք խմելուց հետո սպասք լվանալը:

Ի հեճուկս հետազոտողների ակնկալիքների, մոլորակի համար ամենավնասակարը սրճեփով պատրաստված սուրճն է։ Այս տարբերակի դեպքում 280 միլիլիտր ըմպելիք պատրաստելու համար անհրաժեշտ է 25 գրամ սուրճ, ինչը զգալիորեն ավելի է, քան մյուս մեթոդների դեպքում։  Բացի այդ, սրճեփն ավելի շատ էլեկտրաէներգիա է օգտագործում ջուրը տաքացնելու և խմիչքը տաք պահելու համար։

Ամենաէկոլոգիապես մաքուր տարբերակը, ըստ մասնագետների, լուծվող սուրճն է. դա պայմանավորված է թեյնիկի ավելի մեծ էներգաարդյունավետությամբ, մեկ բաժակ սուրճի համար անհրաժեշտ ավելի փոքր քանակով և օրգանական թափոնների բացակայությամբ: Այնուամենայնիվ, եթե հաշվի առնենք, որ մարդկանց մեծամասնությունը մեկ անգամ ավելի շատ ջուր է տաքացնում և ավելի շատ սուրճ լցնում, քան բավական է, ապա հետազոտության արդյունքները տարբեր կլինեն, նշում են գիտնականները։ Այս դեպքում կապսուլային սուրճի մեքենաները նվազագույնը կվնասեն շրջակա միջավայրին. դրանցում սուրճի և հեղուկի քանակը օպտիմալ է հաշվարկվում մեկ բաժակի համար։

Այս թեմայով Գիտնականները նախազգուշացնում են աշխարհում ամենամահաբեր միջատների ներխուժման մասին «Պետությունից պաշտպանում ենք պետական շահը». գիտնականները ճանապարհ են փակել (տեսանյութ) Միայնակ քնելն ավելի առողջարար է, քան զուգընկերոջ հետ քնելը Գիտնականները պարզել են, որ կանանց արցունքները նվազեցնում են ագրեսիան տղամարդկանց մոտ Գիտնականները պարզել են, որ սեփական այգի ունենալն օգտակար է առողջության համար Գիտնականները ցույց են տվել, թե ինչպիսի տեսք կունենան շները 10 հազար տարի հետո Բացահայտել են կաթնաթթվային բակտերիաների շտամներ. կօգտագործվեն սննդամթերքի կենսապահածոյացման համար Գիտնականները հասկացել են, թե ինչու են քաղցած մկները սննդի փոխարեն նախընտրում սեքսը Կյանքից հեռացել է բուսաշխարհագետ, կենսաբանական գիտությունների դոկտոր Սամվել Բալոյանը Չինացի գիտնականներին հաջողվել է կլոնավորել «սուպերկովերին»