Ինչ եկամուտներ և ունեցվածք են հայտարարագրել տնտեսական բլոկի պատասխանատուները

Բավական ուշագրավ հայտարարագրեր են ներկայացրել ՀՀ տնտեսական բլոկի պատասխանատուները: Դրանցից պարզ է դառնում, որ ի տարբերություն ՀՀ տնտեսության` նրանց կյանքը երկրաչափական պրոգրեսսիայով բարելավվել է:

Դիցուք՝ ահա էկոնոմիկայի նախարար Վահան Քերոբյանը հայտարարագրել է համատեղ սեփականություն հանդիսացող բնարականներ, որոնցից մեկը, որը գտնվում է Երևանի Նոր Նորք համայնքում, նա ժառանգություն է ստացել, իսկ երկրորդը, որը գտնվում է Երևանի Կենտրոն համայնքում, ձեռք է բերել 2019 թ․-ին։ Քերոբյանը հայտարարագրել է նաև 2012 թ․-ին ձեռք բերած TOYOTA մակնիշի մեկ ավտոմեքենա։ Քերոբյանը հանդիսանում է նաև անգլիական «Մենյու Գրուփ Յուքեյ Լիմիթեդ» ընկերության տնօրենների խորհրդի անդամ և հայտարարագրել է ընկերության՝ իրեն պատկանող 17.39 տոկոս բաժնեմասը, որի արժեքը 1,5 մլն դոլար է։ Քերոբյանը հայտարարագրել է նաև Էկոնոմիկայի նախարարությունից աշխատանքի վարձատրության դիմաց ստացած 20 մլն 225 հազար դրամ աշխատավարձը։ Հատկանշական է, որ մինչ նախարարի պաշտոնը ստանձնելը՝ տարբեր ընկերություններում ղեկավար պաշտոններ զբաղեցրած անձը հանտարարագրում որևէ տեղեկություն չի ներկայացրել դրամական միջոցների մասին։ Հայտարարագրում բացակայում են թե՛ կանխիկ դրամական միջոցների, թե՛ բանկային հաշիվների մասին տեղեկությունները։ Նշենք, որ ըստ պաշտոնի ստանձնման հայտարարագրի՝ 2020 թ․-ին նա «Ինտերնետ Պրոջեքթս» ՍՊԸ-ից որպես աշխատանքի վարձատրության դիմաց եկամուտ հայտարարագրել է 35 մլն դրամ եկամուտը։ 

Նախարարի տեղակալ Արման Խոջոյանը հայտարարագրել է երկու բնակարան և մեկ ավտոկայանատեղի, 2015 թվականին ձեռք բերված MERCEDES-BENZ մակնիշի ավտոմեքենա, պաշտոնյայի բանկային ավանդները կազմել են 5,000,000.00 դրամ և 10 հազար ԱՄՆ դոլար: Բանկային հաշվի մնացորդը կազմել է 368,191.00 դրամ և 12,019.38 ԱՄՆ դոլար: Պաշտոնյան հայտարագրել է նաև 4,800,000.00 կանխիկ դրամ: Աշխատանքի դիմաց ստացված վարձատրությունը կազմել է 17,117,291.00 դրամ:

Նախարարի մյուս տեղակալ Անի Իսպիրյանը հայտարարագրել է երկու բնակարան, 200,000.00 ռուբլուն համարժեք բանկային ավանդ: Պաշտոնյայի բանկային հաշվի մնացորդը կազմել է 1,936,015.97 դրամ, 2,309.43 ռուսական ռուբլի: Կանխիկ դրամը՝ 8,000.00 դրամ և 100,000.00 ռուբլի: Աշխատանքի դիմաց ստացված վարձատրությունը կազմել է 6,451,692.00 դրամ և 515,192.97 ռուսական ռուբլի: Վերջինս նաև 199,461.00 ռուբլի վարկ ունի: Պաշտոնյայի ծախսերը կազմել են 2,885,000.00 դրամ:

Եվ վերջապես Քերոբյանի չորորդ տեղակալ Նարեկ Տերյանը հայտարարագրել է բնակարան և ավտոտնակ, 2013-ին գնված AUDI մակնիշի ավտոմեքենա, բանկային հաշվի մնացորդը կազմել է 864,000.00 դրամ, 1,000,000.00 ռուբլի, 15,000.00 դոլար և 15,000.00 եվրո: Կանխիկ դրամը կազմել է 282,500.00 դրամ և 1,500,000.00 ռուսական ռուբլի:  Հաշվետու տարվա եկամուտները կազմել են 23,272,992.00 դրամ և 1,500,000.00 ռուբլի:

ՊԵԿ նախագահ Ռուստամ Բադասյանը հայտարարագրել է մեկ բնակարան, MERCEDES-BENZ մակնիշի ավտոմեքենա, բանկային հաշվի մնացորդը կազմել է 2,773,904.00 դրամ և 47.00 եվրո: Էլեկտրոնային հաշիվները ՝ 30,907.00 դրամ: Հաշվետու տարում Բադասյանի եկամուտները կազմել են 26,734,267.00 դրամ:

ՀՀ ՊԵԿ նախագահի առաջին տեղակալ Արտյոմ Սմբատյանը հայտարարագրել է 2020-ին գնված MERCEDES-BENZ մակնիշի ավտոմեքենա, 22,625,000.00 դրամ և 4,000.00 ԱՄՆ դոլարին համարժեք կանխիկ գումար: Հաշվետու տարվա եկամուտները կազմել են 16,569,697.00 դրամ:

Արթուր Մանուկյանը հայտարարագրել է բնակարան և ավտոտնակ, 11,508,264.00 դրամի հանձնված և ստացված փոխառություն, բանկային հաշվի մնացորդները կազմել են 1,425,824.00, 2,416.00 և 59,497.00 դրամ: Պաշտոնյան կանխիկ հայտարարագրել է 12,000.00 ԱՄՆ դոլար և 12,000,000.00 ՀՀ դրամ: Հաշվետու տարվա եկամուտները կազմել են 30,388,084.00 դրամ:

Աշոտ Մուրադյանը հայտարարագրել է բնակարան և հողամաս ՀՀ-ում, ինչպես նաև մեկ բնակարան ՌԴ-ում՝ գնված 2017 թվականին: Պաշտոնյան նաև հայտարարագրել է 2020-ին ձեռք բերված INFINITI մակնիշի ավտոմեքենա, 34,147,200.00 դրամի հանձնված և ստացված փոխառություն: Բանկային հաշվի մնացորդը կազմել է 102,152.89 դրամ: Կանխիկ գումարը՝ 1,000.00 ԱՄՆ դոլար: Հաշվետու տարում եկամուտները կազմել են 22,289,162.03 դրամ և 11,000,000.00 ռուբլի:

Ծովինար Սողոմոնյանը հայտարարագրել է բնակարան և ավտոտնակ, 2010-ին գնված HONDA մակնիշի ավտոմեքենա: Պաշտոնյայի բանկային ավադները կազմել են 2,500.00 ԱՄՆ դոլար, 209,000.00 և 900,000.00 դրամ: Բանկային հաշիվների մնացորդը կազմել է 334,329.00 և 2,671,122.34 դրամ: Հաշվետու տարում պաշտոնյայի եկամուտները կազմել են 24,255,510.00 դրամ:

Ֆինանսների նախարար Վահե Հովհաննիսյանը հայտարարարգրել է այգետնակ, երկու հատ TOYOTA և մեկ HONDA  մակնիշի ավտոմեքենաներ, 1,050,000.00 դոլարի բաժնային արժեթուղթ, 35,380,000.00 դրամի հանձնած և վերադարձված փոխառություն, բանկային հաշիվների մնացորդը կազմել է  47,192.16 դոլար և 3,698,603.55 դրամ: Պաշտոնյան կանխիկ հայտարարարգրել է 8,000.00 ԱՄՆ դոլար: Հաշվետու տարվա եկամուտները կազմել են 1,196,397.55 ԱՄՆ դոլար և 5,044,955.00 ՀՀ դրամ:

Այս թեմայով Մեր նպատակն է Հայաստանը դարձնել բարձր տեխնոլոգիական տնտեսություն ունեցող երկիր. վարչապետը հանդիպել է եգիպտացի գործարարներին «Standard and Poor’s»–ը վերահաստատել է ՀՀ սուվերեն BB- վարկանիշը` կայուն հեռանկարով Հայաստանում Տնտեսական ակտիվության ցուցանիշի հավելաճը կազմել է 9.5% Fitch-ը 2024 թվականին Հայաստանում 6% տնտեսական աճ է կանխատեսում Հայաստանի ամենախոշոր հարկատուները ռուսական կապիտալով ընկերություններն են Վահան Քերոբյանը Կամարիսում այցելել է ելակի, ազնվամորու և մոշի մշակությամբ զբաղվող ջերմոցային տնտեսություն Հայաստան կժամանի ԳԴՀ տնտեսական համագործակցության նախարարի պետքարտուղարը Քերոբյանը ԱՄԷ դեսպանի հետ քննարկել է տնտեսական համագործակցության հեռանկարային ուղղությունները Փոխվարչապետն ընդգծել է գործադիր-Միասնական հարթակ կապի աշխատակարգի սահմանման անհրաժեշտությունը Կայացել է Հայ-ղազախական տնտեսական համագործակցության միջկառավարական հանձնաժողովի 9-րդ նիստը