Արամ Խաչատրյանի 120-ամյակի առթիվ վաթսունհինգ համերգ է կազմակերպվել աշխարհի տարբեր երկրներում

Հայ մեծանուն կոմպոզիտոր Արամ Խաչատրյանի 120-ամյակի առթիվ վաթսունհինգ համերգային երեկո է անցկացվել տասներկու երկրում, այս մասին դեկտեմբերի 25-ին լրագրողների հետ հանդիպմանն ասաց ՀՀ ԿԳՄՍ նախարարի տեղակար Դանիել Դանիելյանը:

«Ալ. Սպենդիարյանի անվան օպերայի և բալետի ազգային ակադեմիական թատրոնը  հյուրախաղերով ներկայացել է Փարիզում և Ստրասբուրգում, Հայաստանի պետական սիմֆոնիկ նվագախումբը հանդես է եկել Չինաստանում, Հայաստանի ազգային ֆիլհարմոնիկ նվագախումբը ելույթներ է ունեցել Հունաստանում, ԱՄՆ-ում, Կանադայում, Չինաստանում և այն»,-ասաց փոխնախարարը:

Նա հայկական երաժշտությունն աշխարհում տարածելու գործում կարևորում է Հայաստանի նվագախմբերի, երաժշտախմբերի ելույթներն աշխարհում:

«Պետք է նաև Հայաստանում հյուրընկալել հեղինակավոր կառույցների, անհատների, ինչը մեծ վստահություն է ներշնչում մեր երկրի հանդեպ: Այս տարի հյուրընկալեցինք Փարիզի հանրահայտ Օդեոն, Սանկտ Պետերբուրգի Ալեքսանդրինյան և այլ թատրոնների: Հեղինակավոր անունների ընդունեցինք Երևանի օպերային թատրոնում»,-շեշտեց Դանիել Դանիելյանը:

Նա անդրադարձավ հոբելյանական միջոցառումներին, որոնք պետք է տեղի ունենան 2024 թվականին և հիշեցրեց, որ Շառլ Ազնավուրի և Սերգեյ Փարաջանովի 100-ամյակների հոբելյանները  ներառվել են ՅՈՒՆԵՍԿՕ-ի 2024 թվականի հոբելյանական ցանկերում: Նախատեսված են բազմաթիվ և բազմաժանր միջոցառումներ ՅՈՒՆԵՍԿՕ-ի կենտրոնակայանում և մի շարք երկրներում:

2024-ին կնշվեն նաև Երվանդ Քոչարի՝ 125, Պարույր Սևակի՝ 100, Պարարվեստի պետական ուսումնարանի՝ 100, Վալենտին Պոդպոմոգովի՝ 100, Կոմիտաս քառյակի՝ 100, Տիգրան Մանսուրյանի  և Ռոբերտ Ամիրխանյանի 85-ամյակները:

Այս թեմայով Համախմբվիր, հայ ժողովուրդ, քո զորությունը միասնականության մեջ է, մեզ միավորողը Հայաստանն է. Արամ Ա (տեսանյութ) Ոստիկանները հարձակվեցին պատգամավոր Արթուր Խաչատրյանի վրա Հնդկաստանի ԱԳՆ-ն արձագանքել է Ադրբեջանի՝ Հայաստանին զենք մատակարարելու առթիվ քննադատությանը Անընդհատ զիջելով չէ, հիմա ադրբեջանցիները երգում-պարում են, նայե'ք էս ժողովրդի վիճակը. Տեր Արամ (տեսանյութ) ՀԻՄԱ. Հայաստանի տարբեր հատվածներում փողոցներ են փակվում Երեվան-Երասխ ավտոճանապարհի երթևեկությունը այրվող անվադողերով խաթարելու դեպքի առթիվ նախաձեռնվել է քրեական վարույթ Մենք այսօր էլ շարունակում ենք բախվել ցեղասպանության տարբեր դրսևորումների. Սինանյան Արամ Ա-ն արձագանքել է Էրդողանին Նոյեմբերյանում մարդկանց մեջ մեքենայի մխրճվելու տեղեկությունների առթիվ պահանջել ենք պատշաճ քննություն. ՄԻՊ (տեսանյութ) Պարոն Էրդողան, մի փորձեք Սփյուռքը հակադրել Հայաստանին, մենք մի ազգ ենք՝ մի պահանջատիրությամբ. Արամ Ա