Աշտարակի ոստիկանները հայտնաբերել են ապօրինի զենք-զինամթերք

Աշտարակի քրեական հետախույզները ստացել էին օպերատիվ տեղեկություն, որ Երևանի Դերենիկ Դեմիրճյան փողոցի բնակիչ 40-ամյա մի տղամարդ մայրաքաղաքի տանն ու Աշտարակի ամառանոցում ապօրինի պահում է զենք-զինամթերք:

Ստուգումների ընթացքում պարզվեց, որ նրան զինամթերք էր տվել Աշտարակի 35-ամյա մի բնակիչ: Ըստ որոշ տվյալների` աշտարակցին նաև ուրիշի էր զենքեր տվել:

Տեղեկությունն իրացվեց մարտի 4-ին` Աշտարակի համայնքային ոստիկանների հետ: Աշտարակի Նարեկացու փողոցում ժամը 15.55-ին երևանցի տղամարդը ձերբակալվեց: Նա խոստովանեց, որ ամառանոցում ունի «Մակարով» տեսակի ապօրինի ատրճանակ, իսկ Աշտարակ քաղաքի Ներսես Աշտարակեցու փողոցի լքված շինությունում պահել է ինքնաձիգի մարտական փամփուշտներ:

Տղամարդն ու կազմված փաստաթղթերը ներկայացվեցին Արագածոտնի մարզի քննչական վարչություն, որտեղ նախաձեռնվեց քրեական վարույթ:

Հետագա միջոցառումներով պարզվեց, որ բացի երևանցուց` երկու զենք էլ 35-ամյա տղամարդը տվել էր 47-ամյա համաքաղաքացի ազգականին: Նույն օրը, ժամը 21.40-ին, Երևանում ձերբակալվեց ու ոստիկանության Աշտարակի բաժին տարվեց նաև 47-ամյա ազգականը:

Նա հայտնեց, որ «Կալաշնիկով» տեսակի ինքնաձիգն իր ավտոտնակում է, իսկ «Մակարով» ատրճանակը պահել է տանը՝ երկաթյա պահարանի տակ: Քիչ անց 47-ամյա տղամարդու որդին ինքնակամ բաժին ներկայացրեց «Մակարովը»:

Նախաքննական մարմին ներկայացված տղամարդիկ տեղափոխվեցին ձերբակալվածների պահման վայր: Իսկ հաջորդ օրը` մարտի 5-ին, խուզարկություններ կատարվեցին երևանցու ամառանոցում, որտեղից հայտնաբերվեցին «Մակարով» տեսակի, ջնջված գործարանային համարով ատրճանակ և որսորդական հրացանի 15 փամփուշտ: Աշտարակցու տան և օժանդակ շինությունների խուզարկությամբ ավտոտնակում հայտնաբերվեցին ինքնաձիգի 3605 փամփուշտ և մեկ ինքնաձիգ, նկուղում` ինքնաձիգի 379 փամփուշտ, մասնատված երկու հրացան, հրացանի մեկ փող, գնդացրի շղթա՝ հինգ փամփուշտով, իսկ բնակարանում` հրացանի մեկ փող, օդաճնշիչ ատրճանակ և գնդացրի օպտիկական սարքեր: Ներսես Աշտարակեցու փողոցի կիսաքանդ շինության մեջ հայտնաբերվեց ինքնաձիգի 289 փամփուշտ:

Նախաքննությամբ հանգամանքները պարզվում են:

Այս թեմայով Ոստիկանները հարձակվեցին պատգամավոր Արթուր Խաչատրյանի վրա Հնդկաստանի ԱԳՆ-ն արձագանքել է Ադրբեջանի՝ Հայաստանին զենք մատակարարելու առթիվ քննադատությանը Ոստիկանները գազանաբար առևանգեցին Գերասիմ Վարդանյանին. քաղաքացիները թույլ չեն տալիս տանել (տեսանյութ) Տավուշում ոստիկանները «պատ» են կազմել, ուժ կիրառելով բացեցին ճանապարհը (տեսանյութ) Ոստիկանները կնոջը քաշքշելով իջեցրին մեքենայից և բերման ենթարկեցին. նա ակցիային միացել էր մեքենայի ազդանշանով Ոստիկանները բերման են ենթարկում «Մերժիր գժին» շարժման անդամներին (տեսանյութ) Կարող են ապօրինի հրաման չկատարել՝ պագոնները հանեն, գնան իրենց տուն. Գրիգոր Գրիգորյան (տեսանյութ) Ինչպես են ոստիկանները բիրտ ուժի կիրառմամբ բերման ենթարկում ճանապարհը փակած քաղաքացիներին (ֆոտոշարք) ՀԻՄԱ. Կիրանցում իրավիճակը սրված է, ոստիկանները փակել են Բաղանիս-Ոսկեպար ճանապարհը Սա հող հանձնել է նշանակում, ժողովուրդը պետք է զարթնի և ոչ ասի Տավուշի ապօրինի գործընթացին (տեսանյութ)