Կարեւորում եմ քաղհասարկության կազմակերպությունների եւ որոշումներ կայացնողների մշտական կապը. Զարուհի Բաթոյան

Աշխատավայրում գենդերային հավասարության խթանմանն ուղղված ՀՀ ջանքերը վերջին տարիներին առավել տեսանելի են, սակայն չնայած այդ ջանքերին` աշխատանքային հարաբերություններում շարունակվում են արձանագրվել գենդերային խտրականության դրսեւորումները. ասել է ՀՀ ԱԺ «Քաղաքացիական պայմանագիր» խմբակցության պատգամավոր Զարուհի Բաթոյանը մարտի 27-ին կայացած «Կանանց նկատմամբ գենդերային խտրականության դրսեւորումներն աշխատանքային հարաբերություններում Հայաստանում» հետազոտության հանրային ներկայացման ժամանակ:

Հետազոտությունն իրականացվել է ԿՌԿ-ի կողմից` «Սոլիդարիթի Սենթեր» հայաստանյան գրասենյակի նախաձեռնությամբ եւ աջակցությամբ:

Հանդիպմանը մասնակցել են Կառավարության, Ազգային ժողովի, Գործատուների միավորման, արհմիությունների, միջազգային եւ տեղական հասարակական կազմակերպությունների ներկայացուցիչներ:

Բացման իր խոսքում Զարուհի Բաթոյանը նշել է. «ԱԺ աշխատանքի եւ սոցիալական հարցերի մշտական հանձնաժողովի համար շատ կարեւոր է համագործակցությունը կանանց հիմնախնդիրներով զբաղվող կազմակերպությունների հետ, եւ սա այն մշտական գործընթացն է, որից մենք` պատգամավորներս, մշտապես փորձում ենք տեղեկություն քաղել, որպեսզի կարողանանք մեր քաղաքականությունն իրականացնել կարիքների հիման վրա: ՀՀ կառավարության համար շատ կարեւոր է կանանց տնտեսական հզորացումը, ներգրավումը տնտեսական կյանքին եւ հավասար հնարավորությունների ստեղծումը, ուստի քաղաքականությունների իմաստով մենք նույն ուղղությամբ ենք շարժվում, պարզապես կարեւոր է շահառուներից, ոլորտից քաղել այն տեղեկատվությունը, որոնք մեզ կօգնեն հասկանալու, թե ինչպես շարժվել այդ ուղղությամբ եւ հասնել մեր նպատակներին: Այս իմաստով կարեւորում եմ քաղհասարկության կազմակերպությունների եւ որոշումներ կայացնողների մշտական կապը եւ հետեւողական աշխատանքը»:  

Զարուհի Բաթոյանը նաեւ հիշեցրել է, որ Ազգային ժողովը 2023 թվականին Աշխատանքային օրենսգրքում փոփոխություն է իրականացրել` սահմանելով նաեւ սեռական ոտնձգության արգելքը, որը հիմնականում ուղղված է աշխատանքային հարաբերություններում կանանց պաշտպանությանը:

«Բայց մենք դեռեւս նոր փոփոխությունների եւ օրենսդրության բարելավման կարիք ունենք, եւ հույս ունեմ, որ ոլորտի կազմակերպություններն իրենց փորձագիտական աջակցությունը կունենան այս գործընթացում»,- ընգծել է պատգամավորը:

Այս թեմայով ՀԻՄԱ․ ՀՀ ԱԺ արտաքին հարաբերությունների մշտական հանձնաժողովի հերթական նիստ ՈՒՂԻՂ․ Ֆինանսավարկային եւ բյուջետային հարցերի մշտական հանձնաժողովի նիստ Եթե իշխանություննները չուզեն հայհոյանքը վերցնել իրենց վրա, բա ո՞վ է անելու այդ աշխատանքը. Փաշինյան ՈՒՂԻՂ. ՀՀ ԱԺ տնտեսական հարցերի մշտական հանձնաժողովի հերթական նիստ ՈՒՂԻՂ. Տարածաշրջանային եւ եվրասիական ինտեգրման հարցերի մշտական հանձնաժողովի նիստ Եվրոպական ինտեգրման հարցերի մշտական հանձնաժողովի որոշմամբ կհրավիրվեն խորհրդարանական լսումներ Եվրոպական ինտեգրման հարցերի մշտական հանձնաժողովի որոշմամբ կհրավիրվեն խորհրդարանական լսումներ Ալեքսեյ Սանդիկովը մասնակցել է ԱՊՀ ՄԽՎ պաշտպանության եւ անվտանգության հարցերի մշտական ու կից հանձնաժողովների նիստերին ՀՀ ԱԺ պետական-իրավական հարցերի մշտական հանձնաժողովի հերթական նիստ ԽԾԲ-ին յուղոտ պաշտոնների տեղավորած ՔՊ-ականները. Զարուհի Բաթոյան